Македонија

Сообраќајот на патиштата се одвива непречено, по суви коловози

Патниот правец Крушево - с.Долно Дивјаци - с.Кочиша е небезбеден за сообраќај и претсавува опасност за нормално одвивање на сообраќајот.

ОТЕЖНАТ СООБРАЌАЈ: Патниот правец Крушево - с.Долно Дивјаци - с.Кочиша е небезбеден за сообраќај и претсавува опасност за нормално одвивање на сообраќајот. Од 04.4.2025 година е затворен за секаков вид на сообраќај. Може да се користат регионален пат с.Пуста Река -Крушево.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ИЗВЕСТУВАЊЕ: Според известување од Виадукт Треј Дооел – Гостивар од 09.04.2025 година(Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила.

ПРЕКИН НА СООБРАЌАЈ: Мостот на река Вардар на регионалниот пат Р1312, кај Башино село е затворен за секаков вид на сообраќај.

РАБОТИ НА ПАТ:

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности

На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница.

На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот.

“Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки од 19.12.2024 г. до завршување на градежните работи.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На 08.10.2024 година поради изградба на патен коридор 10Д, делница Прилеп - Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци. Временскиот режим ќе трае во временски период од една година.

СТРАБАГ АГ Подружница СТРАБАГ Скопје известува за времена измена на сообраќајот од 08.10.2024 до 31.12.2024 година на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Од 09.07.2024 г., на десна коловозна лента на автопат Скопје - Куманово извршена била времена измена на режим на сообраќај, при што во должина од 1000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот ќе се одвива по левата сообраќајна лента за претекнување.

Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост - влез во Богданци, сметано од 24.06.2024 година ќе биде поставен времен режим на сообраќај.

Времена измена на режим на сообраќај на автопат А1, делница Петровец - Катланово, заради извршување на градежни активности. Измената на режим на сообраќај ќе започне да се применува од петок, 31.05.2024, а во врска со проектот за завршување на работите на рехабилитација со проширување на наведената делница од автопатот.

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце “поточно кл. Куманово-кл. Кр. Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 г извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Свет

Огромно парче мраз падна од небото- на неколку метри си играат деца

Жителите на мирната населба Мортон, во близина на Филаделфија, беа сведоци на чуден инцидент, бидејќи огромно парче мраз падна од небото право во дворот на една куќа.

Сето тоа се случило во неделата, на 14 април, околу 15:30 часот по локално време, а сведок бил Зек Кларк, кој го шетал своето куче, пишува Newsweek.

Никој не е повреден.

Неговиот брат Мет Кларк ја извести јавноста за необичниот настан на Редит каде објави и фотографија од огромно парче мраз.

Тој објасни дека Зак прво слушнал звук сличен на „ниско летачки хеликоптер“, а потоа силен тресок кога мразот паднал од небото. Неколку моменти подоцна видел мраз во дворот на соседот.

За среќа немало повредени, иако на само неколку метри си играле деца. На фотографијата може да се види и вдлабнатината во земјата која мразот ја направил по ударот.

Можеби е „син мраз“?

Во овој момент, неговото потекло е нејасно, иако се претпоставува дека е „син мраз“ (замрзната отпадна вода случајно одвоена од авионот).

Мет верува дека излетал од патнички авион, кој, според FlightRadar24, во тоа време бил на височина од 5.480 метри.

„Нема начин да бидеме сигурни дека мразот дошол од тој авион, но тоа го претпоставуваме врз основа на достапните информации“, рече тој.

Тагови: мраз небото

Свет

Остров полн со злато сака независност од матичната држава: Имаме понуда за Трамп

Остров богат со злато и стратешки непроценлив сака да се отцепи од својата матична земја и има необична понуда за американскиот претседател Доналд Трамп.

Имено, островот Бугенвил, кој е дел од Папуа Нова Гвинеја, пред малку му упатиле интересна понуда на Трамп: „Дајте ни независност, а за возврат ќе станеме нова американска територија“.

Таквата понуда би можела да биде привлечна за Трамп бидејќи на Бугенвил има рудник за злато. Покрај тоа, овој остров има и стратешка вредност со оглед на неговата локација во Пацификот, пишуваат британските медиуми.

Сепак, иако веста е повторно актуелна, таа не е нова. Имено, островот му е понуден на Трамп од октомври минатата година, пред актуелниот американски претседател по вторпат да влезе во Белата куќа.

Ишмаел Тороама, поранешен командант на бунтовниците, тогаш апелираше до Трамп да ја поддржи независноста на островот.

„Бугенвил сака независност. Тоа е само прашање на време“, рече тој, поставувајќи ја 2027 година како краен рок за постигнување на целите. Во Трамп најде одличен партнер кој ќе му помогне да ја постигне таа цел.

Иако многумина, а тоа секако го вклучува и американскиот претседател, никогаш не слушнале за овој остров, тој е дом на сериозно минерално богатство. Тој е дом на рудникот Пангуна, кој некогаш бил еден од најголемите извори на бакар и злато. Според проценките, рудникот содржи 5,84 милиони тони бакар и 566.000 килограми злато! Сето заедно, зборуваме за 60 милијарди долари, по денешната пазарна вредност.

