Македонија

Стоилковски: Има ли обвинителство во Македонија?

Има ли обвинителство во Македонија, Ќе излезе ли конечно од прегратките на Зоран Заев и ќе одлучува ли за насилството и беззаконието на власта?

Истите ликови од СДСМ - Љупчо Николовски, Костадин Костадинов, Дамјан Манчевски и други кои што ронат крокодилски солзи за работата на Цветан Трипуновски затоа што ги штити земјоделците. Истите тие ќе реагираат ли за тепањето од Курто Дудуш, шверцот на Боро Малборо, за заканите од градоначалникот Марјанчо Стојчев во Демир Хисар?

Дудуш, тепачот од Шуто Оризари, Марјанче Стојановски од Демир Хисар кој што се заканува со прислушување, Боро Малборо Стојчев од Ново Село шверцерот на цигари, се луѓе - огледало на Зоран Заев огледало на СДСМ, огледало на шерифлукот на Заев и СДСМ.

Во неполни три години: Прво нема ниту обвинение за тешки закани од градоначалникот од Демир Хисар кон граѓаните, за што има и снимка. Следеше пресуда на само 6 месеци за прекуграничен шверц вршен од семејството и лично од градоначалникот на Ново Село, а во акцијата за апсење беше пукано кон полицијата. Сега Курто Дудуш за тепање и малтретирање сограѓанин, но и по снимки за киднапирање и изживување на сограѓанин, минува со судска опомена!

Ниту еден од овие градоначалници на СДСМ и на Зоран Заев не е соодветно санкциониран, за ниеден нема соодветна казна од судството на Зоран Заев и на СДСМ.

Курто Дудуш за тепање сограѓанин од судот излезе со опомена, Стојановски од Демир Хисар нема ни обвинение, Боро Малборо по апсење во кое е пукано кон полиција доби само 6 месеци за да остане градоначалник!

Тие сега треба да служат како примери за другите градоначалници на Заев и на СДСМ, примери поведени од криминогената централна власт на Заев и на СДСМ, примери кои испраќаат порака за политичка, полициска и судска заштита од Заев и СДСМ.

Тоа е реформираното Луј Витон судство отворено како пупка на Зоран Заев и на СДСМ, тоа се европските вредности разбрани од Заев и од СДСМ.

Заев и СДСМ се виновни за поразите, измамите и криминалите. На 12-ти април следува одговорност. Заев и СДСМ - никогаш повеќе.

Наум Стоилковски – Портпарол на ВМРО-ДПМНЕ

Фудбал

Варан го напушта Манчестер јунајтед

Варан е дел од Манчестер Јунајтед од 2021 година, кога дојде како засилување од Реал Мадрид.

Дефанзивецот Рафаел Варан е подготвен да го напушти Манчестер Јунајтед на крајот од сезоната кога ќе му истече актуелниот договор, а клупското раководство е сè поблиску до одлука да му дозволи на 31-годишниот фудбалер да си замине како слободен играч на лето, пренесува денеска Би-Би-Си.

Варан е дел од Манчестер Јунајтед од 2021 година, кога дојде како засилување од Реал Мадрид.

Тренерот на Јунајтед, Ерик тен Хаг, вчера изјави оти се надева дека дефанзивецот ќе биде подготвен за настап за денешниот домашен натпревар против Барнли во 35. коло од Премиер лигата.

Јунајтед е шестопласиран на табелата во Премиер лигата со 53 бодови.

Регион

Брнабиќ: Во следните 48 часа ќе има седница на која Вучевиќ ќе предложи министри

 Во следните 48 часа ќе има седница на која Вучевиќ ќе предложи министри за новата влада.

Претседателката на Собранието на Србија, Ана Брнабиќ, денеска изјави дека очекува во следните 48 часа, седница на Претседателството на Српската напредна странка, на која нејзиниот претседател Милош Вучевиќ би презентирал кого предлага за министри во новата Влада.

Рокот за нејзино избирање во Собранието е 6 мај, така што ќе работиме следната недела, изјави таа, пренеесе Бета.

Според неа, Србија ја чекаат големи и тешки битки за националниот интерес и претстои „тежок мај“.

Свет

Протестите во кампусите на универзитети во САД против војната во Газа продолжија

Протестите во кампусите на универзитети во САД против војната во Газа продолжија, професорите ги поддржуваат студентите.

Студентите кои протестираат против војната меѓу Израел и Хамас на универзитетите низ САД денеска ветија дека ќе продолжат со демонстрациите, а професорите ги осудија претседателите на универзитетите кои повикаа полиција да ги отстрани демонстрантите од кампусите.

Додека Универзитетот Колумбија продолжува да преговара со пропалестинските демонстранти, советот на универзитетот во петокот усвои резолуција за формирање работна група за истрага на раководството на администрацијата, која минатата недела ја повика полицијата да ги евакуира студентите, што резултираше со застој и повеќе од 100 приведени.

Полицијата привела околу 100 луѓе денеска наутро во обид да го расчистат пропалестинскиот протестен камп на Нортистерн Универзитетот во Бостон поради антисемитски навреди, соопштија од НВУ.

Акцијата беше преземена откако демонстрантите кои прибегнаа кон „вирулентни антисемитски навреди, вклучително и „Убиј ги Евреите“, ја преминаа границата“, се вели во соопштението на универзитетот на Х.

Иако универзитетот постојано поставуваше, а потоа ги одложуваше роковите за отстранување на кампот поставен од демонстрантите, универзитетот испрати е-пошта до студентите во петокот вечерта во која се вели дека враќањето на полицијата во кампусот во овој момент би било контрапродуктивно, јавија американсккте медиуми.

притисни ентер