Како да постои само да го заштити Филипче, да не биде гонет за разните корупциски скандали и криминални афери од кои дебело профитирал.

Венко Филипче добил луксузен џип, вреден 130.000 евра од фирма добитник на тендери во време кога СДС беше на власт, а обвинителството молчи и не отвора случај.

Посебно симптоматичен е молкот на обвинителство за луксузниот џип на Филипче, имајќи го во предвид фактот дека за ист ваков случај отворило предмет за поранешниот директор на СОЗР кадар на СДС, Пеце Мирчевски кој добил автомобил од фирма добитник на тендери.

Која е разликата меѓу Мирчевски кој е процесуиран од обвинителството и за случајот од судот му бил определен 30 дневен притвор, и Филипче за кого обвинителството се прави и глуво и слепо за ист таков случај.

Или пак привилегијата на Венко Филипче е што е претседател на СДС, а Мирчевски обичен директор од СДС, кој треба да оди курбан, што кај нив е нормална работа, за Филипче да се спаси од прогон.

Крајно време е, по разните корупциски скандали и криминални афери, Јавното обвинителство да покрене постапка за претседателот на СДС, Венко Филипче.

Ако обвинителството не го процесуира и не го истражи случајот за луксузниот џип на Филипче, ќе потврди дека е во служба на негова одбрана и заштита и дека работи под диктат на СДС.

Но едно е сигурно, ЈО и да отвори и да не отвори постапка за Венко Филипче, тој веќе нема легитимитет, народот јасно гледа дека тој главен учесник и во криминалните афери како Онкологија и модуларната и дека е заштитен.

А, тоа ќе биде мотив уште повеќе да го казни на избори.

Центар за комуникации на ВМРО-ДПМНЕ

Северна Кореја ќе испрати 5.000 воени градежни работници и 1.000 деминери во регионот Курск за да помогнат во обновата по украинската инвазија, изјави шефот за безбедност на рускиот претседател Сергеј Шојгу по состанокот со лидерот на Северна Кореја Ким Џонг-ун што се одржа вчера.

На состанокот беа разгледани и планови за одбележување на „херојските подвизи“ на севернокорејските војници во операциите во регионот Курск, дел од Русија кој беше нападнат од украинските сили минатата година, соопшти претходно севернокорејската телевизија КЦНА.

Министерството за надворешни работи на Јужна Кореја во понеделникот соопшти дека распоредувањето на севернокорејски трупи во Русија е јасно кршење на санкциите на ОН и повика на итен прекин на таквата соработка меѓу двете земји.

Претседателот на Јужна Кореја, Ли Џе-Мјунг, и јапонскиот премиер Шигеру Ишиба, се согласија за понатамошна соработка во врска со Северна Кореја на самитот на Г7 во Канада, соопштија Ишиба и претседателската канцеларија на Јужна Кореја.

Истрагата на Ројтерс откри дека Северна Кореја ѝ снабдила на Русија милиони артилериски гранати и илјадници војници за борбите во Украина.

Ким ја изрази својата „безусловна поддршка“ на Русија, и покрај загриженоста на јужнокорејските и западните претставници дека Северна Кореја можеби добива напредна воена технологија, како и економска помош од Москва.

Министерот за дигитална трансформација Стефан Андоновски, во рамки на Дигиталниот самит во Гдањск, имаше работна средба со вицепремиерот на Полска и министер за дигитални прашања, Кристоф Гавковски.

На средбата, како што соопшти кабинетот на Андоновски, беше разговарано за тековните процеси и заложби за дигиталната трансформација во двете земји, со посебен акцент на полските искуства во дигитализацијата на јавните услуги и сајбвер безбедноста. Двајцата соговорници ја потенцираа важноста од зајакната регионална и европска соработка во оваа сфера.

- Полска и Министерството за дигитализација ќе бидат најголем поддржувач на европската интеграција на Македонија. На крајот на претседавањето со Советот на ЕУ, фокусот на полската Влада останува на поддршка на партнерите и пријателите, изјави министерот Андоновски.

Тој истакна и дека со поддршка од Европската Унија, оваа есен граѓаните на Македонија ќе добијат можност за дигитална лична карта преку мобилна апликација, ова е важен чекор во дигиталната трансформација на општеството.

Средбата претставува потврда на заедничката заложба за интензивирање на билатералната соработка и размена на добри практики.

- Сакаме да бидеме најсилен поддржувач на македонската интеграција во ЕУ, и како ваш традиционален партнер, Полска е подготвена да и помогне на Македонија со експертиза, техничка помош особено во делот на сајбербезбедноста, но и лобирање и поддршка во европските институции, изјави вицепремиерот Гавковски.

Важноста на дигиталната трансформација се гледа во тоа што овој сегмент е еден од клучните во Реформската агенда во рамки на Планот за раст на ЕУ, стои во соопштението од кабинето на министерот Андоновски.