Со судска забрана, отстранета е песна на Адел од платформите- ја тужел бразилски музичар - Канал 5

Шоу биз

Со судска забрана, отстранета е песна на Адел од платформите- ја тужел бразилски музичар

Бразилскиот суд ја забрани репродукцијата, дистрибуцијата или продажбата на песната на британската пејачка Адел „Пред милион години“, освен ако не ја одобри бразилскиот музичар Тонињо Жераис.

Со судска забрана, отстранета е песна на Адел од платформите- ја тужел бразилски музичар

Бразилскиот суд ја забрани репродукцијата, дистрибуцијата или продажбата на песната на британската пејачка Адел „Пред милион години“, освен ако не ја одобри бразилскиот музичар Тонињо Жераис, кој ја тужеше пејачката за можен плагијат поради сличноста на нејзиниот хит со неговата песна „Мухерес“.

Таа одлука ја донел судот во Рио де Жанеиро, кој ја разгледува тужбата на Жераис, објави порталот Тела.

Во тужбата за можен плагијат се вклучени и Sony, Universal Music и продуцентот Грег Курстин.

Судијата Виктор Торес нареди дека мора да се плати казна за секое прекршување на забраната за употреба на песната „Пред милиони години“.

Судот им нареди на платформите Spotify, Deezer и YouTube да ја отстранат оваа песна.

Судијата Торес посочи дека иако плагијатот не е докажан, но има силни докази за речиси целосно мелодиско совпаѓање меѓу двете песни.

Одлуката на судот е прелиминарна, а разгледувањето на доказите ќе продолжи, вклучително и барањето на Жераис за отштета.

Компаниите Sony и Universal Music негираа дека се работи за плагијат, додека Адел и Курстин не зборуваа за одлуката на бразилскиот суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб. 

Алексеј Покушевски се сели во Русија

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова фитнес зона во ООУ „Мирче Ацев“ во Општина Ѓорче Петров

Општина Ѓорче Петров продолжува со континуирани инвестиции во спортската инфраструктура, создавајќи современи услови за спорт, рекреација и здрав развој на децата и младите. 

Нова фитнес зона во ООУ „Мирче Ацев“ во Општина Ѓорче Петров

Во ООУ „Мирче Ацев“ е изградена нова современа фитнес зона, како дел од проектот што се реализира со поддршка на Министерството за транспорт и врски.

Новата фитнес зона е една од вкупно трите фитнес зони што се реализираат во рамки на проектот, со што дополнително се унапредува и збогатува спортската инфраструктура на територијата на Општина Ѓорче Петров.

Со поставувањето на современите фитнес реквизити, учениците и младите добиваат функционален простор за физичка активност, вежбање и рекреација, кој ќе биде од корист и за останатите жители на општината.

-Во изминатиот период инвестиравме во нови и реконструирани спортски терени, фитнес и калистеника зони, како и во унапредување на училишната спортска инфраструктура. Нашата цел е спортот да биде достапен за сите, а особено за нашите деца и млади. Оваа инвестиција е уште еден чекор во тој континуитет. Благодарност до Министерството за транспорт и врски за поддршката во реализацијата на проектот - истакна градоначалникот на Општина Ѓорче Петров, Александар Стојкоски.

Од Општина Ѓорче Петров најавуваат дека инвестициите во спортот продолжуваат и во наредниот период, со реализација на нови проекти во училиштата, населбите и постојните спортско-рекреативни комплекси.

Инвестицијата во спортот е инвестиција во здрави генерации, активни млади и силна заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Овој викенд- бесплатно кино на отворено во Драчево

Општина Кисела Вода, во соработка со Кинотека на Македонија, овој викенд организира бесплатни филмски проекции на отворено во Амфитеатарот на Домот на културата во Драчево.

Овој викенд- бесплатно кино на отворено во Драчево

На програмата се две познати македонски остварувања во режија на Дарко Митревски:

На 08.08.2026 (сабота), од 20 часот, ќе се прикажува филмот „Бал-Кан-Кан“. Публиката ќе има можност да ја погледне оваа комедија со актерските остварувања на Раде Шербеџија, Ерол Кадиќ и Салаетин Билал.

На 09.08.2026 (недела), од 20 часот, на репертоарот е „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и Раде Шербеџија.

Влезот за двете проекции е слободен.

Ги покануваме сите љубители на филмот да ни се придружат со своите семејства и пријатели на оваа викенд-дружба посветена на македонската кинематографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер