Македонија

Соопштение од Независен синдикат на професионални војници СО Скопје

Објавата е споделена на фејсбук групата на Независниот синдикат на професионални војници СО Скопје.

Почитувани, Ве известуваме дека Независниот синдикат на професионални војници СО Скопје поднесе кривична пријава против 10 лица од кои 7 вработени во Министерството за Одбрана , 2 лица од МТСП и едно лице од Централниот регистер на РМ за кривични дела по член 394,280,380 и 353 од КЗ.

Независниот синдикат на професионални војници СО Скопје поднесе кривична пријава против 10 лица до ОЈО, од кои 7 познати лица ( ЗП, МИ, ОГ, МС, ИИ, ЈС, АП) и едно НН лице сите вработени во Министерство за Одбрана, за кои постои основано сомнение за кривично дело Злосторничко здружување по член 394 од Кривичниот законик, кривично дело Фалсификување или уништување на деловни книги по член 280 од Кривичниот законик и кривично дело Употреба на исправа со невистинита содржина по член 380 од Кривичниот законик како и кривично дело Злоупотреба на службена положба и овластување од член 353 од КЗ.

Поднесена е пријава и против три лица од Централниот регистар на РМ (ВД) и Министерството за труд и социјална политика(ВД и МП) за кои има сомнение за кривично дело Злоупотреба на службена положба и овластување од член 353 од КЗ.

Сите лица заедно ги направиле кривичните дела со цел да се сопре функционирањето на синдикатот и синдикалните претставници како и да се изманипулира Министерството за одбрана со нивните противзаконски дејствија.

Веќе подолг период се вршат разни притисоци врз синдикатот со цел да не може да делува и да престане да постои, против сите лица кои ги прекршиле законите и направиле кривично дело се поднесени и други кривични пријави.

Објавата е споделена на фејсбук групата на Независниот синдикат на професионални војници СО Скопје.

Со почит,

Претседател на НСПВ СО Скопје

Александар Насковски

НБА

Никола Јокиќ се врати по повредата со трипл – дабл

Кошаркарите на Денвер синоќа на домашен терен го совладаа Милвоки со 127:117 и со тоа го забележаа 46. сезонава во НБА лигата.

Најефикасен во тимот на Денвер беше српскиот репрезентативец Никола Јокиќ, кој во првиот натпревар откако се врати на паркетот по повредата забележа трипл-дабл со 39 поени, 10 скокови и 10 асистенции. Српскиот центар ги пропушти претходните пет натпревари на Денвер поради повреда на зглобот.

Во редовите на Милвоки поради повреда отсуствуваа Јанис Антетокумпо и Демијан Лилард.

Денвер е трет во Западната конференција со 46 победи и 28 порази, додека Милвоки е шести на Истокот со 40 победи и 32 порази. /МИА

Свет

Брачна двојка од Јапонија сe депортирани поради скандалозно однесување на Кинескиот ѕид

Маж и жена од Јапонија биле уапсени и депортирани од Кина поради „скандалозно однесување“ за време на нивната посета на Кинескиот ѕид.

Сѐ почнало невино, или барем засегнатите така мислеле, кога сопругот решил да се пошегува па го покажал задникот додека жената го фотографирала на Кинескиот ѕид. Меѓутоа, тој чин, којшто според кинеските закони се смета за „навреда на јавната пристојност“, предизвика бес и доведе до брза депортација на прекршителите, истакнувајќи го судирот на културните норми меѓу Јапонија и Кина, пишуваат кинеските медиуми.

По инцидентот, обезбедувањето на историскиот споменик веднаш реагирало и ги приведе мажот и жената. Поради нивните постапки, тие биле уапсени и две недели биле в затвор пред депортацијата во Јапонија.

Јапонското Министерство за надворешни работи потврди дека туристите „на крајот биле ослободени и вратени во Јапонија“ и оти тоа се случило во јануари, иако веста е објавена сега.

За време на нивниот разговор со дипломатите и надлежните кинески власти, ослободените се правдале дека тоа било шега. Но, нивното објаснување не ја намалува сериозноста на културниот престап и прекршувањето на законските прописи во Кина.

Свет

Најмалку шест лица загинаа во терористички напад во Пакистан

Најмалку шест лица загинаа во терористички напад во областа Гвадар во југозападната пакистанска провинција Белуџистан, соопшти полицијата.

Според локалните власти, нападот се случил кога вооружени терористи отвориле оган врз цивили во областа Калмат во Гвадар, Пакистан, убивајќи пет лица, додека едно рането лице им подлегнало на повредите во болница.

Полицијата, безбедносните сили и спасувачките екипи брзо пристигнале на местото на инцидентот, кои ги префрлиле телата и повредените во блиската болница.