Дополнително, поради своите минерални резерви и локацијата северно од Австралија, островот се смета за пригоден имот во светлина на кинеско-американскиот антагонизам.

Иан Кемиш, висок комесар на Австралија во Папуа Нова Гвинеја, не е убеден.

„Мислам дека нема да биде од голем интерес. Но, од геополитичка гледна точка, независен Бугенвил може да биде корисен или за САД или за Кина“, изјави Кемиш за британски Сан.

Иако 98 проценти од населението ја поддржува независноста, патот до целосна независност е долг и кривулест. Парламентот на островот не планира да дозволи одвојување на овој регион богат со минерали, пишува Јутарњи.

„Собранието не го сака тоа. Партиите досега избегнуваа конфронтации, но се уште има многу тензии“, вели Кемиш.

Тензиите се вкоренети во крвавата историја. Бугенвил прогласи независност во 1975 година, но беше проголтан од Папуа следната година, а потоа граѓанската војна траеше од 1988 до 1997 година. Илјадници луѓе загинаа.

Мирот беше склучен во 2001 година и во тоа време беше договорен референдум на островот. Се одржа во 2019 година, но правната независност зависи од одобрението на парламентот и таму нема голем интерес процесот да се доведе до крај.

Кога Папуа Нова Гвинеја го пропушти рокот за ратификација на референдумот во 2023 година, сомнежите почнаа да растат.

„Тие веруваат дека е загрозен територијалниот интегритет на земјата. Ако еден дел си замине, ќе следи и другиот“, заклучува Кемиш.

Рудникот Пангуа беше уништен за време на граѓанската војна, но денес е столбот на сонот за економска независност.

„Сакаме да го отклучиме нашиот потенцијал. Никој нема да го спречи нашиот народ“, рече Тороама.

Островот е дом на 300.000 луѓе и доколку се раздели би бил меѓу најмалите земји во светот. Нивните најблиски соседи се на Соломонските Острови, кои веќе се сочувствителни на Пекинг.

Иако понудата на Бугенвил датира од крајот на минатата година, доколку Трамп деновиве го читаше британскиот печат, тој може да биде заинтересиран за предлогот. Американскиот претседател веќе изрази желба за проширување на територијата на САД. Зборуваше за тоа како ќе го земе Гренланд, и рече на Канада дека треба да стане нова сојузна држава. Бугенвила практично му се нуди на послужавник, со значајна мамка - рудник за злато.

Тагови: злато трамп

Шоу биз

Најубавата жена му испрати порака на вереникот- Сидни запеа караоке, откако ја откажа свадбата

Природата на врската помеѓу Сидни Свини и нејзиниот вереник Џонатан Дејвин е повторно главна тема.

Актерката сега поттикна нова лавина гласини изведувајќи една од најпознатите песни за раскинување.

Свини беше снимена во караоке бар како го пее хитот на Адел, Someone Like You. Во видеото објавено на TikTok таа го отпеа стихот „Не е важно, ќе најдам некој како тебе“ и покажа кон публиката.

Видеото е прегледано повеќе од 500 илјади пати, а гледачите не ја пропуштија можноста да шират гласини. „Имам чувство дека ова беше лично“, „Не дај Боже жената да сака да се опорави од раскинувањето“, „Добро за неа“, напишаа некои под видеото. Некој друг тврдеше дека снимката е направена за време на Нова година.

@tmz #SydneySweeney's singing those breakup blues away -- she let loose at a karaoke bar in Key West, Florida last night while taking on #Adele's breakup anthem, "Someone Like You." #Exclusive ♬ original sound - TMZ

Ја откажале свадбата поради напнатост во врската?

На крајот на март беше објавено дека Сидни Свини и Давино ја откажале својата венчавка поради преголема напнатост во нивната врска. „Сидни и Џонатан имаат големи проблеми, но сè уште не се целосно раскинати“, рече упатен во средата. "Нештата не се баш најдобри во моментов, но тие се уште не се откажуваат. Работат на својата врска, но засега ја откажаа свадбата", рекол извор за Us Weekly.

Свини и Џонатан Давино неодамна беа фотографирани во Беверли Глен Дели, каде наводно поминале еден час пред да продолжат со нивната прошетка. Двајцата беа лежерно облечени и носеа очила за сонце, а друштво им правеше и кучето на Сидни, Тенк. Овие фотографии доаѓаат откако Свини неодамна беше фотографирана без свршеничкиот прстен.

Гласини за врска со Глен Пауел

Недолго потоа се појавија гласини дека Свини е во врска со Глен Пауел, со кого глумеше во филмот Anyone But You. Тие беа снимени во еден мексикански ресторан на свадбата на сестрата на Пауел, Лесли, но добро информиран извор негираше дека тие во тоа време се забавувале. Истото го кажала и мајката на Пауел, Синди, додавајќи дека Свини и Пауел се само добри пријатели.

Тагови: Сидни свадбата