Македонија

Софија објави доверлива нота за патување на семејството на Мицкоски во Бугарија, премиерот го известил НАТО

Според него со објавувањето на оваа дипломатска нота од бугарските власти се загрозува безбедноста на неговото семејство.

Како дипломатски преседан ги оцени премиерот Христијан Мицкоски дипломатските службени белешки од Бугарија кои неодамна беа јавно објавени на бугарски ФБ профили и портали поврзана со посетата на неговата сопруга и малолетен син во Пампорово во јануари. Според него со објавувањето на оваа дипломатска нота од бугарските власти се загрозува безбедноста на неговото семејство, а за случајот кажа дека ги информирал и партнерите од НАТО. Мицкоски овој пример го посочи како одговор на прашање дали очекува напредок во разговорите со Бугарија, оценувајќи дека последните сигнали од Софија не даваат причина за оптимизам, туку напротив, вели, состојбата дополнително се радикализира, а потезите од бугарските власти ги оцени како аматерски и неразумни.

-Вчера видовме еден преседан во дипломатијата кога излезе дипломатска нота за тродневен престој на мојата сопруга со мојот помал син кај наши пријатели во Пампорово. Тоа е невообичаена пракса во светот на дипломатијата и можеби единствена како таква. Замислете ние сега да ги вадиме сите дипломатски ноти коишто ги испраќаат од нашиот источен сосед и практично во тие дипломатски ноти пишуваат работи коишто можеби исто така би биле интересни за јавноста. Така што вчера видов еден преседан. За ова ги информирав и партнерите од НАТО затоа што со ова вадење на дипломатска нота се загрозува безбедноста на моето семејство, изјави Мицкоски.

На ФБ профили од Бугарија минатата недела се објавени два службени документи, еден за патување на семејството на Мицкоски во Банско лани во јануари, и вториот за патувањето во Пампорово кое Мицкоски го посочи од јануари оваа година. Со имиња и презимиња се објавени личните податоци на сопругата и синовите на Мицкоски, возачите на автомобилите со кои оделе во Бугарија, полицајците и обезбедувањето кои ги придружувале и нивното оружје. Делумно се замаглени броевите на нивните пасоши и типот на крвната група, а целосно се гледаат броевите на регистарските таблици и марките на возилата.

Во објавите на бугарските профили на социјланите мрежи, докумените се пропратени со прапагандни текстови во кои прмеиерот Мицкоски се портретира како политичар што користи говор додека неговите блиски одат на одмор во Бугарија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во скопските општини и натаму се наоѓа застоена вода, која е „рај“ за комарците

Министерот за здравство Клековски и експертите за комарци на секоја прес-конференција апелира и објаснува дека најголема причина за прежвивување на комарците се застоените води.

Една таква слики е во урбано место каде претекувањето на езерото во водата формира застојана вода.

И покрај апелите и состаноците со градоначалниците од општините во Град Скопје, за испразнување на фонатани и водни површини во дел од населбите каде водните површини треба да се убав декор и уживање, оставаат слика на места со запуштени вода што се излева од базените и прави застој на вода во плочките до фонтаната во скопски Аеродром. Ентомологот од центарот за јавно здравје Николина Соколовска, објаснува дека обичните домашни комарци се тие што ја пренесуваат нилската треска од како ќе се заразат од птица, најчесто гаврани. Најголем рај за комарците е застоената вода, отпадот што не се собира на време.

Граѓаните раскажуваат дека ги избегнуваат водените површини, она каде што е суво комарци нема.

Соколовска објаснува дека прскањето најмногу зависи од временските услови. Науката објаснува дека најдобро прскањето да биде од крајот на март, а општините да имаат претходен план и навремено треба да ги завршат тендерите за набавка на средства за прскање. Многу често, кај граѓаните преовладува срамот ако член од семејство се заболи од нилска треска, и во неговиот дом и околина треба да се прска против комарци.

Досега кај 43 граѓани е потврдена нилската треска, пет починаа, 21 се лекуваат во инфективната клиника. Сите потврдени се од Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

10 пожари беснеат низ државата, повторно гори кај мариовско Бонче кое било спасено ноќеска

Десет пожари се’ уште се активни на територијата на Македонија. Критично е во мариовско Бонче каде на пладне еден крак повторно се разгоре откако синоќа пожарот ставен под контрола.

Попладнево поради силен ветер пламните јазици повторно се разгореа, се активираше огнена точка и огнот се прошири на уште еден крак. Екипи на ЦУК заедно со битолските доброволци пожарникри и локани доброволци, се на терен и како што оценува Ангелов селото не е загрозено и очекуваат во текот на денот и овој пожар да биде ставен под контрола. Состојбата во село Палиград е стабилна, таму утринава интервенираат три „ертрактори“, бидејќи огнот се приближил на стотина метри од последните куќи во селото.

Меѓу време се разгоре пожар во селотот Бигла, каде неодговорно лице палело гуми во својот дом, и од невнимани огнот се проширил во блиската борова шума. Противпожрните единици од Дечлево се не терен, таму се упатени трите ер-трктори и еден политиски хелоктоптр.

Инаку доброволните пожарникари од Битола и Кочани сведочеа од терен за тешката битка со пламените јазици кај Бонче, а според сведоштвата од терен, нивната интервенција била пресудна селото да биде спасено од огнената стихија.

Во Бонче исто така екипи на итната помош интервенирале на терен, едно лице вдишало чад справувајќи се со огнената стихија..

Во моментот на територија на МАакедонија има 10 Активни пожари, два се ставени под контрола, 1 пожар е изгаснат. Покрај активниот пожар во Бонче, се уште гори кај Палиград и Цветово во општините Зелениково и Студеничани. Активни пожари има и во општините Делчево, Македонски Брод, Прилеп, Липково, Кичево и Желино. Пожарите во општините Маврово, Ростуше и Врапчиште, се ставени под контрола, Пожарот во општина Теарце е изгаснат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се избегнува „Табановце“, се повеќе се користи граничниоот премин Пелинце - Прохор Пчински

Воведувањето на системот „Сејф сити“ и наплатата на сообраќајните казни за странски возила предизвикува промени во изборот на граничните премини кон Србија.

На видеата објавени на социјалните мрежи се гледаат колони возила на вториот граничен премин Пелинце – Прохор Пчински, кој има само една лента и е далеку од коридорот 10, во обид да ги избегнат гужвите на Табановце и евентуалните казни што ги чекаат.

Но, според информациите од МВР, наскоро на сите гранични премини ќе се издаваат платните налози. За 6 месеци од стартот на Сејф сити, пола од вкупно направените прекршоци, или околу 180.000 ги сториле странски возачи, а само на 19 и 20 август над 5.500, во најголем дел за пречекорување на дозволената брзина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.