Сопственичка на апликација за запознавање е најмладата претприемачка-милијардерка - Канал 5

Живот

Сопственичка на апликација за запознавање е најмладата претприемачка-милијардерка

Апликацијата за лични контакти „Бамбл“, која стана позната по тоа што жените одлучуваат за контакти со потенцијалните партнери, вреди повеќе од 13 милијарди долари по првичната јавна понуда на акции на берзата.

Сопственичка на апликација за запознавање е најмладата претприемачка-милијардерка

Успехот на Вол Стрит ја направи 31-годишната шефица Витни Волф Херд, еден од ретките милијардерки што можела да го постигне тоа самостојно. Бамбл, кој исто така е сопственик на „Баду“, е една од дваесетте американски компании на берзата, управувана од жена основач, пишува Би-Би-Си.

Акциите биле понудени по цена од 43 долари, со вкупна вредност од над 8 милијарди долари. Но, на првиот ден од тргувањето на берзата во четвртокот, цената на акциите се искачила на 76 долари, што значи дека компанијата вреди повеќе од 13 милијарди долари.

Витни Волф Херд го лансираше „Бамбл“ во Тексас во 2014 година, со поддршка на рускиот милијардер Андреј Андреев, основач на европската страница за средби „Баду“. Волф Херд вели дека лансирањето платформа на која жените го прават првиот потег е инспирирана од нејзината фрустрација од архаичните сексуални норми кои доминираат во личните контакти.

За разлика од повеќето слични апликации, само жените можат да остварат прв контакт со машките корисници, додека во контактите од ист пол секое лице може прво да испрати порака.

"Јас лично доживеав како нееднаквите односи влијаат негативно на сите области од животот. Сакав да го променам тоа", напиша Волф Херд во писмото до инвеститорите пред понудата на акции.

Волф Херд е најмладата жена која раководи американска компанија чии акции котираат на берзата и најмладата жена милијардер во светот. Таа е исто така ко-основач на апликацијата за лични контакти Тиндер, но ја напуштила компанијата повикувајќи се на сексуално вознемирување како причина. Матичната компанија на Тиндер, Меч Груп АД, која ги негира нејзините тврдења и подоцна се обидела да го преземе Бамбл, платила околу милион долари за решение на спорот.

Волф Херд ги предводи и Бамбл и Баду од 2019 година, бидејќи Андрејев ги продал своите влогови во двете компании на инвестицискиот гигант Блекстоун. Двете апликации заедно имаат 40 милиони активни корисници, вклучително и 2,4 милиони корисници кои плаќаат.

„Бамбл“, кој е достапен во повеќе од 150 земји во светот, посочува дека е подготвен за раст, посочувајќи на зголемениот број на самци во светот, зголемената прифатеност на интимните врски преку Интернет и тоа што се повеќе корисници се подготвени да платат за услугата.

Компанијата исто така се шири во нови области, како што е деловно вмрежување. Но, и покрај зголемениот интерес, пандемијата му наштети на бизнисот на Бамбл, кој генерира приходи првенствено преку претплати и купувања апликации. Приходите пораснале за повеќе од 35 проценти во 2019 година.

Во првите девет месеци од 2020 година, сепак, годишниот раст паднал за 15 проценти, а компанијата имала загуба од 116 милиони долари. Во последниве месеци, инвеститорите покажа слеилен апетит за акции на берзата, што довело до тоа акциите на компаниите како Airbnb и Doordash да забележат висока вредности за време на првичната понуда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер