Скокна продажбата на електрични возила во светот, во Северна Америка опаѓа - Канал 5

Автомобилизам

Скокна продажбата на електрични возила во светот, во Северна Америка опаѓа

Глобалната продажба на електрични возила и плаг-ин хибриди скокна за 29 проценти на годишно ниво во април, со постојан раст во Кина и Европа и покрај трговските нарушувања.

Скокна продажбата на електрични возила во светот, во Северна Америка опаѓа

Глобалната продажба на електрични возила и плаг-ин хибриди скокна за 29 проценти на годишно ниво во април, со постојан раст во Кина и Европа и покрај трговските нарушувања, додека Северна Америка го забележа својот прв пад на продажбата од минатиот септември, покажа истражувачката фирма „Ро Моушн“. Глобалната продажба на електрични возила на батерии и хибридни возила се зголеми на 1,5 милиони возила во април, според „Ро Моушн“, пренесе Бизнис Тајмс.

Во споредба со претходниот месец, во април глобалната продажба на електрични автомобили се намали за 12 проценти, додека во периодот од јануари до април беше поголема за 29 проценти во споредба со истиот период минатата година.

Во Кина, продажбата во април скокна за 32 проценти во споредба со истиот месец минатата година, на 900.000 возила. Според „Ро Моушн“, побарувачката на кинеските граѓани била стимулирана од владината програма за субвенционирање на замена на постари автомобили со нови електрични модели.

Европа регистрираше 35 проценти повеќе регистрации отколку во април минатата година, а беа продадени 300.000 автомобили. Од друга страна, во Северна Америка, продажбата се намали за 5,6 проценти, на 100.000 автомобили. Во остатокот од светот, продажбата се зголеми за 50 проценти во април.

Двојно зголемен број на plug-in хибриди

„Бројот на plug-in хибридни возила речиси се дуплираше оваа година во остатокот од светот, но главната причина за ова е извозот од Кина“, рече Чарлс Лестер, менаџер за податоци во Rho Motion.

Традиционалните автомобилски компании, кои се обидуваат да ја зголемат продажбата на поеколошки модели за да ги исполнат целите на ЕУ за намалување на емисиите на јаглерод, продадоа повеќе електрични автомобили во Европа отколку американската „Тесла“. Пазарниот удел на „Тесла“ исто така се намали во април пред освежувањето на популарниот „Модел Y“, рече Лестер.

Производителите на електрични возила со седиште во Кина продолжија да ја зголемуваат домашната продажба на електрични возила на батерии и одговорија на растечката побарувачка за хибридни возила со приклучок во странство, додаде тој.

Глобалните производители на автомобили се соочуваат со царини од 25 проценти за увоз во САД, вториот по големина пазар на автомобили во светот, што предизвика многу автомобилски компании да ги повлечат своите прогнози за 2025 година.

Неизвесност на царинските политики

Ставот на американскиот претседател Доналд Трамп во врска со стандардите за емисии и неизвесноста околу царинските политики, исто така, го ограничија растот на продажбата на електрични возила во САД.

Неодамнешните трговски договори на САД со Велика Британија и Кина имаат мало влијание врз продажбата на електрични возила, но се позитивен знак за автомобилскиот сектор пред потенцијалните преговори на САД со Кореја, Јапонија и ЕУ, рече Лестер.

Владите ширум светот донесуваат политики за да го поттикнат преминот кон електрични возила, додека трговските тензии и забавувањето на автомобилскиот пазар може да доведат до затворање на фабрики и намалување на работните места.

Кина ќе продолжи да ја спроведува програмата за субвенции за замена на постари автомобили со електрични модели во 2025 година, како дел од поширока програма што ги охрабрува граѓаните да ги заменат постарите производи со поефикасни модели, со цел да се избегне забавување на продажбата на електрични возила, а воедно да се стимулира економскиот раст.

Тагови: возила продажбата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

Директорот на Бирото за јавна безбедност Александар Јанев денеска се обрати на Централниот меморијален турнир во мал фудбал во чест на загинатите бранители 2001–2015, кој се одржува во спортскиот центар „Борис Трајковски“. 

Јанев на Меморијалниот турнир „Загинати бранители 2001–2015“: Македонија ги памети своите херои, нивната жртва е наша трајна обврска

На настанот се обрати и министерот за одбрана Владо Мисајловски, кој го отвори Меморијалниот турнир.

Пред членовите на семејствата на загинатите бранители, претставниците на Здружението „Херои на Македонија 2001–2015“, колегите и натпреварувачите, директорот Јанев истакна дека турнирот веќе 24 години ја чува жива меморијата за оние кои ги положија своите животи за Македонија, нејзиниот мир и безбедноста на граѓаните.

„Денес не сме тука само поради традицијата. Тука сме затоа што имаме обврска да паметиме. Да ги паметиме нашите колеги, пријатели, браќа, сопрузи, татковци и синови кои ја носеа униформата со чест и кои, извршувајќи ја својата должност, ја дадоа најголемата жртва што човек може да ја даде. Нивните имиња не се само дел од историјата на нашите безбедносни сили. Тие се дел од историјата на Македонија“, истакна Јанев.

Тој нагласи дека обврска на денешните генерации е споменот за загинатите бранители да се пренесува и на генерациите што доаѓаат, потсетувајќи дека слободата, мирот и безбедноста не треба да се земаат здраво за готово. Посебна почит им оддаде на семејствата на загинатите, нагласувајќи дека институциите имаат обврска да покажат дека жртвата на нивните најблиски никогаш нема да биде заборавена.

Министерот за одбрана Владо Мисајловски истакна дека мора да се чува споменот за оние кои го дале својот живот за татковината и да се пренесе на следните генерации.

„Она што треба да го направиме е да се сплотиме и да покажеме дека хероите не се забораваат. Се заблагодарувам на секој еден припадник на Армијата, сите што ја носат униформата кои секојдневно работат за нашата држава. Министерството за одбрана ќе биде секогаш тука да помогне и достојно да покаже почит кон хероите“, истакна министерот Мисајловски.

На крајот, директорот Јанев изрази благодарност до Здружението „Херои на Македонија 2001–2015“, Министерството за внатрешни работи и сите кои веќе 24 години ја одржуваат оваа традиција, порачувајќи дека хероите живеат сè додека ги паметиме и дека им должиме да ги паметиме со гордост, достоинство и благодарност.

Тагови: Александар Јанев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Брисел позитивно ги оцени реформите, земјата доби 140 милиони евра од Планот за раст

ВЛЕН ја поздравува позитивната оценка на претседателката на Европската комисија, Урсула фон дер Лајен, за напредокот во спроведувањето на Планот за раст.

ВЛЕН: Брисел позитивно ги оцени реформите, земјата доби 140 милиони евра од Планот за раст

За време на посетата во Скопје, таа го оцени постигнатиот напредок како импресивен и најави нови исплати во наредните недели. Северна Македонија досега доби 140 милиони евра од овој план.

Овие средства се резултат на сериозната работа и посветеноста на институциите во исполнувањето на преземените обврски.

Министерството за европски прашања, предводено од првиот вицепремиер Беким Сали, го координира спроведувањето на Реформската агенда и го следи исполнувањето на обврските на институции.

За нас, оваа оценка е дополнителен поттик да продолжиме со работата и навреме да ги исполниме следните обврски.

Ги поздравуваме заложбите на Брисел за деблокирање на европскиот пат на земјата и очекуваме да се надминат пречките за земјата да напредува во преговорите со Европската Унија.

ВЛЕН

Тагови: ВЛЕН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер