Мартин, попознат како „Шведскиот Јозеф Фрицл“, ја киднапирал Изабел и ја однел во бункер што самиот го изградил на оддалечена фарма во јужна Шведска.

Човекот „го смислил планот уште во 2015 година“ кога ѝ дал на Изабел јагоди прелиени со дрога за силување, пред да ја одвезе на оддалечена фарма во јужна Шведска каде што планирал да ја задржи како сексуална робинка, објави ТheSun.

Изабел се појавила на суд една година подоцна, во 2016 година, каде што рекла дека Тренеборг ја однел во соба со врата што личела на „трезор на банка“ и ѝ рекол дека „никогаш нема да ја отвори“.

Ја прашал дали има некакви желби, дали можеби сака да го прошири својот бункер бидејќи, како што тогаш ѝ објаснил, таму ќе помине „многу години“.

Се верува дека докторот самиот го изградил бункерот од 60 квадратни метри, почнувајќи од 2010 година. Ѕидовите биле дебели 30 сантиметри, изградени од бетон. Собата имала спална соба, бања и кујна. Имало дури и мал покриен двор каде жртвата можела да оди без да се види.

Изабел раскажува дека во тоа време кога докторот ја киднапирал работела како придружничка во Стокхолм и наплаќала 2.000 евра за ноќевање со мажи. Сепак, таа не ни претпоставувала дека ќе доживее вакво нешто. Наскоро сè станало како најлош хорор филм и таа завршила во звучно изолирана соба.

Жената во својата исповед открила дека планот на Мартин бил да ја држи затворена „како негова девојка“, со која ќе има „секс два или три пати на ден и дека нејзината работа е да чисти и готви“.

Тренеборг земал крв и вагинални примероци од својата жртва кои ги тестирал во лабораторија на неговото работно место, подоцна признавајќи дека тоа го направил за да се увери дека таа нема сексуално преносливи болести.

Исто така, на почетокот ѝ дал апчиња за контрола на раѓање, бидејќи сакал незаштитен секс со неа. И додаде дека никогаш не сакал таа да забремени.

Тренеборг, кој сега има 47 години, на крајот бил фатен откако се испаничил по извештаите за исчезнувањето на Изабел и ја однел во Стокхолм, каде што влегле во градската полициска станица. Тој ѝ рекол да им каже на детективите дека е безбедна и надвор од животна опасност, но тие се посомневале кога ја испрашале приватно бидејќи потоа открила што навистина се случува.

Иако првично бил обвинет за силување, судот заклучил дека нема доволно докази за да се докаже дека сексуално ја нападнал, а тој бил осуден за киднапирање на осум години затвор.

На компјутерот на Мартин бил пронајден список на изопачени сексуални дејствија кои ги извршил врз жртвата, како и насилни порнографски фотографии. Исто така, пронајдени се докази дека тој бркал најмалку десет жени пред да се приближи до својата прва жртва.

Природата на неговото злосторство, во комбинација со подземниот бункер во кој била чувана Изабел, му го донеле прекарот „Јозеф Фрицл од Скандинавија“.

Да потсетиме, Јозеф Фрицл од Австрија во 2009 година бил во затвор поради силување и убиство откако 24 години ја држел својата ќерка Елизабета заклучена во подрумот под својата куќа.