Македонија

Со СМАРТ финансии побрзо надминување на кризата и побрз и одржлив економски раст

Економските предизвици и перспективи за наредниот период, новите антикризни мерки како и воведувањето нови системски политики коишто ќе бидат катализатор на опоравувањето, а потоа и на растот, беа тема на денешната панел-дискусија „СМАРТ финансии и економски политики во време на пандемија и новата нормалност", којашто беше организирана од страна на Министерството и министерот за финансии, Фатмир Бесими, а на која присуствуваа поранешни министри за финансии и експерти од областа на економијата и финансиите.

На дискусијата, како што соопшти Министерството за финансии, учествуваа поранешните министри за финансии Џевдет Хајредини, Таки Фити и Нина Ангеловска, како и претставници на академската и експертска јавност Мирољуб Шукаров, Глигор Бишев, Зоран Јовановски, Никица Мојсовска-Блажевски, Јетон Мазлами, Александар Стојков и Изет Зеќири, а беше посочено дека корона-кризата, пред сѐ поради нејзиниот глобален и неизвесен карактер, и понатаму останува закана за домашната економија, како и дека е потребно преземање повеќе активности за надминување на истата, а потоа и поттикнување на економскиот развој.

Беше истакната потребата од преземање нов сет антикризни мерки, во делот на зголемување на домашната потрошувачка, но истовремено делување и на страната на понудата, односно зајакнување на приватниот сектор и поттикнување на инвестициската активност преку ликвидносни инјекции.

Исто така, е посочена потребата од паралено преземање системски мерки во делот на финансиите и во насока на реструктурирање на економијата, како и стратешката потреба да се работи на креирање попредвидлив амбиент и поголема конкурентност на економијата.

Зборувајќи за мандатните цели и приоритети, министерот за финансии, Фатмир Бесими рече дека ќе се воведе концепт на паметни финансии или СМАРТ финансии (Strategical, Maintainable, Accountable, Reform-oriented, Transparent), односно систем на јавни финансии што ќе се базира на јасна стратегија и ќе биде одржлив, одговорен, реформски ориентиран и транспарентен, кој ќе придонесе во надминувањето на кризата на среден рок и побрз економски раст на долг рок. Концептот треба да дејствува во повеќе насоки – пред сѐ да го зајакне процесот на планирање, подолгорочно буџетирање на средствата, кое освен поголема предвидливост ќе донесе и подобра реализација на проектите и програмите, кои вообичаено се во тек на повеќе фискални години. Понатаму тој систем ќе биде ориентиран кон мерење на резултатите и согласно тоа кон дејствување во иднина, како и кон фискална транспарентност, којашто е највисокиот степен на буџетска контрола.

Министерот за финансии најави дека ваквите панел-дискусии, консултации со академската и експертската јавност, како и општествените чинители: бизнис-заедницата, невладиниот сектор – ќе станат практика во Министерството за финансии, со цел преку размена на видувања и идеи да се дојде до оптимални решенија за ревитализирање на економијата и забрзување на растот.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер