Советниците за корона на полската влада си поднесоа оставка, не ги слушале

Тринаесет од седумнаесетте полски владини советници за ковид-19 денеска поднесоа оставка, обвинувајќи ја популистичката влада за бавноста во борбата против пандемијата.

Препораките на медицинските советници биле недоволно имплементирани во потезите што ги презема владата, објаснуваат тие во соопштението што го пренесе агенцијата ПАП неколку дена откако Полска со 38 милиони жители го премина прагот од 100.000 смртни случаи од Ковид-19. Лекарите негодуваат на „растечката толеранција на владата за оние кои негираат дека Ковид-19 е закана и дека вакцинацијата е важна во борбата против пандемијата“.

Владата постапи „многу ограничено кога се случи есенскиот бран на коронавирус, а потоа постапи на ист начин како одговор на заканата од варијантата омикрон, и покрај огромниот број смртни случаи“, се вели во соопштението.

Тие поднеле оставка откако постојано ја повикувале владата да воведе построги ограничувања за пандемијата и да ги засили вакцините. Неколку пратеници од владејачкото мнозинство се отворени противници на вакцинацијата, а владата зависи од нивните гласови во парламентот.

Според Министерството за здравство, околу 21,3 милиони Полјаци биле вакцинирани со две дози, а над 8 милиони од нив ја примиле третата. Полска потврдила 4,28 милиони заразени до денеска, од кои 101,841 починале од Ковид-19.

СДСМ: Законите важат за сите подеднакво, денеска тоа го потврди и Транспаренси

Соопштение за јавност - реакција на прес-конференцијата на Наум Стоилковски од ВМРО-ДПМНЕ.

Законите важат за сите подеднакво, без разлика за кое име и презиме станува збор, а тоа е потврдено и со случајот којшто го споменува ВМРО-ДПМНЕ.

Фактите се дека има судска пресуда за овој случај, потврдена и од Апелацискиот суд. Споменатите лица се осудени на затворска казна и ја имаат издржано казната.

Од ВМРО-ДПМНЕ очигледно не можат да се воздржат од пласирање на невистини и конструкции.

Денешниот Извештај на Транспаренси интернешнл потврдува дека законите важат за сите.

Една од главните причини за напредокот од 24 места е тоа што земјата има преземено конкретни чекори за кривично гонење на високи функционери од власта.

Центар за комуникации со јавноста на СДСМ

Мицкоски на средба со новиот директор на ИРИ Крис Бренан

Претседателот Мицкоски му посака добредојде на директорот Бренан со надеж дека и во иднина ќе продолжи и интензивира досегашната соработка помеѓу ВМРО-ДПМНЕ и ИРИ.

Претседателот на ВМРО-ДПМНЕ проф. д-р Христијан Мицкоски заедно со Стефан Андоновски член на Извршниот комитет на ВМРО-ДПМНЕ, денеска остварија средба со новиот директор на Меѓународниот Републикански Институт Крис Бренан за Република Македонија.

Претседателот Мицкоски му посака добредојде на директорот Бренан со надеж дека и во иднина ќе продолжи и интензивира досегашната соработка помеѓу ВМРО-ДПМНЕ и ИРИ.

На средбата се разговараше за актуелната политичка и економска состојба во државата, како и потребата од одржување на брзи предвремени парламентарни избори.

Од страна на Мицкоски беше укажано дека државата се соочува со економска, енергетска и здравствена криза, а поради слабиот капацитет на власта на СДСМ и Димитар Ковачевски за кој како што рече нема легитимитет од страна на граѓаните, потенцијална е и политичка криза која негативно ќе влијаа врз граѓаните, но и врз државата.

Претседателот Мицкоски вели дека е потребно одржување на предвремени парламентарни избори се со цел граѓаните да можат да одлучат за својата иднина и промените кои се неопходни на секое поле.

Соговорниците се согласија на понатамошна соработка и продлабочување на односите, каде што од страна на претседателот Мицкоски беше нагласено дека ИРИ е важен фактор бидејќи изминатиот период придонел за јакнење на политичките капацитети на ВМРО-ДПМНЕ.

Центар за комуникации на ВМРО-ДПМНЕ

Ковачевски- Петков во Софија: Имаме волја за брз напредок во меѓусебните односи

Со одделни седници на работните групи меѓу Македонија и Бугарија и потпишување на неколку меморандуми за соработка меѓу кои и за железничкиот Коридор 8 и за воведување на директна авиолинија, заврши меѓувладината седница на двете земји во Софија.

Таму е Јана Јосифовска.

Најавена е и поинтензивна работа на Комисијата за историски прашања, но дали има некој конкретен исчекор што би навестил скорено тргнање на ветото од Бугарија?

Целосниот извештај погледнете го во видеото.

притисни ентер