Ќе биде ли пирова победата на Европскиот фронт, кој освои 30.000 гласа повеќе од Вреди?

Кој ќе ја бара Мала Речица на гугл мапс, а кој Идризово? Дали кексите и млекото ќе му преседнат на Али Ахмети?

Ќе се помири ли ДУИ со одлуката на ВМРО-ДПМНЕ да прави коалиција со албанската опозиција, или ќе се бараат „чизмите по таваните“?

Има ли или нема потпишан договор помеѓу Вреди и ДУИ за уставните измени? Кои се алтернативите за францускиот предлог, и што доколку и новата влада како и Сиљановска не користи „Северна“...

Вечерва во Само Интервју кај Гоце Михајлоски ќе гостува Бујар Османи, по вестите во 18 часот.

Музичкиот талент го наследила од својата мајка која била оперска дива.

Првата дама на Кина е во брак со кинескиот претседател Си Џипинг цели 37 години во кој ја добиле нивната ќерка, Си Мингзе.

Наградувана пејачка и актерка

Пенг Лијуан е родена на 20 ноември 1962 година, својата популарност ја стекнала како кинеска фолк пејачка. Во младоста била вистинска убавица, учествувала на бројни фестивали и освојувала награди. Таа се прославила со нејзиното појавување на кинеската телевизија „CCTV“ за време на една гала прослава по повод кинеската Нова година.

Пенг својот музички талент го наследила од својата мајка, оперската пејачка Ли Ксиујинг, која била ѕвезда во трупата на округот Јунченг, додека нејзиниот татко бил директор на културниот центар на округот Јунченг. Под влијание на нејзината мајка, малата Пенг веќе знаела да пее оперски арии на четири или пет години.

Нејзиниот исклучителен музички талент бил забележан за време на средното училиште од нејзиниот наставник, Ванг Јинсуан, кој ја насочил Пенг во народната музика. Уште како мала освоила бројни награди на музички натпревари, а тоа продолжило и кога пораснала.

Покрај музиката, таа успешно се занимавала со глума во театарот. Таа во 1986 година ја добила најголемата кинеска театарска награда „Цветот на сливата“ за главната улога во претставата „Седокоса девојка“. Студирала на кинескиот музички конзерваториум. Во мај 1990 година ја одбранила својата теза и магистрирала, со што станала прв магистер по народна вокална музика во Кина. Во 2002 година, Пенг била назначена како гостин-професор на Универзитетот за уметности во Шандонг, а две години подоцна и за гостин-професор на Кинескиот конзерваториум за музика.

Својот иден сопруг, Си Џинпинг, го запознала преку нејзина другарка кон крајот на 1986 година. Тој тогаш бил заменик-градоначалник на источниот пристанишен град Сјамен Фуџијан. Си, наводно, бил многу учтив за време на додворувањето, се распрашувал за нејзините техники на пеење и не личел на мажите што ги запознала претходно. Љубовта процветала, и Си и Пенг се венчале на 1-ви септември 1987 година.

Четири дена по венчавката, Пенг се вратила во Пекинг за да настапи на Националниот уметнички фестивал, а потоа заминала во САД и Канада на концертна турнеја. Во првите неколку години од бракот и двајцата биле посветени на кариерата, а потоа во 1992 година се родила нивната ќерка Си Мингзе, па Пенг решила повеќе да се фокусира на семејството и да ја остави кариерата на страна.

Додека нејзиниот сопруг напредувал во политичката кариера, неговата сопруга му била најголема поддршка и потпора сè додека не станал претседател на Народна Република Кина, а таа прва дама на оваа земја.

За време на своите посети во други држави, Пенг се сретнува со наголемите светски државници и нивните сопруги. Таа се издвојува по својата убавина и елеганција, како и по беспрекорниот моден стил. Иако може да си дозволи најскапа брендирана облека од светските дизајнери, Пенг претпочита нејзината облека да биде креирана и изработена според нејзини идеи од нејзиниот личен дизајнер Ма Кеу.

Поради важноста на нејзиниот сопруг, но и поради нејзината важност, Форбс повеќепати ја вклучува на листата на најмоќни жени во светот.

View this post on Instagram

A post shared by China Xinhua News 新华社 (@chinaxinhuanews)

Една популарна австралиска инфлуенсерка споделила свое лично искуство од злоставување на училиште откако дознала дека во нејзиното средно училиште повторно кружи морничав список, сличен на оној што нејзе ѝ го претворил животот во кошмар. Февеја, која денес има 20 години, решила да проговори за своето искуство откако слушнала за списокот направен од момчиња од едно приватно училиште во Мелбурн. На овој список биле оценките на нивните соученички, а бил објавен на платформата „Discord“ и откриен од страна на училиштето. Списокот, исто така, содржел фотографии од ученички, а девојките биле рангирани од најдобри до најлоши, како „сопруги“, „слатки“, „просечни“, „такви со кои би имале односи“.

Февеја не била изненадена од овој случај, бидејќи и самата поминала низ слично искуство пред четири години. Кога група момчиња ја рангирале без нејзина согласност, таа била во единаесетто одделение и тоа искуство ја „понижило“. „Ме ставија на слична листа која беше објавена на вести. Бев ставена во категоријата „ку*ви“ – вели Фавеја.

Иако тогаш била дете и како што открива, била девица, но штетата веќе била направена.

-Три години бев малтретирана, понижувана, вознемирувана и емоционално злоставувана од група момчиња. Моето училиште цело време знаеше за тоа, но не презеде ништо - изјавила таа.

Игнорирање на проблемот од страна на училиштето

Февеја открива дека ваквото искуство ѝ го променило карактерот.

- Се чувствував скршено, се чувствував обезвреднето како жена. Постојаното малтретирање што го доживеав од овие момчиња целосно ми го промени карактерот. Од весела, жива, гласна ученичка, станав плачлива, тивка несреќна. Се чувствував поразено, се чувствував внатрешно повредена – изјавила таа за news.com.au.

Злоставувањето било толку лошо што почнала да губи свест од силниот стрес, анксиозност и депресија. Таа тврди дека неколку пати морале да ја однесат во амбулантата за итни интервенции бидејќи ја нашле онесвестена во тоалетот.

Оваа девојка побарала советување од училиштето, но како што вели, честопати од таму велеле дека „момчињата ќе бидат момчиња“ и дека мора да се справи со тоа. Иако биле преземени некои чекори за да ѝ се олесни животот, таа наишла на отпор. Ѝ било дозволено да го напушти часот и да оди во канцеларијата на советникот секогаш кога ѝ било потребно, но тврди дека наставниците понекогаш ја одбивале и ѝ велеле дека сè е во ред. Причината поради која често сакала да побегне од училницата била тоа што секогаш била мета на момчињата кои го направиле списокот.

– Ме малтретираа, ме навредуваа, ме фотографираа, снимаа, правела лажни профили на мое име, ме демнеа, јавно ме понижуваа, ме нарекуваа со погрдни имиња, го срамотеа моето тело – изјавила таа.

Како Февеја го надминала проблемот

На крајот од средното училиште, нејзиното семејство било повикано на состанок со училиштето. Тие сметале дека конечно ќе направат нешто во врска со хроничното малтретирање, но наместо тоа им било кажано дека ако Фавеја пропушти уште еден час, нема да дипломира.

- Ми рекоа дека не ќе можам да дипломирам поради изостаноците, иако знаеја зошто не присуствувам на наставата – изјавила оваа девојка.

Како одговор, Февеја се изборила така што смогнала сили да присуствувала на секој час до дипломирањето и била рангирана како „многу добра“. Ова искуство оставило белег на неа и сега списокот направен од приватно училиште во Мелбурн ѝ ги вратило спомените и чувствата.

- Се чувствувам згрозено. Знам колку често се случува ова. Не сум изненадена. Мислам дека треба да има построги казни за училишните насилници – рекла таа во својата исповед.

Февеја верува дека, како општество, премногу се грижиме за тоа што врз жените постојано се врши насилство, но според неа, одговорот за тоа почнува уште на училиште.

- Казните за мизогино однесување на училиште не се доволно строги. Тоа се „турка под тепих“, под изговорот „момчињата ќе бидат момчиња“, во смисла, незрели момчиња – вели оваа девојка во својата исповед.