Селестин Егбунух е најстар затвореник во Нигерија , но и во светот . Тој има сто години и веќе 18 години е во затвор. Осуден е на смртна казна поради организирање убиство. Во затвор е и неговиот 41 годишен син Пол , кој е осуден за истото злосторство . Двајцата се осудени за изнајмување професионалци кои извршиле киднапирање и убиство на маж поради кавга за земја. Пол тврди дека и двајцата се невини . Тој се грижи за стогодишниот татко , кој боледува од дијабетес и го губи паметењето.
Судбината на неговиот татко се прочула во Нигерија откако била објавена вест дека го прославил во затвор својот 100 – ти роденден. Од тогаш почнала јавната расправа не само за помилување на Селестин , туку и за чекањето со години за извршување на смртната казна, во некои случаи и по 30 години.
Селестин и неговиот син немаат пари за да платат адовкат , кој би поднел барање за помилување , додека државата не ја спроведува смртната казна.
Од организациите за човекови права во Нигерија велат дека Селестин не би бил во затвор доколку е поврзан со некого на власт, но неговата сиромаштија придонела да нема фер судење и да биде затворен на стогодишна возраст.