Продажбата на Фолксваген е во пораст, па сепак опаѓа заработувачката - Канал 5

Автомобилизам

Продажбата на Фолксваген е во пораст, па сепак опаѓа заработувачката

И покрај бројните планови за штедење во „Фолксваген“,сè уште не успеваат да го зголемат профитот.

Продажбата на Фолксваген е во пораст, па сепак опаѓа заработувачката

Групацијата „Фолксваген“ забележа значителен пад на нето добивката во првиот квартал од оваа година. Падот е за дури 40,6 проценти, што ја намали добивката на 2,18 милијарди евра. Иако на почетокот некој би помислил дека причината за ова е понатамошен пад на продажбата, податоците велат поинаку. Продажбата дури се зголемила оваа година, за 1,4 проценти, на ниво од 2,13 милиони возила.

Иако зголемената побарувачка обично значи подобри деловни резултати, во овој случај ситуацијата е парадоксална. Имено, зголемувањето на продажбата доаѓа на сметка на електричните возила, а Фолксваген очигледно заработува помалку пари од нив. Електрификацијата чини пари, а во случајот на Фолксваген, оперативната маржа на групацијата падна од 6 на само 3,7%.

Финансискиот директор и оперативен директор на VW Group, Арно Антиц, отворено призна дека успехот на електричните модели доаѓа со висока цена: „Овој пазарен успех на нашите електрични автомобили врши притисок врз нашите резултати. Оперативната маржа од околу четири проценти јасно покажува дека сè уште имаме многу работа да направиме.“

Тој додаде дека е клучно да се намалат трошоците за производство и да се зголеми профитабилноста на електричните возила, особено во контекст на глобалната економска нестабилност.

Уште во 2023 година, Антлиц објави дека електричните и бензинските/дизел моделите би можеле да имаат еднаква профитабилност до 2025 година, но таа цел сега е поместена за 2026 година. Клучна улога во ова ќе играат нови модели како што се ID.2 и неговиот кросовер дериват, кои треба да одговараат на популарноста и заработката на моделот T-Cross. Се очекуваат и нивни верзии под брендовите Cupra и Škoda, сите во ценовен ранг од 25.000 евра. Поевтин модел ID.1 е планиран за 2027 година, со целна цена од 20.000 евра.

Во Европа, продажбата на електрични модели на VW Group се зголеми повеќе од двојно во првиот квартал (+113%), додека во САД е забележан раст од 51%. Секое десетто испорачано возило низ целиот свет било електрично, а во Западна Европа нарачките за електрични модели се зголемиле за дури 64% во споредба со истиот период минатата година. Електричните автомобили сега сочинуваат повеќе од 20% од сите нарачки во тој дел од Европа, а „Фолксваген“ е лидер на пазарот на електрични возила со удел од 26%.

Најпродаваните електрични модели на VW Group во 2025 година:

• VW ID.4/ID.5 – 43.700 единици

• VW ID.3 – 28.100 единици

• Audi Q4 E-Tron/Q4 Sportback – 22.800 единици

• Škoda Enyaq/Enyaq Coupe – 20.200 единици

• VW ID.7/ID.7 Tourer – 19.100 единици

• Audi Q6 E-Tron/Q6 Sportback – 16.000 единици

• Porsche Macan (EV) – 14.200 единици

• VW ID. Buzz/Cargo – 12.700 единици

• Cupra Born – 11.000 единици

• Cupra Tavascan – 7.600 единици

Тагови: продажбата фолксваген

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од  Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Сенатот му зададе удар на Трамп: Усвоена резолуција за прекин на воената акција против Иран

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер