Собранието денеска ќе ја одржи новата 43. седница, на чиј дневен ред има вкупно 28 точки меѓу кои и Предлог на одлуката за испраќање на припадници на Армијата на Република Македонија за учество во меѓународната операција на Европската Унија „АЛТЕА“, во Босна и Херцеговина, во второ читање и Предлог за именувањето членови на Регулаторната комисија за енергетика и водни услуги и услуги на управување со комунален отпад на Република Македонија.

Пратениците ќе расправат и по Предлогот за разрешувањето и именување на претседател на Советот на експерти на Агенцијата за супервизија на капитално финансирано пензиско осигурување, Предлог за именување член на Регулаторна комисија за домување, Предлог на одлуката за разрешување на членовите на Агенцијата за пошти, Предлог на одлуката за избор на член на Комисијата за спречување и заштита од дискриминација, во второ читање, Предлог на програмата за дополнување на Среднорочната програма за формирање, чување, обновување и користење на стоковните резерви за период 2021-2025 година и Предлог на законот за изменување на Законот за градежно земјиште, по скратена постапка.

Во рамки на оваа седница пред пратениците во прво читање се Предлог на законот за изменување на Законот за употреба на знаковниот јазик, Предлог на законот за изменување на Законот за социјална сигурност за старите лица, Предлог на законот за изменување на Законот за инвалидски организации, Предлог на законот за изменување на Законот за правата на воените инвалиди, на членовите на нивните семејства и на членовите на семејствата на паднатите борци, Предлог на законот за изменување на Законот за обележување, уредување и одржување на гробишта и гробови на борците погребани на територија на Република Македонија и во странство, како и на припадниците на странските армии од поранешните војни на територија на Република Македонија, Предлог на законот за изменување на Законот за материјално обезбедување на учесниците во Народноослободителната војна, Предлог на законот за изменување на Законот за правата на прогонуваните и затворaните лица за идеите на самобитноста на македонскиот народ и неговата државност и на членовите на нивните семејства, Предлог на законот за изменување на Законот за правата на носителите на Партизанска споменица 1941, на лицата одликувани со Орден на народен херој и на борците од Шпанската националноослободителна и револуционерна војна од 1936 до 1939 година, Предлог на законот за изменување и дополнување на Законот за медиуми и Предлог на законот за изменување на Законот за практикантство Предлог на закон за изменување и дополнување на Законот за правна заштита на услугите кои се засноваат на, или опфаќаат, условен пристап.

Предлог на закон за изменување на Законот за мирно решавање на работните спорови.

Пратениците ќе дискутираат и по Предлог на законот за изменување на Законот за минимална плата во Република Македонија, Предлог на законот за изменување и дополнување на Законот за стечај, Предлог на законот за изменување и дополнување на Законот за индустриската сопственост, Предлог на законот за изменување и дополнување на Законот за надзор на пазарот, Предлог на законот за изменување и дополнување на Законот за техничките барања за производите и оцена на сообразност, Предлог на законот за изменување и дополнување на Законот за надворешни работи, Предлог на законот за изменување и дополнување на Законот за процена и Предлог на законот за изменување и дополнување на Законот за авторското право и сродните права, сите во прво читање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.