Македонската универзитетска карате репрезентација продолжува со одличните настапи на Светската универзијада во Бразилија, каде што и вториот натпреварувачки ден донесе нов медал за нашата селекција.

Младиот каратист на Макпетрол Вукашин Јовановиќ во категоријата до (-67кг), денеска беше брилијантен, тој обезбеди пласман во големото финале и најмалку сребрен медал, откако во полуфиналната борба оствари импресивна победа над еден од фаворитите во категоријата, натпреварувачот од Иран.

Со овој резултат Јовановиќ ќе се бори за златниот медал, а воедно го обезбеди и второто одличје за Македонија на шампионатот, по успехот остварен на првиот натпреварувачки ден.

Во групната фаза тој имаше три задолжителни борби и потоа четвртфинале и полуфинале:

Вукашин Јованович – Мартин Густаво Чиле 7-0

Вукашин Јованович –Вала Хосеин Иран 5-5

Вукашин Јованович –ЧумВонг Сирапат Тајланд 3-0

Вукашин Јованович –Цабело Саморан Шпанија 8-0

Вукашин Јованович – Вала Хосеин Иран 8-4

Македонските каратисти и денеска покажаа висок квалитет и конкурентност. Дури четворица наши репрезентативци успешно ја поминаа групната фаза од натпреварувањето и се пласираа во четвртфиналето, каде што за жал беа запрени во борбите за медал.

Данило Божович (-84кг) и Љупче Михајлов (-75кг) оставија многу силен впечаток, тие имаа по неколку победи ја поминаа групната фаза, влегоа во вториот круг но не успеаја да стигнат до полуфиналните борби и да обезбедат медал.

Натпреварите продолжуваат и во наредните денови, а македонската експедиција останува во игра за нови високи пласмани и медали на најголемиот светски универзитетски спортски настан. Утре настапуваат машкиот и женскиот кумите тим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Портокалова тревога за регионот на Загреб- „Бидете подготвени за лоши временски услови“.

Државниот Хидрометеоролошки Завод на Хрватска издаде портокалово предупредување за силни ветрови за регионот на Загреб вечерва. Можни се ненадејни поплави, налетни ветрови и град во некои области. Портокаловото ниво на тревога е на сила од 20 часот денес до 4 часот наутро во четврток.

„Бидете подготвени за посилни невремиња со грмотевици кои можат да предизвикаат голема штета и заштитете се од громови. Можни се оштетувања на имотот и на дрвјата. Локално се можни бујни поплави, силни удари на ветер и град. Можни се прекини во активностите на отворено и во сообраќајот“, стои во соопштението.

Жолто предупредување истовремено важи за карловачката регија, како и за западниот дел од Истра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Против лицето К.Б, македонски државјанин, е поднесена кривична пријава до ОЈО Куманово за сторено кривично дело криумчарење, казниво по Кривичниот законик. Осомничениот е возач на автобусот вработен во компанија која врши меѓународен патен превоз.

Во конкретниот случај, мобилен царински тим, поради основано сомневање го застанал автобусот на детална контрола при што под седиштата како и во фабричка шуплина се пронајдени вкупно 312 парчиња пури од различни производители. Избегнатите давачки се проценети на 174,9 илјади денари. Акцизните производи, кои се предмет на обид за криумчарење се запленети и со донесување на наредба од ОЈО Куманово истите ќе бидат предадени на Агенцијата за управување со одземен имот.

Царинската управа продолжува со засилени контроли со цел спречување на нелегална трговија со акцизни производи, заштита на финансиските интереси на државата, заштита на здравјето на граѓаните и овозможување услови за фер економија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.