Сузуки го прекина производството на Свифт поради проблеми со набавка на минерали - Канал 5

Автомобилизам

Сузуки го прекина производството на Свифт поради проблеми со набавка на минерали

„Сузуки Мотор“ го прекина производството на моделот „Свифт“ поради проблеми со снабдувањето со технолошки минерали, изјавија два извори за „Ројтерс“.

Сузуки го прекина производството на Свифт поради проблеми со набавка на минерали

„Сузуки Мотор“ го прекина производството на моделот „Свифт“ поради проблеми со снабдувањето со технолошки минерали, изјавија два извори за „Ројтерс“, откривајќи ги проблемите на јапонскиот производител на автомобили со снабдувањето со клучни суровини откако Кина ги заостри регулативите за извоз.

Управата објави дека од 25 мај до 6 јуни ќе го прекине производството на „Свифт“, со исклучок на неговата спортска варијанта, поради недостаток на делови, без да даде детали.

Производството ќе се рестартира на 13 јуни, но во намален обем, во фабриката Сагара, и со полн капацитет по 16 јуни, бидејќи „перспективите за набавка на делови сега се појасни“, објави денеска.

На почетокот на април, Пекинг ги прошири ограничувањата за извоз на минерали што содржат диспрозиум, гадолиниум, лутециум, самариум, скандиум, тербиум и итриум, како и на група магнети, а одлуката стапи на сила вчера.

Ограничувањето ги наруши синџирите на снабдување кои се критични за производителите на автомобили и воздухопловство, како и за секторите за полупроводници и воена опрема низ целиот свет.

Од почетокот на април, добавувачите од автомобилскиот сектор поднеле стотици барања за извозни лиценци до Пекинг, а досега се одобрени само една четвртина, предупреди вчера здружението CLEPA.

Некои барања беа одбиени со објаснувања кои беа во голема мера процедурални по природа, додадоа тие.

Поради недостаток на извозни дозволи, производството на автомобилски делови е суспендирано и во некои европски фабрики, додека Mercedes-Benz објави дека размислуваат како да се заштитат од недостигот на клучни суровини.

На германскиот производител на автомобили Volkswagen му е сигнализирано дека неговите добавувачи добиле ограничен број кинески лиценци за извоз на ретки минерали. Во моментов, не се соочуваме со недостиг, соопшти вчера VW.

Тагови: сузуки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Гори саудиски танкер полн со нафта, погоден е со ракета

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети.

Гори саудиски танкер полн со нафта, погоден е со ракета

Јеменските Хути рано утринава соопштија дека извеле воена операција насочена кон два саудиски танкери за нафта, при што извештаите за поморска безбедност укажуваат дека еден од бродовите наведени од групата – танкерот „Енселија“ (Encelia) што плови под саудиско знаме – бил погоден во Црвеното Море.

Хутите објавија дека ги нападнале танкерите „Енселија“ (ENCELIA) и „Лајла“ (LAYLA) со повеќе балистички и крстосувачки ракети, тврдејќи дека пловилата ја прекршиле поморската блокада наметната врз Саудиска Арабија од страна на група поврзана со Иран.

Извор од областа на поморската безбедност соопшти дека танкерот „Енселија“ испратил повик за помош, пријавувајќи дека бил погоден од ракета додека се наоѓал во близина на надворешните граници на саудиското пристаниште Џизан во Црвеното Море и дека се запалил.

Британската групација за управување со поморски ризици „Вангард“ (Vanguard) соопшти дека саудискиот танкер „Енселија“ (Encelia) бил погоден од проектил од непознато потекло на десната страна, на околу 70 наутички милји југозападно од Ал Шукаик во Саудиска Арабија, во 20:00 часот по Гринич (GMT).

Тагови: Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар. 

Заседаваше кризниот штаб за надминување на состојбата во Гостивар

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Сончево со температура до 34 степени

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер