Што треба да го прашате агентот за недвижнини пред да купите стан - Канал 5

Живот

Што треба да го прашате агентот за недвижнини пред да купите стан

Купувањето недвижнини никогаш не било поедноставно.

Што треба да го прашате агентот за недвижнини пред да купите стан

Прво треба да го најдете она што ви е потребно во одреден дел од градот. Квадратурата, изгледот и катот да ги задоволуваат вашите желби и сето тоа да го усогласите со вашите финансиски можности.

Факт е дека најдобри одговори за ова може да добиете во агенциите за недвижности и дека со нивна помош можете да го најдете просторот што ви е потребен и низ процесот на барање да поминете со помалку стрес.

Кога ќе стигнете до моментот на купување, препорачливо е да му ги поставите овие 5 прашања на вашиот агент.

Зошто се продава недвижноста?

Ова е прашање на кое агентот за недвижности не е должен да одговори, бидејќи не е неопходно да ја знае причината. Меѓутоа, ако ја знае причината и ви ја открие, тогаш тоа може да ви помогне да одлучите дали да го земете станот или не. Особено е важно да го поставите ова прашање доколку видите дека цената е значително пониска од вредноста на самиот имот. Некои причини можат да дозволат преговарање околу цената на станот и нејзино дополнително намалување.

Кој е опсегот на цените на слични имоти?

За да откриете дали некој имот е преценет, треба да го споредите со други недвижности со слична квадратура, распоред, старост... Ова, како и во претходниот случај, ви дава простор да влијаете на намалувањето на цената. Секако, може да се случи и да сфатите дека сте заштедиле пари со купување на одреден имот, односно дека неговата вредност е поголема од онаа која се бара да ја платите. Во секој случај, споредбата во ваквото купување е значајно за да не се покаете поради сознанието дека сте во загуба.

Колку време се продава имотот и дали има промена во цената?

Времето поминато на пазарот не зборува за вредноста на недвижноста, но промената на неговата цена со текот на времето ви кажува дали сопственикот на имотот е подготвен да преговара за цената. Затоа никогаш не избегнувајте да му го поставувате ова прашање на вашиот агент за недвижности, не само кога станува збор за продажба, туку и при изнајмување.

Што е важно да се знае за делот од градот во кој се наоѓа имотот?

Понекогаш може да се случи имотот да се наоѓа во близина на некаков транзит, или некаква депонија, игралиште кое постојано е активно или прометни раскрсници каде честопати се случуваат сообраќајни несреќи. Оваа информација ќе ви помогне да одлучите дали навистина сакате извесен имот.

Кои се месечните трошоци?

Понекогаш се случува станот што планирате да го купите поради одредени недостатоци да има поголема потрошувачка на струја, потреба од дополнително греење со што се зголемуваат финансиските трошоци на месечно и на годишно ниво. Затоа е важно да прашате какви се просечните месечни трошоци, бидејќи можете да се најдете во сериозен проблем доколку тие не се во рамките на вашиот буџет.

Не заборавајте да прашате и колку се реалните инвестиции во недвижноста!

Дури и кога купувате сосема нов имот, мора да бидете подготвени дека одредени инвестиции ќе постојат, а инвестицијата е многу поголема доколку купувате стан во постара станбена единица.

Вашиот агент за недвижности врз основа на сопственото искуство, може да ви каже колкави се реалните инвестиции и што навистина е потребно да промените во одреден простор за да живеете удобно. Некои работи можете и сами да ги забележите при посетата на имотот, но мислењето на стручно лице секогаш би ви било од помош. Одговорот на ова прашање може да биде пресудно во одлуката дали одреден имот ќе биде вашиот нов дом или ќе продолжите да барате.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

„Фламинго револуција“: Албанците 100 дена протестираат против планот на зетот на Трамп (ВИДЕО)

Противниците на проект за луксузни недвижнини во заштитен природен резерват во Албанија вчера демонстрираа во главниот град Тирана по 100-ти ден по ред.

„Фламинго револуција“: Албанците 100 дена протестираат против планот на зетот на Трамп (ВИДЕО)

Протестот е насочен против плановите на американските инвеститори во делтата на реката Вјоса.

Демонстрантите држеа транспаренти со слогани како „Албанија не е на продажба“ и побараа оставка од премиерот Еди Рама, тврдејќи дека корупцијата стои зад неговата континуирана поддршка за проектот.

Проект поврзан со компанијата на зетот на Трамп

Проектот го води компанија поврзана со Џаред Кушнер, зетот на американскиот претседател Доналд Трамп. Луксузни хотели, комплекси вили и рекреативни објекти се планирани за заливот Звернец и островот Сазан.

Проектот го води мрежа на компании поврзани со Affinity Partners, инвестицискиот фонд на Џаред Кушнер основан во 2021 година и со седиште во Мајами, чии средства под управување пораснаа за 60 проценти минатата година, на 4,8 милијарди долари. Развојот сега е јавно управуван од „Сазан риел естејт дивелопмент“, компанија првично регистрирана во Катар, а градежната дозвола ја поседува „Звернец Саут Адриатик дивелопмент“, контролирана преку структура од пет компании регистрирани во Амстердам.

На чело е Ашер Абешера, долгогодишен деловен партнер на Кушнер од Бруклин, а партнери се албанскиот претприемач Шефкет Кастрати и катарско-сириските браќа Мутаз и Рамез Ал-Кајат. „Афинити“ вели дека ова не е нивен проект и дека инвеститорите се вклучени „во нивен личен капацитет“.

Иванка Трамп јавно го промовираше проектот и го посети регионот Валона со архитекти; таа и Кушнер велат дека го откриле местото од јахта во 2021 година.

Еколошките групи предупредуваат дека развојот може да предизвика трајна штета на кревкиот екосистем на делтата Вјоса на јадранскиот брег на Албанија, вклучувајќи места за размножување и одмор на фламинга, чапји и други птици.

Делтата на Вјосе и лагуната Нарта покриваат повеќе од 250 квадратни километри и 18 видови живеалишта од мрежата Натура 2000, од ​​кои шест се приоритетни, а подрачјето ги исполнува критериумите на Рамсарската конвенција и повеќе од 2.300 видови зависат од него. Во март 2023 година, Вјоса беше прогласена за прв европски национален парк за диви реки, на 12.727 хектари и во категоријата II на IUCN.

Покрај фламингата и чапјите, загрозени се и далматинските пеликани, каретанските желки и медитеранските крзнени фоки, заедно со повеќе од 200 видови птици кои го користат подрачјето како место за одмор на миграциските патишта. Еколозите предупредуваат против фрлање чакал врз древните песочни дини, заштитени како природни споменици, и против пополнување на еден од двата отвори што ја поврзуваат лагуната Нарта со морето, со што се прекинува размената на вода. Орнитологот Џон Ворпси од здружението PPNEA рече дека за десет години тоа ќе биде „сиво место направено од бетон“.

„Фламинго револуција“

Албанските медиуми го нарекоа движењето „Фламинго револуција“.

Според локалните медиуми, дозволата за градба на одморалиштето сè уште не е издадена. Сепак, градежната механизација пристигна на предложената локација кон крајот на мај, предизвикувајќи бран протести кои продолжуваат и оттогаш.

Рама одбива да поднесе оставка

Рама одбива да поднесе оставка, нарекувајќи го проектот благослов за земјата, отфрлајќи ги критиките како идеолошки и нагласувајќи дека инвеститори и архитекти од Данска, Франција, Грција, Јапонија и Турција се исто така вклучени во проектот, и дека Кушнер не дејствува во име на американската администрација.

Тагови: Фламинго зетот на Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Илјадници во Берлин се собраа на протест против АфД

Околу 5.000 луѓе се собраа вчера пред Бранденбуршката порта во Берлин за да протестираат против крајнодесничарската Алтернатива за Германија (AfD), која претходниот ден убедливо победи на покраинските избори во Саксонија-Анхалт. 

Илјадници во Берлин се собраа на протест против АфД

Полицијата процени дека се собрале околу 5.000 луѓе и објави дека протестот поминал без инциденти.

Меѓу демонстрантите беа познатата германска активистка за климатски промени Луиза Нојбауер и главните кандидати на Зелените и Левицата на регионалните избори во Берлин, кои ќе се одржат на 20 септември, пишува dpa. Саксонија-Анхалт е федерална држава на истокот од Германија, со главен град Магдебург.

Демонстрантите носеа транспаренти со пораките „Фашизмот не е алтернатива“ и „Стоп на нацистите од AfD! Стоп на расизмот и социјалните намалувања“ и скандираа „Сите заедно против фашизмот!“. Стотици луѓе се собраа вечерва на протест во блискиот Потсдам, пренесува dpa.

AfD убедливо победи во Саксонија-Анхалт

Да ве потсетиме дека AфД завчера постигна историска победа во источногерманската покраина Саксонија-Анхалт. Партијата освои 43,8 проценти од гласовите и 39 од вкупно 83 места во покраинскиот парламент. За апсолутно мнозинство ѝ беа потребни 42 мандати.

ЦДУ заврши втора со 17,2 проценти од гласовите и 15 мандати, додека СПД, Зелените и Левицата освоија по осум места. Излезноста беше 77,8 проценти. Официјалните бројки објавени во моментов се привремени конечни резултати откако ќе бидат преброени сите 2.661 избирачки места.

Тагови: Берлин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: 35 години независност, заедно градиме европска и еднаква држава

Денес ја одбележуваме 35-годишнината од независноста на Македонија, историски датум кој ја претставува волјата на граѓаните да живеат во слободна, демократска и суверена држава.

ВЛЕН: 35 години независност, заедно градиме европска и еднаква држава

Овој ден им припаѓа на сите граѓани на земјата, без разлика на нивната етничка припадност, јазик, вера или политички убедувања. Тоа е ден кој нè потсетува дека државата се гради со заеднички придонес и дека нашата иднина е посилна кога се почитуваме едни со други и обезбедуваме еднаквост за сите.

Албанците се нераскинлив дел од историјата, државноста и развојот на оваа земја. Нивниот придонес во изградбата на институциите и зајакнувањето на нашето општество е нераскинлив дел од идентитетот на Македонија.

Во 35 години независност, земјата помина низ бројни предизвици и направи значајни чекори напред. Денес, наша одговорност е да изградиме функционална, демократска и економски развиена држава, во која еднаквоста, правдата и владеењето на правото се секојдневни вредности, а не само принципи на хартија.

За ВЛЕН, европскиот пат на Македонија нема алтернатива. Интеграцијата во Европската Унија значи повисоки стандарди, повеќе можности за граѓаните, посилни институции и посигурна иднина за младите генерации.

Да ја одбележиме оваа 35-годишнина со гордост за она што сме го постигнале, но и со одговорност за она што треба да го изградиме.

Среќна 35-годишнина од независноста на Македонија!,с е наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер