Македонија

Скопска Апелација ја укина првостепената пресуда на Мијалков за „Трезор“

Скопска Апелација ја укина првостепената пресуда за случајот Трезор и го врати предметот на повторно одлучување..

Осумгодишната затворска казна на која екс шефот на УБК Сашо Мијалков беше осуден за случајот Трезор е укината, а предметот е вратен на повторно одлучување. Одлуката ја донесе скопска Апелација а со неа се укинуваат и пресудите на Кривичниот суд и за останатите обвинети во случајот – тогашниот шеф на неговиот кабинет Тони Јакимовски, поранешниот помошник-министер во МВР, Небојша Стајковиќ, но и на поранешениот началник на Петтата управа во МВР, Горан Грујевски на кого му се судеше во отсуство и првостепено доби највисока 15 годишна затворска казна.

„Апелациониот суд Скопје при разгледување на побиената пресуда констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка, со што се доведува во прашање фактичката состојба и правилната примена на Кривичниот законик.

Судски извори брифираат дека конкретните причини за ваквото решение се наведени во одлуката, но со оглед на тоа дека се работи за укината првостепена пресуда според законот за судови и законот за управување со движењето на предметите во судовите, нема да биде анонимизирана и со тоа достапна за јавност па така најверојатно тоа ќе важи и за овој предмет.

Инаку случајот Трезор, кој го отвори згаснатото СЈО, се однесува на злоупотреба на средства од буџетот на државата за набавка на електронско-комуникациска опрема за потребите на петтата управа при убк и обука за нејзино користење од фирма од Велика Британија. Пресудата Кривичниот суд ја донесе во април лани. Апелација треба да одлучи уште по еден предмет за кој Кривичен пресуди 12 години затвор за Мијалков, а се однесува на случајот Таргет Тврдина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Голем чекор кон енергетската независност и сигурност

Македонија официјално стана дел од Вертикалниот гасен коридор, иницијатива која ги поврзува енергетските системи на земјите од Југоисточна и Централна Европа.

Меморандумот во Солун го потпиша директорот на НОМАГАС, Недим Рама. Членството во овој коридор отвора нови можности за снабдување со природен гас, намалување на зависноста од еден единствен извор на снабдување и зајакнување на позицијата на земјата во регионалната енергетска мрежа.

Енергетската криза во последните години покажа колку скапа може да биде зависноста од еден извор на снабдување. Затоа, отворањето нови патишта за снабдување е од особено значење, како за економијата, така и за енергетската сигурност на земјата.

ВЛЕН ја поздравува работата на Недим Рама и тимот на НОМАГАС. Договорите од ваков обем не се постигнуваат преку ноќ. Зад нив стојат месеци работа, разговори и координација со партнерите од регионот, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Ново училиште во Визбегово, 5 спортски центри и над 30 игралишта добиваат граѓаните на општина Бутел

Една година локална власт е една година работа, реализирани проекти и видливи резултати.

Во Општина Бутел промените се гледаат на терен и во улиците, парковите, училиштата, градинките и спортските терени.

Во изминатиот период започна водоводот во Љубанци и Љуботен, завршено е новото училиште во Визбегово во вредност 106 милиони денари, изградена е надградбата на ООУ „Ацо Шопов“ и започна изградбата на затворен базен. Изградени се две нови детски градинки, пет спортско рекреативни центри и над 30 спортски и детски игралишта.

Уредено е речното корито на Серава во должина од 1.800 метри, Радишани доби нов парк и плоштад, а се градат новиот мега-парк на булеварот „Христијан Тодоровски Карпош“, пешачка патека покрај Серава и два нови моста. Во изминатите пет години се реализирани и бројни реконструкции и асфалтирања на улици.

А работата продолжува. Следуваат нова модерна поликлиника, секундарна водоводна мрежа во Љубанци и Љуботен, доградба на ООУ „Панајот Гиновски“, нова градинка во Визбегово, нови спортски центри и дом на културата. Се реализираат и активности за видеонадзор на јавните површини.

Една година е само почеток. Бутел се гради, се развива и се менува со конкретни проекти и уште посилно темпо во периодот што следува, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Времето застанало во село на северот на Италија- до него се стигнува преку 1.400 камени скали (ВИДЕО)

Скриено во северна Италија, недалеку од швајцарската граница и езерото Маџоре, селото Куриља кон Монтевијаско се чини дека било „заробено“ во друго време.

Сместено во долината Ведаска, во областа Варезе, ова необично планинско гратче нема пат низ кој поминуваат автомобили. До него се стигнува пеш - преку 1.400 камени скали.

Ситуацијата се промени во 1989 година.

За локалното население, стрмната патека беше главната врска со остатокот од светот со векови. Сепак, ситуацијата значително се промени во 1989 година, кога беше изградена жичарница што го поврзуваше селото со долината.

Сепак, по сериозна несреќа, жичарницата престана да работи во 2018 година, објавува Дневни аваз.

Монтевијаско потоа беше практично „отсечен од светот“ речиси седум години, а до селото главно се стигнуваше пеш.

Зачуван е автентичниот изглед

Жичарницата повторно се отвори во 2025 година, што повторно им овозможи на жителите и посетителите многу полесен пристап до селото.

Денес, во Монтевиаско живеат само околу десетина луѓе, додека историскиот комплекс го зачувал својот автентичен изглед. Камени куќи, дрвени балкони, тесни улички и традиционални камени покриви му даваат на селото изглед што е тешко да се најде во модерна Европа.

На крајот од големото скалиште се наоѓа светилиштето на Мадона дела Серта.

Сите посетители имаат избор

Иако искачувањето од 1.400 скали е физички напорно, токму поради оваа причина Монтевиаско привлекува ентузијасти за планинарење и туристи кои сакаат да видат едно од најнеобичните села во Италија.

Денес, посетителите имаат избор - можат да се качат на старата камена патека и да се искачат речиси 1.400 скали или да ја користат жичарницата што стигнува до селото од Понте ди Пјеро за неколку минути. Монтевиаско сè уште го зачувува она што го прави посебен - неговата изолација, камената архитектура и чувството дека влегувањето во селото ве враќа неколку векови назад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.