Стојаноски: Шокантно е лидер на опозицијата да презентира бројки што се целосно несериозни и неточни - Канал 5

Македонија

Стојаноски: Шокантно е лидер на опозицијата да презентира бројки што се целосно несериозни и неточни

Денешната прес-конференција е реакција на изнесените ставови на лидерот на опозицијата, Венко Филипче, кој претходно одржа прес-конференција во собраниската прес-сала.

Стојаноски: Шокантно е лидер на опозицијата да презентира бројки што се целосно несериозни и неточни

Сметам дека, пред сè поради почитта кон граѓаните, потребно е да бидат соопштени неколку точни и официјално потврдени бројки.

За мене, и како пратеник и како политичар, е шокантно лидер на опозицијата да излезе од македонското Собрание и да презентира бројки што се целосно несериозни и неточни. Особено изненадува начинот на кој се толкуваат економските показатели, од аспект што е целосно нереален и кој не се темели врз официјални податоци.

Таквите бројки не треба да се користат за пласирање манипулативни информации во јавноста. Несериозниот дневнополитички пристап, особено кога се зборува за економијата, мора да престане, бидејќи не му носи добро на ниту еден граѓанин во државата, а најмалку на оној што ги изнесува ваквите тврдења.

Денешните лаги и манипулации беа демантирани со официјалното соопштение на Државниот завод за статистика за растот на македонската економија.

Користејќи ги официјалните податоци од Државниот завод за статистика, сакам да соопштам дека македонската економија во вториот квартал од 2026 година пораснала за 4,3 проценти. Тоа претставува највисок економски раст во последните четири години.

Истовремено, продолжува позитивниот тренд на раст на македонската економија во осум последователни квартали, при што растот е повисок од 3 проценти. Сметам дека ваквиот континуитет е исклучително значаен.

Со овој резултат повторно се наоѓаме меѓу земјите со највисок економски раст во Европската Унија за кои се објавени податоци. Тоа покажува дека македонската економија закрепнува, зајакнува и расте со задоволителна динамика.

Особено охрабрува структурата на растот и податоците за тоа кои сектори се неговите главни двигатели.

Градежништвото бележи раст од 21,9 проценти, додека бруто-инвестициите бележат раст од 14,5 проценти, при што нивното учество е на ниво над 16 проценти.

Овие податоци укажуваат дека и проектите финансирани од Владата даваат конкретни резултати. Градежништвото и бруто-инвестициите создаваат трајна вредност во економијата и затоа нивниот силен раст секако е за поздрав.

Уште поважно е што, во споредба со првиот квартал, македонската економија дополнително забрзува. Доколку ги споредиме резултатите од првиот и од вториот квартал, имаме забрзување од над 1,2 процентни поени.

За сите оние што ја разбираат економијата и сакаат чесно и искрено да ги анализираат податоците, ова покажува дека навистина можеме да бидеме задоволни од економскиот раст што го бележиме.

Од аспект на јавниот долг и заемот за кој господинот Филипче укажуваше дека ќе се случи, тоа не е точно и не е вистина.

Станува збор за потенцијална подготовка за она што треба да следи наредната година.

А наредната година, како и во годините потоа, Република Македонија и сите нејзини граѓани треба да сервисираат околу 8 милијарди евра долг, создаден во периодот на Владата на СДСМ и ДУИ, во која министер беше и Венко Филипче.

Оваа година досега се сервисирани 1,5 милијарди евра.

Во 2027 година треба да се сервисираат 1,5 милијарди евра, во 2028 година – 1,9 милијарди евра, 2029 1,3 милијарди евра, а во 2030 година – 1,4 милијарди евра.

Кога ќе се соберат обврските за сервисирање на долгот во овој период, станува збор за околу 8,8 милијарди евра, средства што треба да бидат сервисирани од Република Македонија.

И како финална порака, сметам дека, пред сè поради македонските граѓани, треба да се каже уште еден важен факт.

Јавниот долг во овој момент изнесува 58,8 проценти.

Кога ВМРО-ДПМНЕ заедно со коалициските партнери ја состави Владата, ако 30 јуни 2024 година го земеме како референтен датум, јавниот долг беше над 60 проценти.

Затоа, кога зборуваме за економијата, треба да бидеме јасни и да се потпираме на факти.

Во државата постои институција што сите ја плаќаме – Државниот завод за статистика. Токму таму се официјалните податоци и сметам дека врз тие бројки треба да се потпираме и да им веруваме, рече Бојан Стојаноски, пратеник на Пратеничката група на ВМРО-ДПМНЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион полн со патници добил дојава за бомба, извршил принудно слетување

Авион што летал од Лондон кон Варшава денес извршил вонредно слетување на аеродромот „Варшава-Модлин“, откако било пријавено присуство на експлозивна направа во леталото. 

Авион полн со патници добил дојава за бомба, извршил принудно слетување

Ова доведе до затворање на аеродромот, соопштија аеродромските власти.

Авионот слетал во Модлин во 10:01 часот со 181 лице во него, изјави Адам Шабловски, портпарол на аеродромот „Варшава-Модлин“, пренесува „TVN24“.

Тој додаде дека во моментов се очекува пристигнување на екипи за деактивирање експлозивни направи.

Авионот првично требало да слета на аеродромот „Варшава-Шопен“, но бил пренасочен кон Модлин.

Според соопштението од аеродромот, тревога била прогласена во 9:54 часот, откако била пријавена закана за бомба на летот од лондонскиот аеродром „Хитроу“ кон аеродромот „Варшава-Шопен“.

Во моментот на слетувањето, во авионот имало 3,7 тони гориво.

„По слетувањето, леталото беше упатено кон посебно одредена зона, каде што ќе остане до донесување на натамошни одлуки и добивање упатства од надлежните органи, вклучително и екипите за деактивирање експлозивни направи“, се наведува во соопштението.

Аеродромот „Варшава-Модлин“ останува затворен до понатамошно известување, додека властите ја истражуваат пријавената закана и преземаат мерки за да се осигура безбедноста на сите присутни на аеродромот. „Безбедноста на патниците, екипажот и аеродромскиот персонал во моментов е приоритет“, се вели во соопштението, при што се додава дека информациите за евентуални промени во ситуацијата и за повторното воспоставување на воздушниот сообраќај ќе бидат објавени дополнително.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: 50 години Општина Центар, половина век историја, развој и визија за иднината

Општина Центар денеска одбележува 50 години од своето постоење. Јубилејот е повод да се потсетиме на нејзиниот развој, но и да ги истакнеме промените и резултатите со кои Центар продолжува да се развива како современо урбано јадро на Скопје.

Герасимовски: 50 години Општина Центар, половина век историја, развој и визија за иднината

„Среќен сум и горд што токму во мојот градоначалнички мандат го одбележуваме овој голем јубилеј. Центар има богато минато, силен урбан дух и голема иднина што заедно ја градиме. Во изминатите пет години работевме општината да биде посовремена, подостапна, потранспарентна и поблиску до секој граѓанин. Општина во која секој е добредојден, секој глас се слуша и секој денар се вложува одговорно“, истакнува градоначалникот Горан Герасимовски.

Во мандатот на Герасимовски се реализираа низа значајни проекти во образованието, детската заштита, спортот, инфраструктурата и услугите за граѓаните. Изградена е градинката „Пролет“, со капацитет за 173 деца, обновена е спортската сала „Работнички“, реконструирани се улици, доградени училишта и подобрени условите за образование и престој на најмладите.

Паралелно, општината инвестира во зелената и енергетската трансформација, обновливите извори на енергија, нови паркови и зелени површини, како и во програми за поддршка на учениците, младите, повозрасните и лицата со попреченост.

„Секој проект има своја приказна, но сите имаат иста цел – подобар Центар за сите генерации. Особено ми значи довербата што граѓаните ми ја дадоа за втор мандат. Тоа е обврска да продолжиме уште посилно, со нови идеи, амбициозни проекти и конкретни резултати. Верувам дека најголемата вредност на една општина се луѓето и условите што им ги создава за живот“, додава Герасимовски.

Центар останува општина со силен урбан идентитет, препознатлива по својата динамика, културно наследство и континуирани вложувања во современи урбани решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Продолжуваат градежните активности за изградба на новиот мост преку реката Луда Мара

Со засилено темпо продолжуваат градежните активности за изградба на новиот мост преку реката Луда Мара во село Марена.

Јанчев: Продолжуваат градежните активности за изградба на новиот мост преку реката Луда Мара

Проектот е во напредна фаза на реализација, а градежните работи на терен се одвиваат со континуиран напредок.

Инвестицијата е во вредност од 12 милиони денари, обезбедени преку финансиска поддршка од Министерството за транспорт.

➡️ Новиот мост ќе располага со:

✔️ Две коловозни ленти

✔️ Тротоари од двете страни

✔️ Вкупна ширина од 8,5 метри

Со реализацијата на овој значаен инфраструктурен проект ќе се овозможи побезбедно и поефикасно одвивање на сообраќајот, подобра поврзаност и современи услови за сите учесници во сообраќајот.

Продолжуваме со инвестиции во модерна и безбедна патна инфраструктура, за подобар квалитет на живот на сите граѓани!- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер