Автомобилизам

Сопствениците избраа најдобар автомобил на пазарот

Кога се прашуваат сопствениците на автомобили купени пред две години, ова е нивниот избор.

Има тестови на нови и користени автомобили, има голем број на анкетни студии, но и такви базирани на статистички податоци. Меѓутоа, кога сѐ ќе се собере, можеби најдоброто мислење за автомобилот го даваат сопствениците. Една студија која го испитува ова ја спроведува британското списание AutoExpress.

Се нарекува Driver Power и се заснова на повеќе од 400.000 податоци обезбедени од сопствениците на 75 најпопуларни модели на пазарот во Велика Британија. По обработката се формираат оценки во 10 категории, а се додава уште една ставка за вредност на возилото.

И оваа година ја добивме листата на најдобри автомобили според мислењето на сопствениците. Ако мислевте дека VW Golf е на самиот врв, се лажете, Британците го ставија до самото дно. Инаку, ова е првиот избор во кој VW Golf е на последното место. Тој освои само 83,54% од гласовите.

Во друштво на шампиони, BMW X5 е на претпоследното место, а на самото дно има уште неколку премиуми, како Audi A1 и A3, Volvo XC 60 и Mercedes E-Class.

И сега за победниците. Тоа е дефинитивно Kia, чии пет модели се пробија во Топ 15. Да одиме по ред и да кажеме дека апсолутен победник е Kia XCeed. Овој модел доби пофалби во сите области, а доби и највисоки оценки за ракување, удобност, практичност, инфозабава и квалитет - вкупно 93,31%.

На второ место е уште еден одличен SUV модел - Mazda CX5 со речиси максимални оценки во областа на ентериерот, квалитетот на градбата и инфозабавата. Третото место на подиумот повторно го зазема Киа, Рио. Очекувано за модел кој минатата година беше уште погоре, на второто место.

Гледано по сегменти, Kia повторно е доминантна со четири победници во девет категории.

И, конечно, неколку посебни карактеристики:

1. Седум од топ 10 места држат азиски брендови

2. Kia Rio и Mazda CX-5 ги заменија местата на врвот оваа година

3. Kia XCeed се претстави значително подобро од другите членови на сегментот со апсолутна предност од повеќе од еден процентен поен

4. Осумте модели во Топ 10 се теренци

5. Hyundai Kona беше победник минатата година и сега е на 4то место

6. Range Rover Evoque е прогласен за најубав, но и најмазен во возењето

7. Mini има најудобни предни седишта, а потоа Kia XCeed и Volvo XC40

8. Škoda Kodiaq е најсигурен, а Mini најквалитетен

9. Tesla Model 3 има најевтино одржување

10. Сопствениците на Duster се најмногу импресионирани од вредноста за парите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Отворен целосно реконструираниот градски базен во Кавадарци

Градскиот базен во Кавадарци денес официјално е пуштен во употреба по завршената реконструкција.

Во реконструкцијата како што појасни градоначалникот Митко Јанчев, биле вложени околу 1 милион евра преку владин јавен повик.

Обновени се големиот и малиот базен, системот за филтрација и пречистување на водата, соблекувалните, санитарните јазли и останатите придружни содржини, а поставени се и нови водни атракции и детски реквизити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети системот на Македонска пошта – три дена се доцни со достава на пратките

Невремето во Скопје предизвика проблеми и во Македонска пошта.

Поради обилниот дожд била оштетена серверската соба, односно електронскиот систем за распределба на пратките, поради што веќе три дена има доцнење во доставата.

Директорот на Македонска пошта, Куртиши, уверува дека проблемот се санира и очекува од утре доставата да се нормализира.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД продолжуваат со воздушните напади врз Иран

Соединетите држави ја завршија дванаесеттата последователна ноќ на воздушни напади врз Иран.

Цели биле иранските поморски капацитети, складишта за ракети и беспилотни летала, крајбрежни системи за надзор и објекти на противвоздушната одбрана.

Според ЦЕНТКОМ, операциите треба дополнително да ја намалат способноста на Иран да напаѓа цивилни морнари и трговски бродови. Американската команда тврди дека, откако повторно почнала да ги блокира иранските пристаништа, пренасочила девет комерцијални бродови, а уште еден онеспособила. Дополнително за првпат Америка го употреби стратегискиот бомбардер Б-1 во нападите врз цели на Иран.

-Во моментов, ситуацијата е прилична едноставна. Бродови се обидуваат да минат низ теснеците и тие се напаѓани. Комерцијални бродови кои пловат низ теснеците се напаѓани. САД го штитат овој поморски сообраќај и, покрај тоа, ги гаѓаат местата од каде што се извршуваат нападите врз тие бродови, со цел дополнително да се намали способноста на Иран да напаѓа и да го загрозува глобалниот поморски сообраќај. Тоа сега се случува и на тоа сме сега фокусирани – изјави Рубио.

Со веќе препознатливата остра реторика, Трамп се закани дека САД ќе ја напаѓаат цивилната инфраструктура во Иран како одговор на секој напад врз брод во Ормускиот Теснец.

-Во овој судир што го имаме со Исламската Република Иран, и намерно ја нарекувам така, затоа што, да ви кажам, тие трпат нависнина силни удари и сакаат да постигнат договор. Но, јас велам дека се уште не се подготвени за договор. Затоа што секојпат кога ќе постигнеме некаков договор, тие сакаат да ги менуваат и слино. Не се подготвени. Но, ќе бидат подготвени многу наскоро. – изјави Трамп.

Во меѓувреме, Техеран ги нападна американските сојузници низ Блискиот Исток. Иранските државни медиуми јавија дека американски ракети погодиле цели во западниот дел на Иран. Во уште еден американски ракетен напад на границата со Ирак, биле убиени две лица.

Раководството во Техеран одговори со сопствени закани. Во случај на американски напади врз иранската инфраструктура, ќе следува масовна одмазда, изјави министерот за надворешни работи Абас Арагчи на платформата Х. Тој посочи дека иранската одбранбена политика е јасна: „Око за око“.

Тагови: Доналд Трамп Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.