Денеска, во пресрет на седница на Советот на Општина Гази баба сум на оваа локација за да отворам едно исклучително сериозно прашање и да побарам одговори од надлежните институции во Општината и Градот Скопје.

Врз основа на Нацрт-верзијата за Деталниот урбанистички план ЦС09 Блок , кој се однесува на потегот кај East Gate, доаѓаме до фрапантни податоци. Податоци кои отвораат сериозен сомнеж за потенцијална финансиска штета врз буџетот на општината и градот во висина од неверојатни 23 и пол милиони евра.

За што всушност станува збор и како е возможно ова? Да одиме по ред.

Според овој Нацрт-ДУП, на вкупно четири градежни парцели се предвидува изградба на објекти со намена Б5 – или хотелски комплекси. Станува збор за огромна вкупна површина од близу 141.000 метри квадратни. За да ви ја доловам големината – ако една просечна хотелска соба има околу 40 квадрати, ова значи дека таму се цртаат неверојатни 3000 -3.500 хотелски соби.

Тука леѓи главната дилема и сомнеж за корупција: Дали преку оваа намена за хотели, всушност, се подготвува терен за класични станбени згради, со цел да се изигра законот и да се избегне плаќањето на реалните комуналии?

• Регуларниот надоместок за уредување на градежно земјиште за овој дел од Скопје изнесува околу 180 евра по метар квадратен.

• Ако се градат станови, за оваа површина во буџетот би требало да се слеат околу 25 милиони евра.

• Но, бидејќи инвеститорот добива маркица за „хотел“ намена Б5, тој законски плаќа само 5% од овој износ.

• Тоа значи дека наместо 25 милиони, ќе се платат само нешто над 1.2 милиони евра.

Оттука, прашуваме:

Дали со овој ДУП директно му се овозможува на инвеститорот да заштеди 23.500.000 евра, пари кои треба да завршат во буџетот на Гази Баба и Град Скопје, а објектите потоа повторно да ги продава како апартмани за живеење?

Дали со ваквиот план му се прави дополнителна услуга на инвеститорот да заштеди пари преку изградба на помал број паркинг места, согласно стандардите за хотели кои бараат помалку паркинзи отколку оние за станбени згради?

Дали идните купувачи свесно ќе бидат доведени во правна замка? Дали тие луѓе ќе можат воопшто да извадат лична карта во МВР на таа адреса, со оглед на тоа што објектот ќе се води како хотел?

Ова не го зборуваме на памет.

Дали ќе се повтори истиот случај како со веќе изградениот објект на соседната градежна парцела каде луѓето веќе се вселени и живеат во станови, но не можат да ги пријават како свое место на живеење во МВР?

Почитувани, 23.5 милиони евра се пари на граѓаните. Со тие пари се градат градинки, улици, и училишта.

Институциите мора да дадат одговор на овие прашања.

Дали и кој ќе сноси одговорност доколку се дозволи вакво оштетување на буџетот?

Ви благодарам.

Александар Вељановски, советник во општина Гази Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бараат изнаоѓање на преодно решение за проблемот на професионалните возачи со престојот во Шенген зоната. А простестот како што посочија од асоцијацијата Макам транс, се одржува ден пред состанокот на работната група во Брисел на кој треба да се разговара токму по ова прашање.. Од асоцијацијата порачаа дека целта е да се испрати јасна порака до европските институции дека професионалните возачи мора да добијат соодветно решение за специфичностите на нивната работа и непречено да го остваруваат превозот. „Ве повикуваме да бидеме што побројни. Само обединети можеме да бидеме слушнати,“ стои во повикот на Макам-транс, протести в понеделник од 12 до 14 часот ќе се одржат и во Србија, Босна и Херцеговина и Црна Гора. Од министерството за транспорт досега во неколку наврати посочија дека како надлежна институција имаат целосно разбирање за македонските трнаспротери, како и дека се превземаат сите активности за изнаоѓање на решенија преку билатерални договори со земјите членки на Шенген зоната. Ресорниот министер Александар Николоски пред два дена најави склучување на нови договори, посочувајќи дека на тој начин земјава самостојно го решава проблемот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Попладне, како што соопштија од Управата за хидрометеоролошки работи, наместа ќе биде нестабилно со пороен дожд, грмежи и засилен ветер. Во Скопје, сончево и топло со мала до умерена облачност и темература до 37 степен, а во попладневните часови во делови во котлината ќе има услови за пороен дожд и грмежи. Ќе дува слаб до умерен ветер од променлив правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.