Култура

Симпозиум во чест на Дичо Зограф

За претседателката на Комисијата за односи со верските заедници и религиозните групи Валентина Божиновска, научниот собир е од големо историско значење и е поттик за научната мисла во Република Македонија.

Во чест на 140 години од упокојувањето на најистакнатиот македонски иконо и фреско сликар Димитрија Дичо Зограф денеска во Охрид се одржа симпозиум во организација на Македонската православна црква - Охридска архиепископија.

За претседателката на Комисијата за односи со верските заедници и религиозните групи Валентина Божиновска, научниот собир е од големо историско значење и е поттик за научната мисла во Република Македонија. Ова, смета таа, треба да биде показател како институциите, Институтот за национална историја и МАНУ, понатаму треба да го изучуваат овој првенец зограф и родоначалникот на фрескоживописувањето во Република Македонија.

- Дичо Зограф е човекот кој на целиот свет му покажа, како со боја и со масло од Бигорскиот манастир тргна и ги научи другите десетмина редум да сликаат и пораките да бидат директно до Библијата, не со збор туку со масло. Поврзаноста на Бигорскиот манастир со Света Гора и со Хилендар покажува дека сликарството и цивилизацијата почнуваат токму од Дичо Зограф, рече Божиновска.

Неговата подвижност, според академик Цветан Грозданов, е неверојатна и фрапантна, бидејќи има изработено скоро три илјади икони за кои се уште се трага, а сигурно е дека само во Западна Македонија има над две илјади регистрирани икони.

- Станува збор за еден великан од времето на Преродбата, кој е малку познат, иако цела Македонија добро го знае, но го знаат и другите региони на Балканот, затоа што има работено во речиси сите простори на Југоисточна Европа. Тој е родоначалник и тоа племенски, на двајцата први македонски модерни уметници Лазар Личеновски и Димитар Пандилов. Неговата школа е голема. Има многу ученици, но тие го немаат неговиот исклучителен талент. Во 19 век има стотици зографи, но тој е водечки мајстор, истакна Грозданов.

За јубилејната прослава 200 години од неговото раѓање која ќе се одбележи за неколку години, Грозданов смета дека треба да биде направена монографија, каталог со сите икони на Дичо во цела Македонија.

Одбележувањето на јубилејот во Дебарско-кичевската епархија, според митрополитот Тимотеј, е поради потеклото на Дичо Зограф од Реканскиот крај од селото Тресонче, што спаѓа под оваа епархија и оти неговите први творби, икони се наоѓаат на просторот во Струшко и во Охридско, како и дека неговите последни дела се забележани токму на овие простори.

- Тоа се поводи и причини да го расветлиме и да предизвикаме поголем интерес кај луѓето од таа област кои се занимаваат со историја на уметност и со историја воопшто. Верувам дека повторно ќе ги организираме како со МПЦ, односно епархијата и со други стручни и научни институции како што е Филозофскиот факултет, Катедрата на историја на уметност и МАНУ, рече Тимотеј.

Најголем дел од делата насликани од Дичо Зограф во Охридско-струшкиот регион, според Тимотеј се заштитени, но и добар дел се украдени.
- Најголем дел се заштитени од она што го имаме зачувано, а добар дел е и украден. Но, со тоа не се ослободуваме од обврска да ги заштитиме колку што можеме повеќе. Ние правиме она што можеме и мислам дека во последно време релативно добро се успева, заклучи Тимотеј. /МИА/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ЕУ наскоро го укинува роамингот за земјите на Западен Балкан

Европската комисија започна преговори за укинување на роамингот меѓу Европската Унија и земјите од Западен Балкан.

Целта е регионот да се вклучи во системот „Roam Like at Home“, што би им овозможило на граѓаните да користат мобилни услуги во ЕУ без дополнителни такси, пишува N1 Info.

Покрај Босна и Херцеговина, во преговорите се вклучени и Албанија, Косово, Црна Гора, Македонија и Србија. Вклучувањето во единствената роаминг зона би значело дека граѓаните од Западен Балкан можат да телефонираат, да испраќаат пораки и да користат интернет додека патуваат во Европската Унија по исти цени како и дома. Истите правила би важеле за граѓаните на ЕУ што патуваат во регионот.

Преговорите се во тек

Иницијативата дојде откако претседателката на Европската комисија, Урсула фон дер Лајен, ја објави оваа можност за време на нејзината посета на Западен Балкан во октомври оваа година. Комисијата потврди дека билатералните преговори со партнерите од регионот сега се официјално отворени.

За да се спроведе укинувањето на роамингот, земјите-партнери мора целосно да го усогласат своето законодавство со правилата на ЕУ. Откако ќе бидат склучени договорите, Европската комисија ќе му предложи на Советот на Европската Унија да донесе конечна одлука за проширување на системот. Советот на ЕУ го одобри почетокот на преговорите уште во јуни 2026 година.

Идните договори за роаминг ќе бидат поврзани со постојните договори за стабилизација и асоцијација, чија цел е да се поддржи стабилноста, економската интеграција и зајакнувањето на соработката на регионот со Европската Унија. Европската комисија сè уште не го објави точниот датум од кој новите правила би можеле да стапат во сила.

Шоу биз

Силвестер Сталоне за децениската кавга со Арнолд Шварценегер, со кого сега се побратими: Јас сум идиот

Кога во Холивуд се спомнуваат вистински опасни момци, првата асоцијација се Силвестер Сталоне и Арнолд Шварценегер.

Сепак, она што со години се случуваше зад сцената на нивните славни кариери наликува на вистинска серија на расправии и ривалства. Познатиот Рамбо сега реши да си ја отвори душата и да признае дека двете најголеми акциони ѕвезди со децении биле во кавга.

Во една епизода од подкастот The Rest Is Entertainment, Силвестер Сталоне (80) искрено зборуваше за тоа како била неговата врска со Арнолд Шварценегер (79) од самиот почеток. Ривалството се роди од едноставна желба - и двајцата по секоја цена сакаа титула апсолутен владетел на акциониот жанр.

Прва средба и веднаш летаат саксии!

Фанатизмот можеше да се почувствува во воздухот штом влегоа во истата просторија. Сталоне се присети на моментот кога сфати дека корпулентниот Австриец ќе му направи проблем во кариерата. На едно од наградите Златен глобус, Шварценегер му упати некои непријателски погледи. Уште на следната средба Сталоне не сакаше да биде во долгови, па направи потег за кој се прераскажува и денеска. Без многу размислување, посегна по сад со цвеќе и го фрли кон Шварценегер.

- Се преправав дека славам, како: „Да! И ракавицата беше фрлена, тепачката почна - призна Сталоне во споменатиот подкаст, а потоа објасни дека неговиот ривал природно бил склон кон провокации и дека и двајцата сакале да се физички и постојано да провоцираат.

Додека тие се бореа на благајните со хитови како „Рамбо“ и „Командос“, безмилосната војна се прошири надвор од екранот.

- Беше многу бурно, верувајте, во што уживав. Затоа што колку повеќе го нервирав, толку повеќе тој ме нервираше, па уште посилно се боревме да го направиме следниот акционен филм - поголем нож, погласен пиштол, повеќе жртви, ова и она, подобра локација. Тоа само се искачи на повисоко ниво – изјави легендарниот актер.

Големата нетрпеливост отиде дотаму што во 1991 година, кога како познати инвеститори го лансираа познатиот ланец на ресторани Планет Холивуд, не можеа да се видат очи в очи, а камоли да застанат заедно на иста сцена за време на промоцијата.

Пура на помирување по две децении

Секирите биле закопани дури по 20 години. Пресвртот на судбината се случи во 2003 година, кога Шварценегер одлучи да влезе во политиката и да се кандидира за гувернер на Калифорнија, што на крајот го освои.

Сталоне се присети како налетал на Шварценегер во продавница за пури и сфатил дека е време да ја фрли топката, бидејќи тие веќе не биле директни конкуренти во филмскиот бизнис. Седнаа, запалија пура и од тој ден станаа исклучително добри пријатели.

- Секогаш ќе бидеме конкурентни. Тоа е природата на ѕверот и јас уживам во тоа. Веќе не сме финансиски конкурентни... тоа е одамна. Тоа е нешто што никогаш повеќе нема да се повтори, што имаш двајца актери во ист жанр кои буквално се борат за тоа - на екранот и надвор од него - заклучи славниот Слав.

„Не сум горд што се распаднав на парчиња“

Сепак, децениите докажување на големото платно го направија својот данок. Додека ја промовираше четвртата сезона на „Кралот Tulse“ во интервју за Fox News Digital, Сталоне се осврна на ужасните физички последици што ги трпи од акционите улоги.

Многу го чинеше снимањето на „Платениците“ од 2010 година, каде што инсистираше самиот да изведува опасни каскадерски сцени.

- Се повредив многу, многу пати, но по „Платеник“ завршив со девет операции на грбот и три спојувања на вратните пршлени. И двете рамена ми беа скинати. Беше брутално - искрено призна актерот и без двоумење се охрабри за ваквите одлуки:

- Мислам дека сум идиот што го правам тоа. Да бидам горд што се распаднав на парчиња? Како, ајде, нема шанси.

Тагови: Силвестер Сталоне

Македонија

Петрушевски: Филипче и партнерите од СДС треба да одговараат кривично за саботажа на банкарскиот систем во државата

Филипче и партнерите од СДС треба да одговараат кривично за саботажа на банкарскиот систем во државата.

Филипче и неговите партнери, свесно шират лаги и манипулации за случајот со Алта банка, случај кој постои во друга држава, но не и Македонија.

Филипче и неговите партнери, од петни жили се обидуваат сликите од немирите во другите држави да ги пренесат во Македонија, нешто што не им успева, бидејќи граѓаните ја препознаваат стабилноста во државата.

Зошто Филипче и СДС се толку гласни за Алта банка? Чека ли спремен бизнисмен близок до Заев за багателна цена да ја откупи банката? Инаку, зошто би сакале СДС да пропадне некоја банка, по стилот на Еуростандард?

Го повикуваме ЈО да постапи по допрен глас и да ги повика на информативен разговор сите оние коишто пробуваат да го урнисаат уставниот поредок на државата, рече Бране Петрушевски, заменик генерален секретар на ВМРО-ДПМНЕ и пратеник.