Средба на Сиљановска-Давкова со претставници на влашката заедница - Канал 5

Македонија

Средба на Сиљановска-Давкова со претставници на влашката заедница

Претседателката Гордана Сиљановска-Давкова оствари средба со претставници на влашката заедница, предводени од Стерјо Папули, претседател на Организациониот одбор за одбележување на Националниот ден на Власите.

Средба на Сиљановска-Давкова со претставници на влашката заедница

По повод празникот, претседателката упати честитки до припадниците на влашката заедница и истакна дека Власите, како автохтона заедница, се нераскинлив дел од историскиот, културниот и општествениот развој на македонската држава.

Таа нагласи дека нивниот влог низ различните историски периоди, од Илинденското востание и Крушевската Република, до антифашистичката борба, има посебно место во македонската државотворна традиција. Според неа, влашката заедница и денес дава значаен придонес во културата, образованието, науката и економијата.

Сиљановска-Давкова посочи дека бројни интелектуалци и уметници со влашко потекло оставиле белег во македонскиот, но и во поширокиот балкански и европски културен простор.

Власите укажаа на предизвиците врзани за зачувувањето на влашкиот јазик и културното наследство поради растечките закани од постепено исчезнување на јазиците на малите народи.

Според нив, потребни се дополнителни напори за унапредување на наставата на влашки јазик, поголем интерес кај младите за учење на мајчиниот јазик, како и поголема дигитална и медиумска присутност на влашкиот јазик.

Тие се осврнаа на Препораката 1333 на Советот на Европа за унапредување на правата на Власите. Според нив, постигнат е значаен напредок, но и натаму е потребна поддршка за зачувување на влашкиот јазик и идентитет.

Соговорниците ја информираа претседателката за иницијативата за формирање Национална установа „Центар за култура на влашката заедница“, како институција што би придонела за зачувување на влашката традиција, развој на образованието и унапредување на меѓукултурниот дијалог.

Сиљановска-Давкова изрази поддршка за заложбите на влашката заедница, оценувајќи дека културната разновидност претставува суштинска вредност на македонското општество и важен темел на демократскиот и мултикултурен карактер на државата, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одговори на условите на Иран за мировен договор:иран да плати отштета за луѓето убиени во војни и протести

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Трамп одговори на условите на Иран за мировен договор:иран да плати отштета за луѓето убиени во војни и протести

Американскиот претседател Трамп вчера одговори на условите на Иран за мировен договор со свои барања иран да плати отштета за луѓето убиени во војни, напади и протести, во реторичка ескалација што веројатно ќе ги комплицира напорите за повторно отворање на Ормутскиот Теснец.

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Откако започна војната во февруари, Трамп постојано осцилира помеѓу заканите за ескалација и тврдењата дека мировниот договор е неизбежен.

„Ќе побараме пари за штетата што ја направија во период од 50 години“, рече Трамп во Белата куќа, велејќи дека исплатите ќе ги покријат смртните случаи и за цивилните демонстранти и за американските сили во регионот.

„Значи, ако има штети што треба да се платат, мислам дека иран треба да ги плати тие штети“, рече Трамп.

Цените на нафтата вчера се зголемија за 5% откако барањата ги намалија изгледите за договор за повторно отворање на Теснецот.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Уапсен турски новинар: Проблемот настанал бидејќи тој излажал за трансферот на еден фудбалер?!

Турскиот новинар Бурхан Џан Терзи беше уапсен поради ширење невистинити информации за трансферот на Џамал ​​Мусиала во Галатасарај.

Уапсен турски новинар: Проблемот настанал бидејќи тој излажал за трансферот на еден фудбалер?!

Во светот на фудбалот сме виделе секакви работи, особено за време на преодниот рок. Трансфери на фудбалери што пропаѓаат, што не се реализираат, па дури и погрешни трансфери. Но, никој поради тоа не завршил во затвор. Сè досега, кога е уапсен турскиот новинар Бурхан Џан Терзи.

Постои и видеоснимка од апсењето, како и потврда дека тоа навистина се случило. Зошто? Затоа што тој го најави трансферот на Џамал ​​Мусиала од Баерн Минхен во Галатасарај, и тоа во два наврати.

Турскиот клуб и во двата наврати ги отфрли тие обвинувања, а потоа Терзи беше уапсен пред својот дом. Тој беше обвинет за ширење лажни информации. Помина неколку часа во притвор, по што беше пуштен на слобода.

Многумина сметаат дека ова било некаков вид предупредување да внимава на информациите што ги објавува во иднина.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изгаснат пожарот во „Средорек“, утрово горела и сендвичарница во Куманово

Пожарот што рано утрово избувна во кумановската населба „Средорек“ е  изгаснат, соопштија од Територијалната противпожарна единица Куманово.

Изгаснат пожарот во „Средорек“, утрово горела и сендвичарница во Куманово

Сигналот за пожарот бил примен во 05 часот и 35 минути , по што екипите интервенирале околу два часа.

Огнот избувнал на локација со отпад и диви депонии.кумановските пожарникари утрово интервенирале и на пожар во сендвичарница на улицата „Борис Кидрич“.

Во интервенцијата учествувале едно противпожарно возило и пет пожарникари.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер