3Николоски: Преку 100 милиони денари инвестиции во инфраструктурата во Валандово. Ќе се реконструира и регионалниот пат Струмица -Валандовo
3МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене
МакедонијаШтип инвестираше шест милиони евра за граѓаните да имаат нормално водоснабдувањеЧешмите ова лето не останаа суви во домовите на домаќинствата во високите зони на градот Штип. По дваесет години пред станбените згради или ударните сообраќајници во населбите Пребег, Железничка, Балканска, Три Чешми, Баби, Сењак ги нема цистерните за вода за пиење на штипското комуналното претпријатие „Исар“, од кои граѓаните се снабдуваа со техничка вода, бидејќи дефектите на стариот водоводен систем ги оставаа по два, а ланскиот рекорд беше пет дена без вода за пиење. Градоначалникот на Општина Штип, Иван Јорданов во изјава за МИА вели дека годинава проблем нема, бидејќи речиси четири години континуирано се инвестира во главната, но и во секундарната водоводна линија. Сепак, според Јорданов, не се завршени сите активности и сите зафати на водоводната мрежа. - На она што во моментов се работи и се работеше во изминатиот период значително ја подобри состојбата со водоснабдувањето. Со замената на застарената водоводна мрежа се придонесе да имаме помалку дефекти, поголем притисок на водата на оние места, на оние населби, каде што во летните месеци, кога е зголемена потрошувачката секоја година жителите од високите зони на град Штип имаа проблем со редовното и нормално водоснабдување, вели Јорданов. Општината и штипското комунално претпријатие „Исар“ за речиси четири години реализираа неколку проекти во насока на подобрување на состојбата со водоснабдувањето. Според Јорданов, најголемите проекти се изградбата на Водоводна линија два во должина од 3,3 километри како и обнова на главната линија. - Морам да напоменам дека реализацијата на проектот Водоводна линија два е нешто што децениски наназад се комуницирало, како потреба за растеретување на постоечката главна водоводна линија, ниска зона. Со изградбата на линија два веќе имаме алтернативна водоводна линија, за кога се случуваат поголеми дефекти на главната мрежа, високите зони да имаат вода за пиење, рече Јорданов. Во моментов за високите зони, но и градот да се шири и развива кон бањата Кежовица, се одвива и изградбата на два резервоара во населбите Пребег и Мерите. Овие резервоари се градат со средствата од самоприденосот во износ од еден милион евра. Нивната изградба е во завршна фаза и некаде кон крајот на септември треба да бидат ставени во функција. Штипскиот градоначалник вели дека со ова капацитетноста на резервоарите ќе се дуплира. - Ако досега капацитетноста на главниот резервоар на филтер станицата е нешто повеќе од 2.000 метри кубни овие два резервоара се нешто повеќе од 2.000 метри кубни, што значи дека перспективно Општина Штип го решава на еден среден и долг рок проблемот со водоснабдувањето и со високиот притисок во застарената водоводна мрежа, што беше причина за честите дефекти во летните месеци кога имаме зголемена потрошувачка, побарувачка на вода и нормално зголемен притисок во застарените водоводни мрежи, вели Јорданов. Освен овие капитални инвестиции за водоснабдителниот систем се работеше и на промена на застарената водоводна мрежа. Повеќе од 10 километри е променета секундарната водоводна линија, со што значително е подобрена состојбата со губитоците на вода и како што вели Јорданов освен проблемот со честите дефекти на застарената водоводна мрежа, имаше и губитоци на филтрирана чиста вода за пиење. Локалната власт оваа инвестиција ја чинеше повеќе од два милиона евра. - Тоа се средства коишто директно преку буџетот на Општина Штип се издвоија за да се промени секундарната водоводна линија. Но, направивме и промена на главната водоводна линија во должина од пет километри. Тоа е главна водоводна линија, ниска зона, која беше опфатена со изградбата на булеварот „Партизанска“ што исто така е нешто што ја подобри состојбата со водоснабдувањето. Овде се инвестираа помалку од половина милион евра средства за да се замени оваа главна водоводна линија, подвлече Јорданов. Според пресметките на општината, за речиси четири години во капитални инвестиции во водоснабдителниот систем на Штип се инвестирани околу шест милиони евра. - Со реализацијата на сите овие проекти верувам дека Штип конечно го решава проблемот со водоснабдувањето, бидејќи во одредени делови на градот жителите во летните месеци остануваа со слаб притисок или воопшто немаа вода. Нешто перспективно што исто така треба да го решиме е водоснабдувањето на одредени селски средини, рурални средини, што се оддалечени од градот и не се поврзани на водоводниот систем на јавното претпријатие „Исар“, а се снабдуваат преку бунарски системи. Тоа е еден предизвик кон кој треба да се насочиме и да работиме, изјави Јорданов. Штип ќе добие современ Скада систем Штип во летните месеци нема рестрикции на водата за пиење, како што до пред неколку години имаше. Откако штипската Филтер станица се приспособи и почна да прима вода од Хидросистемот „Злетовица“ има доволни количини вода, но и можност да се задоволат потребите и за новите населби, кои ќе се градат. Поради застарената водоводна мрежа и кражбите на водата за пиење, сепак, останува да се бележи губиток на водата за пиење од 62 до 65 отсто . Директорот на ЈП „Исар“, Александар Арсовски вели дека за да се реши овој проблем ќе се реализира и проектот Скада систем, кој ќе се гради со средствата од вториот јавен повик за искористување пари од унгарскиот заем. - За да се намали потрошувачката на вода, да се превенираат загубите, новонастанатите загуби на вода, како и да се спречат дивите приклучоци, односно кражбите на вода и порано да се детектираат дефектите што настануваат, а кои не се видливи со голо око, односно не се површински и да се заокружи целокупен процес, Јавното претпријатие „Исар“ во изминатиот период работеше и изготви техничко решение, односно основен проект за Скада системот, вели Арсовски. На резервоарите и на неколку локации на водоводната мрежа во градот Штип ќе се постават мерни инструменти, кои ќе ја мерат загубата на водата за пиење, а во просториите на ЈП „Исар“ ќе има и современ компјутерски, мониторинг систем, преку кој ќе се следи каде се троши или се губи водата за пиење. За Скада системот се планира да се потрошат околу 30 милиони денари, а дополнително секоја година, според Програмата за работа на ЈП „Исар“, се врши замена на старата азбестна мрежа во должина од шест до десет километри. Штипскиот градоначалник, Јорданов вели дека како локална власт мора да се има визија, но и средства за решавање на проблемите на граѓаните. Еден од нив во изминатите четири години беше водоснабдувањето на градот Штип, кој има карактеристична и тешка конфигурација на водоводната и канализациска мрежа. Тагови: во Штип Водовод и канализација Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
АвтомобилизамЗајакот на „Volkswagen“ за 43.000 евра (ФОТО)Пред повеќе од половина век, „VW Golf“ предизвика вистинска револуција во Европа и практично го дефинираше сегментот на компактни автомобили. Сепак, кога пристигна во САД во средината на 1970-тите, работите не беа толку едноставни.Првично увезуван во САД, моделот започна да се произведува локално во 1978 година, во фабриката во Вестморленд. Сепак, таму не се продаваше под името „Golf“, туку под името „Rabbit“. Оваа одлука беше донесена од маркетиншки причини. Од „VW“ сметаа дека името „Golf“ премногу се поврзува со елитен спорт и со побогатите слоеви на општеството – перцепција што не соодветствуваше со позиционирањето на автомобил наменет за пошироката американска публика. Името „Rabbit“ не беше ексклузивно само за САД – се појавуваше и во Европа, главно како ознака за одредени „GTI“ верзии или пакети на опрема на одредени пазари – но токму во Америка ова име сега се враќа на сцената. Новиот „Rabbit“ „Volkswagen Golf GTI Rabbit“ треба да пристигне во средината на 2027 година и ќе послужи како еден вид „освежување“ за „Golf GTI“ во Северна Америка. Оваа специјална изведба е опремена со адаптивна суспензија „DCC“, 19-инчни тркала и летни гуми. Што се однесува до визуелните промени, моделот се одликува со затемнето лого, црна маска на ладилникот, црн покрив и разни други детали во темни тонови. Единствениот елемент што не е црн е ознаката со зајак („rabbit“), која служи како почит кон оригиналниот модел. Оваа верзија ќе биде достапна исклучиво во САД. Цената сè уште не е објавена, но се очекува да започнува од 43.000 евра па нагоре. Извор: Б92Тагови: Volkswagen Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаЦарински службеници спречија нелегален внес на 2,8 тони нејодирана сол која е забранета за увозЦарински службеници од Царинска испостава Скопје 3 спречија обид за нелегален внес на 2,8 тони нејодирана сол која е забранета за увоз. Случајот е откриен при контрола на стока декларирана како индустриска сол за која, од страна на увозникот, производител на храна, била обезбедена изјава дека ќе се користи за индустриски цели. При контролата е констатирано дека станува збор за нејодирана сол, а не за индустриска како што било наведено во изјавата и увозната царинска декларација. Согласно македонската легислатива, солта која се употребува во прехраната треба задолжително да биде јодирана поради штетните последици врз здравјето на граѓаните од консумација на нејодирана сол. Против осомничените е поведена соодветна постапка, а согласно решението добиено од Агенцијата за храна и ветеринарство, солта е уништена на депонијата Дрисла. Царинската управа потенцира дека откривањето на царински измами со храна е еден од главните приоритети на управата, со цел заштита на здравјето на граѓаните. За оваа цел минатата година со АХВ беше склучен и Меморандум за размена на податоци со што значително се унапреди борбата со криминалот поврзан со храна. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветЕстонија ја затвора границата со Русија на 6 месециОд 1 декември, Естонија ќе ги затвори своите гранични премини кон Русија на најмалку шест месеци од безбедносни причини, соопшти во петокот владата на оваа балтичка земја.Претходно оваа недела, Естонија најави затворање на сите гранични премини со Русија, што ќе стапи на сила следниот месец. Ова уследи по сомнителен напад со подметнување пожар во една естонска одбранбена компанија – инцидент за кој Талин ја обвини Москва – иако првично не беше прецизирано колку долго ќе трае затворањето. Одговор на непријателските активности на Русија „Оваа одлука е одговор на континуираните непријателски активности на Русија против Естонија и други европски земји“, се наведува во соопштението на владата. „Компании од естонската одбранбена индустрија беа цел на напади двапати оваа година, а според Естонската служба за внатрешна безбедност, двата напади биле организирани од руските специјални служби“, се додава во соопштението. Москва постојано ги отфрла обвинувањата од европските власти за нејзина вмешаност во акти на саботажа. Естонија – членка на НАТО и на Европската унија, како и цврст поддржувач на Украина – моментално има пет гранични премини преку кои патниците можат да влезат во Русија или да излезат од неа, истакна владата. Извор: Индекс.хрТагови: Естонија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter