Судар на два брзи воза во Шпанија, најмалку 39 загинати, повеќе од 150 повредени - Канал 5

Европа

Судар на два брзи воза во Шпанија, најмалку 39 загинати, повеќе од 150 повредени

Искршени вагони, искривени шини и безживотни тела под железничката пруга сведочат за трагедијата што се случи синоќа во Шпанија која досега брои околу 40-тина жртви

Судар на два брзи воза во Шпанија, најмалку 39 загинати, повеќе од 150 повредени

Искршени вагони, искривени шини и безживотни тела под железничката пруга сведочат за трагедијата што се случи синоќа во Шпанија која досега брои околу 40-тина жртви, откако, брз патнички воз што сообраќал од Малага кон Мадрид, кај местото Адамуз, излетал од шините и удрил во друг воз кој доаѓал од спротивна насока.

На терен се уште има пожарникари, медицински тимови и хеликоптери за итен транспорт, а местото на несреќата го посети и шпанскиот премиер Педро Санчез кој прогласи тридневна жалост ветувајќи дека вистината за причината за трагедијата ќе излезе на виделина.

-Шпанците како било кој народ се прашуваат „Што се случи?“, „Како ова се случи?“ „Како воопшто е возможно да се случи ваква трагедија?“. Ќе биде потребно време, но експертите ќе дадат одговор. И сакам граѓаните да знаат дека ние ќе дојдеме до одговорите и веднаш откако ќе ги имаме ќе се знае која е причината за оваа трагедија, ќе информираме, целосно транспарентно, Педро Санчез – Премиер на Шпанија .

Министерот за транспорт на Шпанија Оскар Пуенте во изјави за шпанските медиуми потенцираше дека самата несреќа е многу тешка за објаснување и чудна, бидејќи се случила на прав дел од скоро реновирана пруга, не на кривина, како и дека возовите се релативно нови. Во меѓувреме со став излезе и компанијата која управува со еден од судрените возови, тврдејќи дека човечка грешка е практично исклучена бидејќи и да имало, системот во возот би ја поправил, но не исклучуваат механички квар или инфраструктурен проблем.

Досега 50 -тина луѓе, помеѓу кои и неколку деца, се хоспитализирани, а од нив десетина се со потешки повреди на интензивна нега, информираат шпанските здравствени власти.

Преживеаните пак, кои за среќа не биле сериозно повредени, раскажуваат дека возот во кој се превезувале одеднаш почнал силно да се тресе, „како да има земјотрес“, по што следел удар што за миг вагоните ги претворил во сцени на хорор, хаос и страв.

-Последните вагони беа преполни. Имаше премногу луѓе и сите бегаа, сите.

Благодарна сум на бога што ништо не се случи во вагонот во кој бев јас. Сите си помагаа еден на друг и се молам на бог сите повредени да бидат добро.

Шпанија има една од најдолгите мрежи за брзи возови во светот, веднаш по Кина. Иако досега имаше неколку инциденти, ова е најтешката несреќа со брз воз по онаа во 2013 година, кога во Сантјаго де Компостела загинаа 79 лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Руски дрон го погоди седиштето на безбедносната служба на Украина (SBU) во центарот на Киев, а официјални лица изјавија дека нападот бил директно насочен кон канцеларијата на нејзиниот шеф.

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Украинскиот претседател Володимир Зеленски изјави дека дронот ја погодил централната зграда на SBU на улицата Володимирска, спроти историската катедрала „Света Софија“ во градот, објави „Дејли меил“.

„Дронот бил насочен директно кон канцеларијата на шефот на безбедносната служба во таа зграда“, рече Зеленски по разговорите со вршителот на должноста шеф на SBU, Олександр Поклад.

Во нападот се повредени пет лица, според градоначалникот на Киев, додека густ црн чад се издигаше од местото на настанот. Зеленски рече дека службите за итни случаи се на местото на настанот.

Директниот удар се случил по неколкудневни речиси постојани руски воздушни напади врз украинскиот главен град. Снимки од последиците од нападот беа објавени и на социјалните медиуми.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за надворешни работи на Украина, Андриј Сибиха

Министерот за надворешни работи и надворешна трговија, Тимчо Муцунски, денеска престојува во официјална посета на Украина, во чии рамки оствари средба со својот украински колега, министерот за надворешни работи Андриј Сибиха.

Средба на министерот Муцунски со министерот за надворешни работи на Украина, Андриј Сибиха

Во фокусот на разговорите беа можностите за натамошно продлабочување на политичкиот дијалог и соработката меѓу двете земји, како на билатерален, така и на мултилатерален план. Посебен акцент беше ставен на унапредувањето на економската соработка, европската перспектива на двете земји, актуелните безбедносни предизвици, како и на можностите за учество на нашата држава во процесот на закрепнување и реконструкција на Украина.

Министерот Муцунски ја потврди цврстата и континуирана поддршка за Украина, нагласувајќи ја принципиелната позиција во однос на почитувањето на суверенитетот, територијалниот интегритет и меѓународното право.

„Стоиме со Украина. Украина е суверена држава. Нејзиниот територијален интегритет мора да се почитува. Границите не можат да се менуваат со сила. А меѓународното право не може да биде прашање на избор кога неговото почитување не ни одговара“, истакна Муцунски.

Во разговорите беше нагласено и поширокото значење на безбедноста на Украина за европската и трансатлантската безбедност, како и потребата од заеднички и координиран ангажман на сојузниците и партнерите во создавањето услови за праведен и траен мир.

„Американското лидерство и европската одговорност мора да дејствуваат заедно. Така го зајакнуваме одвраќањето денес. Така ги создаваме условите за мир утре. И така обезбедуваме тој мир да биде траен“, порача министерот.

Муцунски ја потврди и подготвеноста на Македонија да продолжи да придонесува кон меѓународните напори за поддршка на Украина, како и активно да се вклучи во процесот на нејзино закрепнување и реконструкција.

„Кога разговорот повеќе нема да биде за одбрана и преживување, туку за обнова и просперитет. Сакаме тој ден да дојде што е можно поскоро. И кога ќе дојде, мојата држава има намера да биде тука – не само како пријател кој стоел со Украина во тешките времиња, туку и како партнер во нејзиното закрепнување и реконструкција“, нагласи Муцунски.

Двајцата министри ја потврдија подготвеноста за натамошно продлабочување на билатералната и мултилатералната соработка, како и за унапредување на политичките и економските односи меѓу двете земји.

Во рамките на посетата, министерот Муцунски оствари средба и со Олександр Корниенко, прв заменик-претседател на Врховната рада на Украина, а заедно со министерот Сибиха положија цвеќе пред Ѕидот на сеќавањето на паднатите бранители на Украина, соопштуваат од МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Погребот на Младиќ во понеделник во Белград, Вучиќ нема да присуствува поради службени обврски

Поранешниот командант на босанските Срби и осуденик за воени злостроства, Ратко Младиќ, чие тело синоќа беше донесено во Србија, ќе биде погребан во понеделник на гробиштата Топчидер во Белград.

Погребот на Младиќ во понеделник во Белград, Вучиќ нема да присуствува поради службени обврски

Како што објавија српските медиуми, комеморацијата на Младиќ кој минатата недела почина во притворското одделение во Хаг, ќе се одржи утре во Домот на армијата.

Вчера ковчегот обвиткан со српско знаме беше пренесен од Холандија со авион на српската влада, по што беше пречекан со воени почести. Ковчегот од авионот го изнесоа шестмина војници, во придружба на синот на Младиќ и српскиот министер за правда Ненад Вујиќ, кој рече дека семејството на Младиќ ќе ги објави плановите за погребот во наредните денови. Српскиот претседател Вучиќ денеска изјави дека поради службени обврски нема да присуствува на погребот на Младиќ, на кој се очекуваат голем број луѓе. Тој појасни дека во понеделник и во вторник треба да биде домаќин на претседателот на Узбекистан во Белград, посета која била закажана пред четири месеци. Комесарот за човекови права на советот на Европа, Мајкл О’флаерти, денеска порача дека јавното величење на починатиот воен злосторник претставуваат кршење на законите и директна навреда за жртвите на геноцидот во Сребреница и воените злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер