Со концертот „Зорнина“ на 6 октомври се отвора новата концертна сезона на Филхармонијата - Канал 5

Со концертот „Зорнина“ на 6 октомври се отвора новата концертна сезона на Филхармонијата

Со концертот насловен „Зорнина“ на 6 октомври се отвора новата концертна сезона на Филхармонија насловена „Дамар на слободата“.

Со концертот „Зорнина“ на 6 октомври се отвора новата концертна сезона на Филхармонијата

-Секоја концертна сезона има ново име, оваа музичка сезона ја насловивме „Дамар на слободата“, а инспирација ни беше последниот концерт во претходната сезона кој беше насловен „Слобода“. Насловот произлезе од слободата која ја донесе своевидното излегување од пандемијата, но и како слобода во музиката, изразот, живеењето. Во новата сезона ќе не води дамарот, односно „пулсот“ на слободата. Насловите на концертите се инспирирани од архаични зборови во македонскиот јазик, со што сакаме да дадеме акцент на некои заборавени зборови од богатата ризница на нашиот јазик – вели Тина Иванова, директорка на Филхармонијата.

На концертот на отворањето на сезоната како солисти ќе настапат врвните пијанисти Алексеј Володин и Едит Пења, а диригент е маестро Гудни А. Емилсон од Исланд. На програмата се дела од генијалниот Волгфанг Амадеус Моцарт – три клавирски концерти и увертирата од операта „Свадбата на Фигаро“.

-За првпат во една концертна вечер ќе бидат изведени три концерти за пијано од Моцарт, што претставува своевиден куриозитет на овој концерт – вели Иванова.

Со концертот насловен „Далга“ кој ќе биде изведен и во Скопје на 12 октомври, оркестарот на Филхармонија ќе гостува и во Белград на 16 октомври. Диригент на овој концерт е маестро Габриел Бебешелеа, а како солист ќе настапи Рафаел Агире на гитара од Шпанија. На програмата се дела од Петровски, Родриго и Чајковски.

-Гостувањето во Белград е од исклучително значење за нашата институција, историски настан за нас – вели Иванова.

До крајот на сезоната публиката ќе има можност да проследи низа интересни концерти со возбудливи солисти и диригенти и да чуе деликатно избрана програма. До крајот на годината со оркестарот на Филхармонија ќе настапат диригентите Кондрад ван Алфен, Емил Табаков, Борјан Цанев, Виктор Митревски, а како солисти ќе настапат и голем број македонски солисти – виолнистите Владимир Костов и Даниел Лазаревски, чембалистката Цветанка Созовска, тенорот Благој Нацоски...

Насловите на концертите во сезоната „Дамар на слободата“ се извлечени од богатата ризница на архаизми во македонскиот јазик – „Вида“, „Азно“, „Меѓа“, „Далга“...

Во рамки на програмата до крајот на оваа година е и концертот за деца „Магичен глас“ како и концертот „Омаж за маестро Александар Џамбазов“ кој ќе се реализира во рамки на програмата на фестивалот „Денови на македонската музика“.

Филхармонија за првпат по подолго време ќе соработува и со НОБ, со чии ансамбли заедно ќе го изведат Вердиевиот „Реквием“ на „Мајските оперски вечери“ како и музиката на Збињев Прајснер од филмот „Три бои сино“ на режисерот Кшиштоф Кишловски.

Промоција на албумот „Филхармонија во срцето“

На отворањето на новата концертна сезона „Дамар на слободата“ ќе биде промовирано и новото це-де „Филхармонија во срцето“ кое го издаде „Con:tempo“ во соработка со Филхармонија на РСМ.

-Исклучително сум среќна што токму овој концерт се најде на це-дето, бидејќи станува збор за изведба во живо – вели Дијана Имери Илкоска, диригентката која во водеше концертот „Филхармонија во срцето“.

Албумот е снимка од истоимениот концерт на Камерниот оркестар на Филхармонија кој го водеше диригентката Дијана Имери Илкоска, а како солисти настапија Елена Дојчинова (флејта) и Владимир Лазаревски (обоа). На албумот може да се слушне изведбата на дела од Антон Аренски, Антонин Дворжак и од македонскиот композитор Томислав Зографски.

Проекција на филмот „Амадеус“ во Кинотека

Во соработка со Кинотеката на Р.С. Македонија, во среда, на 5 октомври со почеток во 20 часот ќе се прикаже антологиското кинематографско дело на режисерот Милош Форман – филмот „Амадеус“ биопик, посветен на генијалниот композитор Волфганг Амадеус Моцарт. Проекцијата на филмот ќе биде своевидна увертира, пред концертот на 6 октомври на кој оркестарот на Филхармонија и пијанистите Алексеј Володин и Едит Пења ќе изведат четири дела од богатиот музички опус на Волфганг Амадеус Моцарт.

-Успеавме да ги обезбедиме правата за прикажување на филмот, откако го исконтактиравме синот на продуцентот на филмот „Амадеус“. Парите со кои требаше да ги платиме парите за прикажување, на барање на продуцентската куќа ќе ги донираме во хуманитарни цели – вели Владимир Ангелов, директор на Кинотеката на Р.С.Македонија.

Филмот „Амадеус“ е снимен во 1984 година, а сценарист е Питер Шефер. Филмот е адаптација на истоимената театарска претстава на Шефер, во која акцентот е ставен на наводното соперништво помеѓу Волфганг Амадеус Моцарт и Антонио Салиери, двајца композитори кои живееле во Виена, Австрија, во втората половина на XVIII век.

„Амадеус“ беше номиниран за вкупно 53 награди од кои освои 40, меѓу кои и осум „оскари“ (вклучувајќи и „оскар“ за најдобар филм), четири БАФТА награди, четири „Златни глобуси“ и една од Режисерското здружение на Америка.

Во 1998 година, Американскиот филмски институт го рангираше филмот на 53-тото место на листата „100 години... 100 филмови“.

Освен проекцијата на „Амадеус“, Кинотеката во соработка со Филхармонија ќе прикаже уште четири филмови „Малер“ на Кен Расел, „Проба на оркестарот“ на Фредерико Фелини и немиот филм „Сатанска рапсодија“ од 1917 година за кој музиката ја напиша Пјетро Маскањи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кочоска на брифинг со новинарите уверуваше дека буџетот за 2027 година е развоен, а долгот во рамки на планираното

Јавниот долг до крајот на 2027 година ќе достигне 59,7% од БДП, односно 12,3 милијарди евра, покажуваат проекциите на министерството за финансии.

Кочоска на брифинг со новинарите уверуваше дека буџетот за 2027 година е развоен, а долгот во рамки на планираното

Наспроти обвинувањата на СДСМ дека долгот може да надмине 65%, министерката Гордана Димитриеска-Кочоска уверува дека тој ќе остане под границата од 60%. Образложувајќи го Буџетот за 2027 година на брифинг со медиумите, Кочоска посочи дека за пензискиот фонд од централниот буџет ќе се префрлат околу една милијарда евра, додека за плати во јавниот сектор пак се планирани 931 милион евра, што е раст од 6,6 проценти. За капитални инвестиции се предвидени 663,4 милиони евра, од кои над 27 милиони за набавка на автобуси и два милиони евра за нови железнички композиции. За капитални расходи во одбраната пак се планирани дополнителни 136 милиони евра. Министерката оцени дека подготовката на буџетот била особено тешка поради геополитичките тензии и неизвесноста на меѓународните пазари.

-Можам слободно да кажам дека ова е еден од најтешките буџети којшто го работело Министерството за финансии. И покрај сите овие предизвици коишто ги имавме при подготовка на буџетот, сепак влегуваме во 2027 година со стабилна буџетска позиција. Финансирањето на буџетскиот дефицит и сервисирањето на обврските е планирано да се одвива со комбинирано задолжување, со што знаете многу пати сме најавувале дека следната година ќе одиме со издавање на еврообврзница,- Гордана Димитриеска- Кочоска – министерка за финансии.

Во меѓувреме, од опозициската СДСМ повторно излегоа со критики за предлог-буџетот. Претседателот на партијата Венко Филипче предупреди дека државата има наталожени обврски од 713 милиони евра кон јавни претпријатија, општини и компании, вклучително и за поврат на ДДВ, што според него ја загрозува ликвидноста на стопанството.

-Сега се носи буџетот за следната година, после веќе многу брзиот ребаланс, што беше доказ за лошите економски политики. Нема пари за зголемување на платите во здравството, во образованието, во социјалата. Нема развојна компонента буџетот, немаше ни до сега,- Венко Филипче – претседател на СДСМ.

Во собранието денеска продолжи комисијата за финансирање и буџет. Расправата за предлог-буџетот за 2027, за кој се поднесени повеќе од 300 амандмани, започна во петокот и се очекува да трае денестина дена.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Народната банка ја започна продажбата на 95,3 проценти од акциите на „АЛТА банка“, првата аукција закажана за 30 ноември

Првата аукција за продажба на „Алта банка“ АД Битола ќе се одржи на 30 ноември.

Народната банка ја започна продажбата на 95,3 проценти од акциите на „АЛТА банка“, првата аукција закажана за 30 ноември

На продажба се понудени 372.742 обични акции, односно 95,336 отсто од вкупниот број акции на Банката, во сопственост на „Алта банка“ АД Белград – во стечај, соопшти Народната банка.

Почетната цена е просечната берзанска цена на акциите од последните 6 месеци, односно 3.777 денари по акција, а ќе се продаваат по моделот „се или ништо“, што значи мора да се купи целиот пакет акции вреден 22,3 милиони евра.

Ако акциите не бидат продадени на првата аукција на 30-ти, следните ќе се одржат на 1, 2, 3, 4 и 7 декември, а секоја наредна аукција ќе биде со попуст од 10 отсто во однос на претходната...

Заинтересираните инвеститори имаат рок до четврток, 19 ноември да достават барање до Народната банка за претходна согласност, а треба да достават и писмена изјава дека ќе ги уплатат средствата потребни за купување на акциите, посочија од НБРМ.Гувернерот Славески, неодамна на прес-конференција изјави дека постојат шест заинтересирани банки, од кои две домашни.

По инфорамцијата за закжаната аукција, од опозициската СДСМ обвинија дека Мицкоски и Славески планираат да ја продадат Aлта банка двојно пниско, само, како што велат, за да ги прикријат сметките и трансакциите.

-Aлта банка оди на берзанска продажба. Ако нема купувач, цената ќе паѓа. Мицкоски и Славески планираат да ја дадат обезвреднето само за да ги прикријат сметките и трансакциите. По модел, прво никој да не се јави и на крај да се продаде за џабе. Ниту една сериозна банка не сака да купи банка со вакво портфолио, велат од СДСМ.

Од владејачката партија, пак со критики до СДСМ дека откако не успеале со ширење на паника и хистерија дека банката ќе пропадне и граѓаните ќе останат без пари, сега според нив опозициската партија тргнала со личен напад кон Мицкоски.

- Филипче се сокри на Бихаќка откако се откри вистината за Алта банка. Со месеци говореа за Давор Мацура и Алта банка, а на крајот се испостави дека тие биле првите што дозволиле да купи акции од Македонија, истиот овој за кој говореа дека е криминалец и дека поседувал сомнителен капитал, изјави Манасиевски.

Во меѓувреме, државниот обвинител Ненад Савески прашан околу постапувањето на обвинителството за кривичните пријави кои ги поднесоа гувернерот Славески и опозицискиот СДСМ за случајот со Алта банка, повтори дека обвинителството постапува доколку утврди постоење на кривично-правен настан во овој случај, но во моментов како што рече, не може да соопшти повеќе инфоирмации.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шумската полиција се засилува: Доделени уверенија на 81 полицаец и еден заменик-командир

На свеченост во Министерството за земјоделство, шумарство и водостопанство денеска беа доделени уверенија за завршена шестмесечна обука на 81 шумски полицаец и на еден заменик-командир.

Шумската полиција се засилува: Доделени уверенија на 81 полицаец и еден заменик-командир

Министерот Серафимовски посочи дека засилувањето на Шумската полиција со нови човечки ресурси доаѓа на почетокот на грејната сезона, кога се очекува поголем притисок врз шумите.

Тој истакна дека со вклучувањето на новите полицајци, Шумската полиција ќе може да спроведува повеќе контроли за да ја спречи бесправната сеча и да открива случаи на превоз и продажба на дрва од незаконско потекло.

„Законот треба да важи подеднакво за секого, без оглед на името или функцијата. Држете се до фактите и постапувајте во рамките на своите законски овластувања. Ја имате целосната моја поддршка во борбата против криминалот со нашето шумско богатство“, им порача министерот Серафимовски на новите припадници на Шумската полиција, соопштуваат од МЗШВ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер