Инцидент во мексиканско студио- гледачите шокирани (ВИДЕО) - Канал 5

Инцидент во мексиканско студио- гледачите шокирани (ВИДЕО)

Снимки од мексиканското шоу „Es Show“ го привлекоа вниманието на социјалните мрежи откако се случи необичен инцидент за време на преносот во живо. 

Инцидент во мексиканско студио- гледачите шокирани (ВИДЕО)

За време на емитувањето на емисијата во понеделник, 26 октомври, водителот Ернесто Чаван шутна дрон што леташе над студиото во Монтереј. Потоа леталото скршна и ја удри манекенката Изабела Рохас во лицето.

Дрон удри манекенка за време на емисијата

Чавана таа вечер беше домаќин на неколку манекенки во студиото. Додека дронот минуваше над учесниците на емисијата, водителот се обиде да го шутне. Откако го шутна леталото, дронот ја удри колумбиската манекенка и танчерка Изабела Рохас, позната по прекарот „La Colombiana“.

Рохас веднаш се зграпчи за лицето, а неколку колеги дојдоа до неа и ѝ помогнаа да излезе од кадарот. Водителот набрзо ги следеше, а манекенката му ја покажа раната на усната. Таа ја бришеше крвта со марамче, но и покрај повредата, изгледаше расположена за време на разговорот со Чавана.

Водителот ја презеде одговорноста

По инцидентот пред шокираните гледачи, Чавана рече дека ја прифаќа одговорноста за она што се случило. Засега нема информации дали продукцијата на емисијата ќе преземе одредени мерки или дали инцидентот ќе има други последици за водителот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ќе ги продолжи прекинатите опозициски пратенички прашања

Собранието на денешната 130.седница ќе продолжи со одржувањето на опозициски прашања, кои беа прекинати на 12 ноември по бараните паузи од пратеници од опозицијата.

Собранието ќе ги продолжи прекинатите опозициски пратенички прашања

Претседателот на собранието, Африм Гаши на брифингот со новинарите во понеделник се осврна на дилемите за прекинатата седница за опозициски пратенички прашања. Потенцира дека постоеле разни толкувања на деловникот во однос на тоа дали паузите треба да се пресметуваат во предвидените два часа за поставување прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со температура до 21 степен

Времето денеска според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Променливо облачно со температура до 21 степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер