Македонија

Спасовски: Обезбедување за сите пратеници кои ги поддржаа уставните измени

Сите пратеници кои гласаа за иницијативата за промена на Уставот  се обезбедувани, изјави денеска министерот за внатрешни работи Оливер Спасовски.

Сите пратеници кои гласаа за иницијативата за промена на Уставот се обезбедувани, изјави денеска министерот за внатрешни работи Оливер Спасовски, одговарајќи на новинарско прашање по промовирањето на новонабавената униформа наменета за припадниците на Единицата за специјални задачи денеска во касарната Илинден.

– Направивме безбедносна проценка на пратениците, претежно оние кои гласаа за отпочнување на процесот на уставни измени и тие ќе бидат обезбедувани се до оној момент, додека таа проценка не биде поинаква, рече Спасовски.

На прашањето од кого всушност се заштитиуваат тие пратеници истакна дека има реални закани, преку Фејсбук и другите социјални мрежи, но и директни закани, до нив, до нивните семејства, закани за уништување на нивниот имот.

– Секој кој ќе се обиде да внесе таква несигурност кон граѓаните ќе биде санкциониран, рече Спасовски.

Министерот додаде дека заканите доаѓаат и од група блиска до инцијативата „Бојкотирам".

Во врска со тврдењата на ВМРО-ДПМНЕ и на Иван Стоиљковиќ од ДПСМ дека на пратеници им биле нудени пари за да гласаат, Спасовски нагласи дека за покренување такви постапки е надлежно обвиниелството и апелираше до него доколку има основи да покрене такви истраги.

Истакна дека доколку на некои пратеници им биле нудени пари, тие треба да пријават, бидејќи и самото нудење мито е кривично дело.

– Несериозно е да се излезе во јавноста и да се кажуваат невистини за нудење финансиски средства, таквите тврдења треба да се расчистат, додаде министерот Оливер Спасовски. /МИА

Свет

Словачката министерка за здравство: Премиерот и натаму е критично

Премиерот Роберт Фицо е во рацете на врвни кадри кои се грижат за неговото здравје, соопшти вечерва на брифинг со новинарите министерката за здравство Зузана Долинкова.

Воедно, таа им се заблагодари на сите кои досега учествувале во спасувањето на премиерот.

- Здравствената состојба на премиерот се уште е критична, тој се уште е во операциона сала и верувам дека сѐ ќе оди добро. Стискам палци и посакувам многу сила не само на него, туку и на медицинскиот персонал, кои навистина во овој момент се борат за живот“, рече таа. Таа додаде дека била во контакт со спасувачките служби од првиот момент на несреќата.

Министерката повтори дека го осудува нападот врз премиерот.

- Дозволете ми да го осудам овој грозоморен чин, кој е резултат и манифестација на апсолутна човечка злоба и омраза, а пред сѐ го осудувам како апсолутен напад врз демократијата на Република Словачка - рече таа.

Словачкиот премиер Роберт Фицо е ранет денеска во обид за атентат во градот Хандлова, во близина на Братислава. Фицо е пренесен во болница во тешка состојба и лекарите се борат за неговиот живот. Напаѓачот е уапсен, а некои медиуми наведуваат дека се работи за познат писател (71) од Словачка.

Култура

„Веселинови“ со Оле и Баркли до солзи ја насмеаја публиката во Штип (ФОТО)

Вечерва во Домот на културата во Штип сеодржа премиера на комедијата „Веселинови“ , авторско дело на Олгица Поцкова и Игор Стојанов Баркли.

Оле и Игор, инаку познати на пошироката јавност од емисијата „Зевзекманија“ на Канал 5 Телевизија, вечерва ја насмеаја до солзи публиката во Штип.

Честитки до колегите за претставата и за сите насмеани лица во Штип! Ги очекуваме и на други сцени низ Македонија!

По вечерашната премиера, следната претстава на „Веселинови“ ќе се одржи во петок во 20 часот , на истото место- Домот на културата во Штип.

Живот

Ужас во Германија: 2- годишно девојче го изгореле на капање, родителите не повикале помош

Бабата на девојчето Софи (2), кое во понеделникот било пронајдено мртво во нејзиниот стан, за германските медиуми раскажа како се случила трагедијата.

Кристин (63) живее во станот над оној во кој живеела Софи со родителите и братот и сестрата, објави Билд.

"Тој ден изгледаше нормално. Ја хранеше својата кукла, си играше со неа, а потоа наеднаш стана многу бледа. Престана да се движи", ја започнува својата исповед бабата Кристин.

Таа веднаш повикала брза помош, но кога лекарите пристигнале во станот, не успеале да ја спасат Софи.

Иако резултатите од обдукцијата не се целосни, во овој момент се верува дека девојчето починало од изгорениците кои ги добила додека ја капеле во петокот.

"Сакав да ја истуширам. Додека ја бањав, таа рече дека водата е многу ладна. Кога ја зголемив топлината, топла вода се истури по нејзиниот грб. Јас сум виновен", рекол нејзиниот татко Андре.

Нејзината мајка вели дека девојчето не плачело по туширањето.

"Како може дете да издржи толку болка, не ни врескаше. Тие изгореници не изгледаа страшно, повеќе личеа на изгореници од сонце", вели нејзината мајка Надин.

Родителите одбиле да се јават на 911 бидејќи се плашеле дека социјалните служби ќе им ги одземат децата.

Сличен инцидент се случил минатата година кога таткото ја ставил малата Софи во када. Девојчето во таа прилика скршило ребро и бутна коска.

„Поради тоа и поради моите проблеми со дрогата, шест недели ни ги одзедоа децата. Сакавме да го спречиме тоа овој пат“, рекол расплаканиот татко.

Полицијата интензивно го истражува овој случај, а грижата за нивните деца ја презеде Центарот за социјална работа.

Телото на девојчето е испратено на обдукција.

притисни ентер