Креирањето нови работни места е резултат на системски мерки, оперативниот план со кој годинава се очекуваат 8200 нови вработувања.

„Почнувајќи од 2007 година, Владата на годишно ниво носи оперативни планови на активни програми и мерки за вработување каде се дефинираат активните мерки за вработување, целните групи, конкретните активности и рокови. Фактот дека од 2007 година до 2014 година преку мерките за вработување од оперативните планови се вработиле над 36.500 лица, што во македонски услови претставува сериозна бројка, говори дека таквиот пристап во справувањето со невработеноста е целосно оправдан, изјави Диме Спасов, министер за труд и социјална политика.

Учесниците на конференцијата истакнаа дека невработеноста е предизвик со кој се соочуаат сите земји од Југоисточна Европа и затоа потребни се заеднички напори на државите за да се подобрат состојбите.

„Создавањето на раст богат со работни места е клучот за бришење на прекарот што овој регион го носи како „сиромашна периферија“ на Европа - и тоа е предизвикот околу кој е структуирана оваа конференција, сепак во изминатите две децении се спроведени политики за отворање нови работни места, а застарените образовни системи се прилагодени со цел да се надополнат недостатоците од вештини потребни на пазарот на труд“ изјави Џихан Султаноглу, помошник генерален секретар на ООН и регионален директор на УНДП за Европа и ЗНД.

„Создавањето на работни места бара координирани политики за создавање на економски раст и инклузивни работни места. Ова бара одржлива макроекономска политика, клима поволна за инвестиции, силен човечки капитал и подобрени претприемачки вештини особено меѓу младите луѓе“ изјави Горан Свилановиќ, генерален секретар на Советот за регионална соработка.

Во контекст на мерките што се преземаат во земјвава Спасов го спомена и проектот „Македонија вработува“ кој опфаќа поголема категорија на граѓани со кој се очекува значително опаѓање на невработеноста.