Софија Mилошевиќ и Лука Јовиќ изнајмиле дел од хотел во Франкфурт - Канал 5

Шоу биз

Софија Mилошевиќ и Лука Јовиќ изнајмиле дел од хотел во Франкфурт

Атрактивната манекенка Софија Милошевиќ, и нејзиниот невенчан сопруг, фудбалерот на Ајнтрахт Франкфурт, Лука Јовиќ, заедно со синот Алексеј ќе живеат во ресортот Кенеди во Франкфурт, нивната вила го носи името Џон Кенеди, дознава „Блиц“. 

Софија Mилошевиќ и Лука Јовиќ изнајмиле дел од хотел во Франкфурт

Имено, бидејќи не успеаја да најдат соодветен имот што целосно ќе ги исполнува нивните услови, тие одлучија новото поглавје од животот да го започнат во хотелскиот ресорт со пет sвезди што нуди многу можности.

- Преку пријатели кои Лука ги има во Франкфурт, добија препорака дека најдобро за нив е да изнајмат семеен стан на неопределено време, кој е претворен во интимен хотел. Интересно е што тука живеат голем број деловни луѓе, кои се принудени да бидат одделени од своите домови заради нивните обврски во Германија. Наскоро следеше средба со луѓето од управата на овој хотел и тие избраа цел дел од хотелот во кој ќе живеат. Покрај големите соби и другите простории тие имаат доволно простор за нивните животни потреби. Овој комплекс има и голема теретана каде Лука може да тренира секој ден, како што правеше додека беа во Мадрид, но и спа центар кој е дел од нивниот стан, па Софија може да ужива во потполност со малиот Алексеј. Во случај да им дојдат членови од семејството, тие имаат доволно место да ги угостат - објаснува извор близок до парот и додава:

- Имотот има двор каде Софија често може да престојува со Алексеј, а покрај тоа, има шеталиште кое се протега покрај реката Мајна. Фактот што ресортот има неколку ресторани од меѓународната кујна кои подготвуваат бројни специјалитети, говори дека Софија ќе има на располагање дваесет и четири часовна послуга. Во следните месеци, Милошевиќ планира да го претстави својот бизнис пред бројни успешни дами во Германија, за да може потенцијално да го освои пазарот на кој претходно не била - додава извор кој е запознаен со настаните од нивниот живот.

Извор: www.blic.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за серискиот убиец од кумановско Старо Нагоричане

Продолжува судењето во Основниот суд во Куманово за серискиот убиец Трајче Бојковски од Старо Нагоричане. 25 годишниот кумановец е обвинет за четири убиства и два обида за убиство на жени.

Продолжува судењето за серискиот убиец од кумановско Старо Нагоричане

Бојковски на последното судење во јули не се изјасни за виновен, а неговиот бранител го откажа полномоштовото и судот донесе решение главната расправа да биде одоложена. Јавното обвинителство најави дека преку доказната постапка ќе докажува дека доминантен мотив за извршување на делата била некрофилијата. Обвинетиот беше спроведен од затвор Куманово, а во судницата присуствуваа членовите на семејствата на оштетените, јавниот обвинител и бранителот на обвинетиот. Според обивнителот Љубомир Лапе, иако во дејствијата на обвинетиот се содржани повеќе квалификаторни елементи, обвинителството смета дека некрофилијата претставува доминантен мотив за извршување на делата. Истрагата утврдила дека делата биле извршувани од ниски побуди во периодот од јануари 2025 до февруари 2026 година, при што мета на нападите биле претежно повозрасни и немоќни жени кои живееле сами. Во обвинението се опфатени и два обида за убиство во селото Челопек. Првиот е од 22 јули 2025 година, кога жената успеала да повика помош и да го спречи напаѓачот, по што тој избегал. Вториот обид, според обвинителството, се случил на 9 февруари 2026 година, кога обвинетиот се откажал од намерата и побегнал. На товар му се ставаат и убиството на жена во Старо Нагоричане во јануари 2026 година и убиството на повозрасна жена во Челопек во февруари истата година.

Тагови: Старо Нагоричане

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Неделен лабораториски извештај за квалитетот и безбедноста на водата за пиење

Секторот за санитарна контрола во периодот од 24.08.2026 до 27.08.2026 зема 164 примероци за физичко-хемиска и 164 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: До каде е истрагата за влезот на влезот на српската медиумска машинерија, да не биде лага од Мицкоски?

До каде е истрагата за сомнителниот влез на српската медиумска машинерија во Македонија?

СДСМ: До каде е истрагата за влезот на влезот на српската медиумска машинерија, да не биде лага од Мицкоски?

Да не биде ова уште еден блеф и стандардна лага на Мицкоски за смирување на јавноста?

По предупредувањата на македонските телевизии и реакциите на СДСМ беше соопштено дека Финансиската полиција отворила предмет, а АВМУ ја запрела постапката.

Но, што се случува оттогаш?

Дали институциите навистина истражуваат? До каде е предметот? Што е утврдено досега?

Или Мицкоски само купува време додека јавноста заборави?

СДСМ внимателно го следи случајот. Нема да дозволиме мачкање очи и затворање на предметот во фиока.

Со месеци СДСМ предупредува дека Мицкоски, по рецептот на Вучиќ, се обидува да воспостави медиумска контрола и во Македонија.

Преку Еуроњуз и Ало, српската медиумска машинерија влегува во земјата на начин за кој се отворија сериозни сомнежи дека се заобиколуваат македонските закони.

Задолжените за пропаганда се веќе спремни, Началникот Латас и Ивона Талеска.

Кога нема резултати, кога нема пари во Буџетот, нема подобар живот, а европската перспектива се блокира, на власта ѝ е потребна пропаганда.

Да нема критика. Да нема незгодни прашања. Да нема одговорност.

Да има само пропаганда и контрола.

СДСМ отсекогаш се борел за демократско општество, слободни медиуми и слобода на говорот.

Даваме целосна поддршка на независните медиуми и новинари во Македонија.

Ние веќе еднаш се боревме против медиумскиот мрак, во 2015 година.

Нема да дозволиме Македонија повторно да се врати во времето на Груевски.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер