Ова го кажа министерката за образование Мила Царовска која не отстапува од ставот дека државната матура мора да се спроведе. На матурантите им порача – доколку одбиваат да ја полагаат државната, имаат избор да полагаат училишна матура.
„Оние ученици кои не сакаат да полагаат државна матура имаат избор да изберат училишна матура и стручен испит тоа е ставено во концепцијата за матура и можат да полагаат токму тоа што го бараат 2 предмета и проектна задача. Но, за да може да се продолжи во високо образование потребно е да се полага државна матура, за неа се имаат пријавено повеќе од 14 илјади ученици, во соодветниот рок и проектна задача и изборни предмети и тоа укажува дека тие најверојатно ќе полагаат и тоа се поголем процент од учениците кои завршуваат средно образование.“ изјави Мила Царовска, министер за образование и наука
Од Сојузот на средношколци велат дека бројот на матуранти кои ја бојкотираат наставата е ист како вчера, а само мал дел од училиштата го прекинале отсуството поради, како што велат притисоци и закани со кои се соочуваат од страна на наставниците и директорите.
„ Има неколку родителски средби во Куманово, така што има неколку училишта таму што не протестираат поради притисоците, исто во Штип имаше многу притисоци, така што само медицинското во Штип бојкотираат./ Класните раководители требаше да имаат родителски средби со родителите на матурантите, за да кажат да не бојкотираат, така што имаше многу притисоци вчера, но денеска продолжува бојкотот и процентот кои бојкотираат се води исто како вчера. “ изјави Бленди Ходаи, Сојуз на средношколци
Бојкотот на средношколците ќе продолжи и во наредните денови. Тие до крајот на неделава ќе пратат и петиција до мининстерката Царовска, а ќе бараат и пратениците да ги чујат нивните предлози на јавна расправа во законодавниот дом. Главното барање им е годинава за државна матура наместо четири, да се полагаат два предмети.