Ова го потврди Иван Федоров, копретседавач на советот за одбрана на запорошкиот регион, откако претходните податоци на националната полиција и на регионалната воена управа укажуваа на седум жртви во овој регионален центар, што се наоѓа на само неколку десетици километри од линијата на фронтот.

„Рано утринава руските сили фрлија пет наведувани воздушни бомби врз станбените населби во регионалниот центар запорожје. Две од нив погодија станбени згради“, се наведува во соопштението на националната полиција.

Украинските служби за итни интервенции извлекуваа луѓе од урнатините, јави известувачот на франс прес од местото на настанот.

Русија во последните месеци ги засили нападите врз украинската територија, што доведе до зголемување на бројот на цивилните жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во рамки на серијата средби под мотото „Две години работа. Две години резултати. Една љубов – Македонија!“, Движењето ЗНАМ за Наша Македонија го продолжи отчетот пред граѓаните во Делчево, каде се разговараше за досегашното работење на избраните и именувани функционери од редовите на ЗНАМ, како и за спроведените политики, актуелните политички прашања и одговорноста на институциите кон граѓаните.

Пред присутните се обрати потпретседателката на Движењето и потпретседателка на Собранието на Република Македонија, Весна Бендевска, заедно со потпретседателот на Движењето и министер за земјоделство, Борче Серафимовски, претседателот на ОО на ЗНАМ во Бутел и директор на АД „Аеродроми“, Игор Трајановски, и Ирена Илиевска, директорка на Агенцијата за управување со одземен имот.

„За нас во ЗНАМ, отчетот не е формалност, ниту обврска што завршува соеден настан. Тој е принцип на политичко дејствување. Во изминатите две години работевме на активности и решенија што треба да ја направат државата пофункционална, институциите поодговорни, а јавните услуги подостапни за граѓаните. Граѓаните имаат право да прашаат што сме направиле, што сме промениле и што допрва треба да реализираме. Нашата обврска е на тие прашања да одговориме со конкретни резултати и со подготвеност да ја преземеме одговорноста за сработеното“ – порача Бендевска.

Осврнувајќи се на значењето на реформите, Бендевска нагласи дека државата се гради преку функционални институции, владеење на правото, вреднување на трудот и создавање услови за развој во сите општини.

Според неа, напредокот мора да биде рамномерен и видлив и во помалите градови, каде што граѓаните очекуваат еднаква институционална грижа и реални можности за подобар живот.

„Резултатите од работата не се мерат само со бројот на донесени закони или одржани состаноци, туку со тоа дали институциите работат подобро, дали граѓаните добиваат поквалитетни услуги, дали се создаваат услови за економски развој и дали јавниот интерес е ставен пред секој друг интерес. Нашата цел е токму тоа, да градиме држава во која правилата важат за сите, во која трудот се вреднува и во која ниту една општина нема да биде оставена на маргините на развојот. Тоа е обврската што ја преземавме и од која не се откажуваме!“ – истакна потпретседателката на ЗНАМ.

Осврнувајќи се на актуелните реформски процеси, Бендевска ја отвори темата за реформата на изборното законодавство и работата на работната група за Изборниот законик. Таа изрази разочарување од повторното отсуство на СДСМ од средбата на работната група, оценувајќи дека учеството на сите парламентарни политички чинители е неопходно за постигнување консензус за прашање од суштинско значење за демократските процеси во државата.

Бендевска потсети дека од десетте законски решенија што требаше да бидат испорачани до 30 јули, девет биле реализирани, додека Изборниот законик останал отворено прашање. Таа посочи дека во процесот биле вклучени договорените промени за кои постоел консензус, со цел да се избегне блокирање на реформата преку поднесување голем број амандмани.

„Изборниот законик е дел од реформскиот процес и прашање од суштинско значење за демократскиот развој на државата. Затоа, местото на секоја политичка опција што има свои претставници во Собранието е на масата за разговор, со аргументи, конкретни предлози и подготвеност за изнаоѓање заеднички прифатливи решенија. Не може да се бара консензус, а истовремено да се отсуствува од дебатата во која тој треба да се изгради; не може да се обвинуваат другите за забавување на реформите, а да не се учествува во процесот што треба да ги придвижи напред.

Државничката одговорност подразбира да ги соочиме аргументите, да ги надминеме партиските разлики таму каде што тоа е можно и да донесеме решенија во интерес на демократијата и граѓаните. Изборниот законик не е сопственост на една партија, ниту реформите се средство за дневнополитички пресметки. Тие се обврска кон државата и нејзината демократска иднина. Консензусот не се постигнува со празно место на масата, туку со политичка зрелост, активно учество и подготвеност да се преземе одговорност за донесените одлуки!“ – порача Бендевска.

Движењето ЗНАМ за Наша Македонија продолжува со отчетните средби низ државата, со определба политичката одговорност да се потврдува преку работа, транспарентност и конкретни резултати.

Две години работа.

Две години резултати.

Една љубов – Македонија!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Психолозите предупредуваат, и покрај поголемата отвореност за овие теми, тие и натаму остануваат во сенката на стигмата и стравот од осуда. Наместо по разговор со стручно лице, и натаму се полесно се посегнува по дијазепами и антидепресиви за привремено стишување на состојбите, наспроти трајно решение на проблемот.

-Луѓето обично не зборуваат за тоа, си живеат дома, затворени меѓу четири ѕида со својата депресија, со анксиозноста, со паничните напади, недоволно бараат помош, така да би требало многу, многу повеќе да зборуваме, да се трудиме и да им овозможиме да стане достапна таа психолошка помош,- - Мирјана Јовановска – Психолог .

Проблемите со менталното здравје не ги заобиколуваат ниту младите, напротив се често некој од нив е осамен, тагува, поминува низ булинг или се бори со анксиозност – посочува психологот Розалија Секуловска, која вели, состојбите треба да се препознаат, а не да се игнорираат, и дека е во ред да се зборува за нив и да се побара помош.

-Најчесто, проблемите кои што се типични, карактеристични за таа возраст се анксиозноста, значи чувството на страв од страв дека нешто лошо ќе им се случи здравствено, тагата која што може да премине во депресија, нарушени односи со врсниците, со родителите, со социјалната средина. Последици од семејните проблеми, во зависност од какво семејство доаѓаат, самокритичност, ниска самодоверба. Социјалните мрежи го прават другиот проблем, колку што се добри, толку има и недостатоци, изолација, намалување на речникот, намалување на речникот, на живата социјализација. Осаменост, повлекување во себе, исклучување и булингот, дали е кај помладите и во средно училишта,- Розалија Секулоска – Психолог.

„Да не ти го земе Господ паметот“, „Срамота е да се побара стручна помош“ и многу други предрасуди и натаму се присутни во општеството, велат граѓаните,. Сепак забележуваат дека повеќе се говори за менталното здравје и сметаат дека грижата за истото, во денешно време, е исклучително важно.

„Би сакала моите блиски да разберат дека не сум ок“, „Да ме сфатат другите“, „да се отворам, да си ја олеснам душата“ се само дел од анонимните пораки од пациентите на универзитетската клиника за психијатрија по повод светскиот ден на менталното здравје. Од таму порачаа, во време кога депресијата, анксиозноста и останатите ментални потешкотии се во пораст, треба да се разбие стигмата и да се испрати порака дека барањето помош не е слабост, туку напротив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.