Светот ќе се соочи со далеку посмртоносна пандемија

Водечки светски научник и творец на вакцина тврди дека светот ќе се соочи со далеку посмртоносна пандемија

Вирусот Нипа кој може да убие повеќе од половина од оние што го добиваат е една од следните главни закани за појава на глобална пандемија, предупреди научникот Сара Гилберт, која учествуваше во создавањето на вакцината АстраЗенека.

Гилберт за британските медиуми посочи дека вакцината против овој вирус сè уште не е на повидок, и смета дека би било „фатално“ доколку овој вирус се развие во насока да се шири со иста брзина како и ковидот, пренесува „Д Сан“.

"Сите се свесни како се прошири SARS-CoV-2 низ целиот свет. Мутираше, еволуираше и завршивме со делта сојот кој е многу заразен. Ако добиеме делта варијанта на Нипа вирусот (еволуирана за да биде позаразна), тогаш би имале високо пренослив вирус со 50% смртност“, рече таа.

Пред да започне со работа за развој на вакцината „АстраЗенека“ во јануари минатата година, Сара работеше и на вакцини за вирусот Нипа, треската Ласа и МЕРС. Сепак, нејзината работа стагнираше откако започна пандемијата.

"За време на пандемијата, научивме дека можеме да го направиме тоа побрзо и подобро, сега сакаме да ги примениме тие лекции, но сепак потребни се средства за тоа. Потребни ни се залихи на вакцини против овие патогени кои веќе ги знаеме. Како би изгледало ако одеднаш се случи голема „епидемија на вирусот Нипа? Со години се сомневаме во тоа и почнавме да правиме вакцина пред пет години, но сè уште не е готово“, посочува Гилберт.

Вирусот Нипа е на врвот од списокот за десет приоритетни болести кои Светската здравствена организација ги идентификува како потенцијални причини за идни епидемии. Минатата година, научниците за „Д Сан“потврдија дека вирусот Нипа навистина „може да биде иницијатор на нова пандемија“.

Јужната индиска држава Керала мораше итно да реагира во септември за да го спречи потенцијалното избивање на овој вирус откако од него почина 12-годишно момче, што доведе до изолација на стотици негови блиски контакти.

Првично, овој вирус предизвикува треска, главоболка и респираторни симптоми, пред да доведе до оток на мозокот и кома. Нипа се пренесува од луѓе на животни, а постои сомневање дека се пренесува од свињи кои се заразиле со јадење овошје со траги од плунка или урина од лилјак.

Најголем ризик за појава на епидемија на вирусот Нипа постои во земји како Камбоџа, Индонезија, Мадагаскар, Филипини и Тајланд.

Извор: zena.blic.rs

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер