Став: За Стево Пендаровски Македонците се „народот кој таму живее“. Каков блам! - Канал 5

Македонија

Став: За Стево Пендаровски Македонците се „народот кој таму живее“. Каков блам!

Стево Пендаровски, кој во моментов ја има улогата на претседател на Македонија , после серијата „бисери“ од кои ремек дело му беше обраќањето кон Борисов со донжуанската фраза „љубави“, сега не нарече „народот кој живее таму“. А ти каде живееш Стево?  

Став: За Стево Пендаровски Македонците се „народот кој таму живее“. Каков блам!

Во ова време-невреме кога Бугарија на секој начин се обидува да го подкопа нашиот вековен идентитет, а со тоа и јазик и државност, блокирајќи го нашиот влез во ЕУ просто е неверојатно да Претседателот на Македонија да го нарекува сопствениот, македонскиот народ - „народот кој таму живее“!

При вчерашната посета на Пендаровски на Варшава каде нашиот претседател го доби полскиот „орден на белиот орел“ од колегата Дуда, на кој тој му возврати со македонскиот орден „8ми Септември“, односно се случи класична „размена на ордени“, двајцата претседатели одржаа заедничката прес конференција ( нешто што му е очигледно слабост на нашиот „татко на нацијата“ - сетете се на пресот со Александар Вучиќ ) , каде нашиот Претседател буквално „генерираше“ нов термин за македонскиот народ , па рече:

„Тоа е добро не само за С. Македонија И НАРОДОТ КОЈ ТАМУ ЖИВЕЕ“.

Затоа лично го прашувам Претседателот на Македонија:
1. Каде тоа ТАМУ јас живеам? Јас и моите сограѓани?
2. На кој народ јас му припаѓам или Стево ти се срамиш да кажеш дека јас сум Македонец како и останатите Македонци ширум светот?
3. Семантичко прашање до тебе Стево: Ако ти стоиш на пулт во Варшава, а ние Македонците сме „народ кој таму живее“, каде живееш ти во тој момент? Во Варшава? на планетава Земја?
4. Дали го чувствуваш тонот во кој ја врами таа реченица, кој беше крајно потценувачки? Зошто? Еден Полски државник како Претседателот Дуда си дозволи да каже - Македонска делегација. Толку ли е тешко да се каже зборот Македонец, Македонија, македонски јазик? Еве дури и македонскиот јазикот влезе во официјална употреба во ЕУ, а ти не нарекуваш „народот кој таму живее“. А оние Македонци кои се во Австралија, Европа, Америка, по сите агли на земјината топка, тие што се? Зошто сега кога и ЕУ амбасадорот Гир, и фон дер Лајен не нарекуваат Македонци, зошто сега стануваме „тамошниот народ“?

После овој гаф , кој влегува во колекцијата на твои гафови која еден ден мислам дека ќе котира добро кај Сотби ( аукциска куќа за оние кои не знаат ), те молам немој повеќе да се чудиш или пак да делиш совети за асимилаторскиот или непријателскиот говор на одредени бугарски политичари кои постојано не „својатаат“ дека сме вештачка нација.
Почнувам да се плашам дека ќе почнат да не нарекуваат „тамошниот народ“, односно народот кој таму живее.

Проштевај за моето неперсирање, но ние никогаш во колоквијален разговор не сме си персирале, а од сега нема да ти персирам ниту официјално.
Кога ќе го погледнеш видеово во најмала рака очекувам извинување од твоја страна за последниот гаф, кој се надевам и посакувам дека навистина ќе ти биде последен.

Иван С. Мирчевски

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Двоглав орел на врвот на Кораб

На социјалните мрежи се појавија фотографии од врвот на планината Кораб. 

Двоглав орел на врвот на Кораб

Врвот на планината Кораб е „украсен“ со двоглав орел, симбол на Албанија, поставен на постаментот со ознаката за височина.

На социјалните мрежи се појавија фотографии од планинари рекреативци, кои позираат покрај двоглавиот орел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Силен земјотрес во Турција: Луѓе бегаат во паника (ВИДЕО)

Земјотрес со магнитуда од 5,4 степени што ја погоди Шанлиурфа во утринските часови беше снимен со камери, додека граѓаните во голем страв и паника бегаа од зградите.

Силен земјотрес во Турција: Луѓе бегаат во паника (ВИДЕО)

Земјотрес со магнитуда од 5,4 степени беше регистриран во Шанлиурфа. Според Одделот за земјотреси на Управата за управување со вонредни ситуации и катастрофи (AFAD), земјотресот се случил во 10:40 часот, со епицентар во округот Каракопру во Шанлиурфа.

Длабочината на земјотресот е проценета на 7,39 километри. Земјотресот бил почувствуван и во околните провинции.

Граѓаните кои го почувствувале земјотресот брзо ги напуштиле своите домови и деловни објекти и се собрале на отворено. Силниот земјотрес бил снимен со камери, додека граѓаните истрчале на улиците.

Во Дијарбакир, каде што исто така бил почувствуван земјотресот, луѓето ги напуштиле своите домови и деловни објекти, а на снимката се гледа како земјата пука во едно подрачје.

Во Газиантеп, децата излегле во училишниот двор и, во придружба на нивните наставници, чекале на безбедно место и се обиделе да се смират.

Бегање од зградите

Во Шанлиурфа, епицентарот на земјотресот со јачина од 5,4 степени, граѓани беа видени како брзо излегуваат од зграда.

Откако започна земјотресот, граѓаните што беа во зградата брзо излегоа надвор и се засолнаа на безбедно место.

Граѓаните го опишуваат моментот на ударот

Граѓанинот Адил Ипексевер рече дека го почувствувал земјотресот и истрчал од зградата. Ипексевер рече:

„Почувствувавме силен земјотрес. Неизбежно е дека бевме многу исплашени, бидејќи доживеавме и претходни земјотреси. Фала му на Бога, нема загуба на животи или материјална штета. Да не дозволи Бог да ни се случи ова повторно.“

Камил Шиш, исто така, им посака брзо закрепнување на сите што го почувствуваа земјотресот, велејќи:

„Се обидовме да излеземе надвор во паника поради јачината на земјотресот. Немаше уривање, но бевме исплашени од застрашувачкиот звук. Сите се добро, нема проблеми, фала му на Бога.“

Раседи во регионот

Земјотресот со јачина од 5,4 степени во Каракопру го насочи вниманието кон раседите во областа.

Шанлиурфа и околните области се наоѓаат во тектонска зона под влијание на Источноанадолскиот раседен систем, но експертите кои претходно зборуваа за областа предупредија дека не секој земјотрес во регионот мора да се случи директно на овој главен расед.

YouTube video

Во сеизмичката активност во југоисточна Анадолија, покрај Источноанадолскиот раседен систем, северните проширувања на Раседниот систем на Мртвото Море, како и локалните раседни системи во регионот, играат важна улога. Источноанадолскиот расед, формиран од притисокот на Арапската и Анадолската плоча и еден од најважните активни раседи во Турција, се протега од Хатај преку Кахраманмараш, Адијаман, Елазиг и Бингол и во минатото предизвикал големи земјотреси.

Експертите нагласуваат дека ризикот од земјотрес не може да се процени само врз основа на растојанието од раседот и наведуваат дека квалитетот на почвата и отпорноста на градежниот фонд се од клучно значење. Техничките анализи што ќе се спроведат по земјотресот во Каракопру ќе разјаснат кој раседен систем го предизвикал земјотресот.

Рута на раседниот систем на Мртвото Море

Раседниот систем на Мртвото Море, еден од најактивните системи во источниот Медитеран и Блискиот Исток, е обликуван од движењето на африканските и арапските плочи во однос една во однос на друга.

Овој систем, долг околу 1.000 километри, се протега од северниот дел на Црвеното Море преку Акабанскиот Залив, Мртвото Море, Либан и Сирија до јужната граница на Турција.

Особено северните краеви на овој систем се директно поврзани со тектонските структури околу Хатај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Меланија: Имав многу убаво детство во Југославија

Првата дама на САД, Меланија Трамп изјави дека имала „многу убаво детство“ растејќи во услови на комунизам во Словенија која беше дел од Југославија.

Меланија: Имав многу убаво детство во Југославија

Нејзиниот поглед на тој период се разликува од реториката на нејзиниот сопруг, претседателот Доналд Трамп, кој редовно го претставува комунизмот како закана за Соединетите Држави.

„Растев во комунизам и навистина ништо не ми недостасуваше“, рече Меланија Трамп во интервју за „Фокс бизнис“ (Fox Business).

„Мислам дека имав многу убаво детство, а моите родители ѝ обезбедија прекрасен живот на моето семејство.“ Нејзините изјави доаѓаат во време кога Доналд Трамп често го користи терминот „комунизам“ за да ги напаѓа демократите и демократските социјалисти. „Тие себеси се нарекуваат демократски социјалисти, но всушност се комунисти“, рече тој на партиската конвенција овој месец. Во својот говор по повод Денот на независноста, Трамп изјави: „Комунизмот е систем што губи и секогаш ќе биде таков“. Тој додаде дека американските војници не се бореле против комунизмот низ светот само за таа закана да се појави во Америка. Трамп исто така рече дека Демократската партија „се претвора во комунистичка партија“ и ги нарече некои демократи „окорели комунисти без вера во Бога“. Тој исто така предупреди дека победата на демократите би можела да доведе до создавање „комунистичка пратеничка група“ во Конгресот.

Неговите изјави делумно се однесуваа на прогресивните кандидати кои победија на внатрепартиските избори во 2026 година. Сепак, демократскиот социјализам и комунизмот не се синоними; тие претставуваат различни политички традиции.

Меланија Трамп, родена како Меланија Кнавс во 1970 година во Ново Место, израснала во тогашната Социјалистичка Федеративна Република Југославија.

Таа се преселила во Соединетите Држави во 1990-тите за да се занимава со манекенство, а американска државјанка станала во 2006 година. Кога ја прашале дали растењето во комунизмот влијаело врз нејзиното сфаќање за слободата, таа одговорила дека нејзиното детство било позитивно.

„Сепак, имаше одредени работи на кои требаше да се внимава“, рекла таа. „Мораше да внимаваш што правиш.“

Таа објасни дека во тоа време не постоела слобода?? каква што денес има во САД и дека времињата биле поинакви. Југославија била федерација под комунистичко раководство, но нејзиниот систем се разликувал од советскиот модел откако Јосип Броз Тито ги прекинал односите со Сталин во 1948 година.

Земјата развила сопствена форма на социјализам, која вклучувала работничко самоуправување, и останала независна од советскиот блок. Словенија била економски најразвиената од шесте републики. Тензиите се зголемиле по смртта на Тито во 1980 година, а Словенија прогласила независност.

Тагови: Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер