Противник на избраниците на Горан Станиќ се врсниците од Англија, а македонскиот селектор го соопшти списокот на повикани фудбалери за оваа средба:
Голмани: Филип Илиќ (Металург), Боби Целески (Гросето, Италија);
Одбрана: Слободан Боцевски (Работнички), Тела Шаип (Ксамакс, Швајцарија), Дин Аломеровиќ (Еуромилк), Кристијан Каранфиловски (Металург), Нехар Садики (Еуромилк), Стефан Јевтовски (Металург), Стефан Лазаревиќ (Македонија Ѓ.П);
Среден Ред: Сашо Шопоски (Металург), Давор Здравковски (Македонија Ѓ.П), Петар Петковски (Вардар), Матеј Цветановски (Македонија Ѓ.П), Абдулахи Бурим (Сервет, Швајцарија), Валентин Кочовски (Хоризонт Турново), Емил Абаз (Андерлехт, Белгија);
Напад: Селмани Ремзифаик (Ренова), Мартин Христов (Еуромилк);
Станиќ верува дека Македонија има квалитет за добри резултати во оваа група.
- Во тимот има позитивна атмосфера, очекувањата се навистина големи со оглед на претходните натпревари кој ги одигравме и на кој покажавме одличен квалитет. Групата е исклучително тешка, отвораме против фаворитот Англија и се надевам дека ќе бидеме на високо ниво. Оваа генерација има квалитет и треба да покажеме дека можеме да се носите и надигруваме и со најдобрите. Верувам дека ќе го покажеме најдоброто од себе во квалификациите и ако имаме среќа ќе се радуваме на добар резултат, изјави селекторот Станиќ.
Прв противник на Македонија е Англија (утре 15 часот), а во групата се уште Финска и Италија. /МИА