Тогаш Касилјас, давајќи изјава пред новинарите по освојувањето на Светскиот куп, и се заблагодари на Сара Карбонеро за поддршката и ја бакна во уста. Таа се шокира и искоментира : „Мила мајко...“

Таа сцена остана можеби најимпресивната од тој Мундијал, а голманот и репортерката беа воодушевени од спонтаните реакции.

Касилјас и Сара го добија синот Мартин, четири години подоцна, а се венчаа во 2016 година, пред раѓањето на нивниот втор син Лукас.

За сето ова време тие беа поим за примерен пар, без скандали и расправии, и поради скромноста беа омилени. Ова стана уште посилно минатата година, кога Свети Икер, како што Шпанците го нарекуваат одличниот голман, ги надмина последиците од срцевиот удар со голема помош на неговата сопруга.

Сепак, сега на идиличната љубов и дојде крајот. Касилјас и Карбонеро објавија дека по 11 години врска и пет години брак се разведуваат. Оваа вест ја изненади Шпанија, а тамошните медиуми пишуваат дека овој развод ќе биде интересен и заради големото богатство што се стекнало за време на нивниот заеднички живот.

И покрај заедничките банкарски сметки, Касилјас изградил деловна империја проценета на 350 милиони евра пред и за време на неговиот живот со Карбонеро. Постојат четири компании за недвижнини кои минатата година пријавиле приходи во вкупна вредност од 25 милиони евра.

Касилјас ја има компанијата Икерка веќе 20 години, која поседува недвижен имот на супер атрактивни локации низ Шпанија: градежни парцели и паркиралишта, луксузна зграда, семејна куќа и повеќе недвижнини.

Пред шест години, тој основал друга компанија, Касилјас Ворлд, која ги покрива неговите спонзорства и имиџ права и која објавила приход од 2,2 милиони евра минатата година. Исто така, располага со голем број атрактивни имоти на престижни локации.

Сара Карбонеро нема толкаво богатство, но пред две години нејзиното богатство се проценувало на 1,1 милиони евра.

Нејзина најуспешна компанија е „Рекуердос де Судафрика“ или „Спомени од Јужна Африка“.Сега, покрај сеќавањата на Јужна Африка, таа ќе има три компании во нејзиниот роден град и компанија што прави облека и накит. Таа го основала во 2015 година со нејзината пријателка Изабел Хименес и со неа има обрт од околу половина милион евра секоја година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.