Скандал на улица: Бен Афлек за малку ја натепа поранешната сопруга

Иако уште од нивниот прв развод пред четири години, а потоа и нивниот официјален развод минатата година, тие се грижат заедно за децата, Бен Афлек (47) и Џенифер Гарнер (47) сè уште имаат проблеми .

Славната актерска двојка има три деца - ќерките Виолет (14) и Серафина (10) и синот Самуел (7) – и за сите нив се грижат заедно. Отсекогаш оставале впечаток во јавноста како родителите кои на прво место ја ставаат благосостојбата на своите деца, затоа што и покрај разводот, тие честопати беа гледани заедно со своите деца.

Сепак, дека идила не постои, го покажуваат најновите фотографии направени пред куќата на познатата актерка.

Двојката среде улица почна жестока расправија. Се чинеше дека Афлек сака да ја удри Џенифер кога замавна со раката , а потоа налутен се повлече .

Конечно, двајцата влегоа во Range Rover-от на Бен и тргнаа подалеку, но Гарнер беше фатена како седнува на возачкото седиште додека Афлек незадоволно седна на местото на сопатник. Со оглед на тоа што актерот беше снимен во пијана состојба минатата недела, иако веќе една година се опоравува од алкохолизам и други зависности, можеби овој пат го имаше истиот проблем.

Бен Афлек беше виден пијан на маскенбалот на УНИЦЕФ во Холивуд минатата сабота. Актерот се сопна и едвај одеше до автомобилот, а во еден момент скоро падна. Следниот ден, тој ја призна грешката, но рече дека сега е решен да се „исчисти“.

Видео: Јелена Карлеуша евакуирана од хотел поради пожар

Српската пејачка Јелена Карлеуша заедно со своето семејство летува во Турција.

Таа на својот Инстаграм профил сподели дека се запалила шумата покрај хотелот во кој престојувале.

Поради ова била побарана итна евакуација на гостите од сите околни хотели.

Јелена Карлеуша целиот настан го снимила и го објавила на Инстаграм, а на видеото можат да се чујат и гласови на други гости од хотелот кои се во паника.

„Нема да верувате што се случува во нашиот фенси хотел, се годи. Само што дојдоа да не евакуираат. Еве, јас сум тука со децата. Да знаете, ова е хаос“, вели Карлеуша додека ги смирува децата.

Инаку шумскиот пожар во Турција започна вчера и го зафати југот на земјата.

Пекинг регистрира прв случај на коронавирус по шест месеци

Пекинг го забележа првиот случај на коронавирус за речиси шест месеци или првиот случај по 179 дена, јави Си-Ен-Ен.

Веднаш по првиот, пријавен е уште еден. Станува збор за маж и жена кои неодамна престојувале во град во провинцијата Хунан, каде се пријавени неколку случаи на инфекција на Делта сојот.

Сите контакти на заразената двојка се ставени во карантин.

За последните 24 часа во Кина се регистрирани 49 нови случаи, додека 86 случаи беа регистрирани претходниот ден.

Седница на ИО на СДСМ: Дефинирани уште пет кандидати за градоначалници

​Вечерва на седница на Извршниот одбор на партијата, беа дефинирани уште неколку кандидати за градоначалници од редовите на СДСМ.

По спроведените испитувања на јавното мислење, по истражувањата и анализите во органите на партијата и секако по консултација со членовите, вечерва дефинирани се дополнителни пет кандидати за градоначалници.

1. Ѕвонко Пекевски – Берово

2. Борис Георгиевски – Гази Баба

3. Јасмина Гулевска – Могила

4. Тони Делков - Неготино

5. Даниел Крстевски - Ранковце

Ова се кандидатите кои Извршниот одбор, раководството на партијата, ги дефинираше заедно со граѓаните и членовите на партијата од овие општини.

Токму граѓаните знаат која личност е најдобрата опција за нив и затоа токму заедно со граѓаните ја создаваме најдобрата кадровска понуда за секоја општина.

Анализите, истражувањата на јавното мислење и консултациите продолжуваат и во овој период. Како што најавивме и претходно, фазно, до крајот на август, ќе ги објавиме кандидатите за сите општини во кои СДСМ ќе настапи со свои кандидати.

СДСМ е и останува прв во промените, прв во храбрите одлуки и чекори и така ќе биде и на овие локални избори.

СДСМ го носи најдоброто за секој општина, најдоброто за нашата држава и тоа е препознаено и од граѓаните.

Затоа расте довербата на граѓаните, затоа СДСМ има убедливо водство на сите релевантни анкети.

Граѓаните знаат дека само со СДСМ е можен развојот на општините, дека само со СДСМ е можен напредокот на државата и затоа на изборите во октомври граѓаните повторно масовно ќе ја дадат довербата на концептите на СДСМ.

Центар за комуникации со јавноста на СДСМ

притисни ентер