Македонија

Состојбата на настраданите во Кочани кои се лекуваат во Србија и Бугарија е стабилна

Во Србија беа однесени 17 пациенти на возраст од 18 до 26 години, кај најголем дел од нив имаше тешки повреди од изгореници по телото.

Стабилна е здравствената состојба на пациентите кои имаа повреди од пожарот во Кочани и итно беа однесени во болнциите во Србија и Бугарија, потврдија медицински сестри од болниците кои денеска дојдени на конфренцијата на медицински сестри од југоисточна Европа на покана на здружението ЗА НАС. Во Србија беа однесени 17 пациенти на возраст од 18 до 26 години, кај најголем дел од нив имаше тешки повреди од изгореници по телото.

„Тоа се деца кај кои веќе се работи трансплантација на кожа. Да сите се стабилни“ изјави медицинска сестра од Србија.

„Многу се подобори, ние имавме и делегација од Македонија да ги видат. Но подобори се“, изјави Ана Тодорова медицинска сестра од Софија.

Големите трагедии покажуваат колку е важен добар медицински систем, не само во една земја туку во еден регион поврзаноста да е голема. Во трагедијата во Кочани се покажа и важноста на медицинските сестри пред се оние кои се во одредена специјалност.

„Ние важноста на медицинскисте сестри ја видовме во пандемиајта и во вакви состојби кога има криза„, изјави Адријано.

Од здружението „ЗА НАС“ велат дека во Македонија со секоја криза се гледа колкав е дефицитот на медицински сестри. Според здружението недостасуваа 50 % во сите болници. Она што е важно и самите доктори да дадат поддршка на барањата на сестрите, велат од ЗА НАС.

Од министерстворо за здравство потврдија дека 69 се лекуваат во болници надвор од Македонија, 15 се во Скопје шест од нив дошле од болниците надвор од Македонија. Тројцата пациенти се уште се во критична состојба.

Регион

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија.

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Тагови: НИС санкции

Фудбал

Прв пораз сезонава на ПСЖ во Франција

Надежите на ПСЖ дека ќе ја заврши актуелната сезона во француското фудбалско првенство без пораз завршија, откако синоќа претрпе шокантен пораз од Ница на домашен терен со 3-1.

Гостите поведоа преку Морган Сансон (34 минута), а Фабијан Руиз до крајот на полувремето израмни за ПСЖ (41), но Ница во продолжението постигна два гола преку Сансон (46) и Јусуф Ндајишимије (70).

Со ова заврши серијата на ПСЖ од 30 натпревари без пораз во француското првенство, во кое клубот од Париз веќе ја одбрани шампионската титула.

Пораз од Ница за составот предводен од Луис Енрике доаѓа пред полуфиналниот дуел против Арсенал во вторник во Лигата на шампиони. /МИА

Тагови: ПСЖ Франција

Свет

Повторно престрелка помеѓу индиската и пакистанската армија во Кашмир

Индиската армија соопшти дека синоќа имаше престрелка помеѓу индиската и пакистанската армија на фактичката граница помеѓу двете земји во Кашмир.

- Неиспровоцирани истрели од лесно оружје од страна на пакистанската армија регистрирани се на повеќе пунктови долж целата конторлна линија во Кашмир. Индиските сили соодветно одговорија, се наведува во соопштението на индиската армија.

Во пограничниот инцидент нема повредени војници.

Тензиите помеѓу двете нуклеарни сили се зголемија по терористичкиот напад во Пахалгам, во индискиот дел на Кашмир, при што загинаа 26 цивили. Индија го обвинува Пакистан за нападот.

Индиската армија вчера уништи две куќи, кои биле во сопственост на семејствата на напаѓачите.

Парламентот на Пакистан вчера едногласно усвои резолуција, со која се отфрлаат индиските обвинувања како неосновани и предупредува дека Исламабад е подготвен да се заштити.

Советот за безбедност на Обединети нации вчера апелираше до Индија и Пакистан на максимална воздржаност.

Индија и Пакистан контролираат дел од хималајската територија Кашмир, а двете полагаат право на цела територија. Спорната граница меѓу двете земји вооружени со нуклеарно оружје вклучува област долга 740 километри на Хималаите наречена контролна линија.

Индија и Пакистан се во тензични односи откако се стекнаа со независност во 1947 година. Кризата во Кашмир датира уште од 1947 година кога Велика Британија го напушти тоа подрачје без да го реши статусот на регионот. Муслиманите сочинуваат 90 отсто од популацијата на Кашмир, а по повлекувањето на Британците побараа тој регион да се присоедини на Пакистан. Тогашниот гувернер сепак одлучи Кашмир да го присоедини кон Индија. Пакистан и Индија во 1947 година ја водеа првата војна за Кашмир, а потоа војуваа повторно во 1965 и 1999 година. Индија контролира околу 45 отсто од Кашмир, Пакистан околу 35 проценти, додека Кина 20 отсто./МИА

Тагови: Кашмир