Живот

Шпанците ги разграбале ливчињата за Божиќна лотарија со броеви на коронакризата

Коронавирусот не само што влијае на физичките односи меѓу луѓето во Шпанија, туку и на нивното однесување кога купуваат ливчиња за традиционалната Божиќна лотарија.

Кога купувале ливчиња, жителите масовно избрале броеви поврзани со пандемијата, па бројот 14.320 бил меѓу првите распродадени. Тоа го симболизира датумот на 14 март 2020 година, ден кога во Шпанија беше прогласена вонредна состојба поради коронавирусот.

„Тој број е целосно распродаден“, вели Боско Кастиљехо, продавач во најпознатиот продажен салон. Десетици луѓе чекале на ред пред овој мал објект во срцето на Мадрид со недели, но откако бројките биле пуштени во оптек, „датумот на вонредната состојба“ исчезна.

"Луѓето масовно ни се јавуваа и бараа 14.320. Отпрвин не разбиравме зошто инсистираат на тој одреден број додека не прашавме еден клиент. Тој ни објасни што значи тој број", објаснува Кастиљехо.

Имало 60 такви броеви на понуда. "Но, ги распродадовме во првите два дена. Слична е состојбата и во остатокот од земјата", вели Кастиљехо. „И покрај тоа, сè уште ни го бараат тој број секој ден.

Во случај на победа, луѓето со ист број ќе ја делат наградата.

„Ако се извлече тој број, многу луѓе ќе ги споделат добивките затоа што тој е најбараниот број кај нас“, вели Алехандро Азнар на продажно место во градот Сарагоса, каде што се распродадени сите 60 такви билети. „Сè уште добивам најмалку три телефонски јавувања за тој број секој ден“, додава тој.

Низ цела Шпанија имало 1720 ливчиња со тој број и сите се распродадени.

По прогласувањето на вонредната состојба, жителите беа присилно затворени во станови и куќи околу 100 дена, па датумот на почетокот на вонредната состојба сè уште им е врежан во меморијата.

Шпанската лотарија е најголема во светот затоа што традиционално ја играат 47 милиони луѓе.

Годинешниот награден фонд е 2,4 милијарди евра, а џекпотот познат како „Ел Гордо“ (Дебелиот) се извлекува на 22 декември, два дена пред Бадник.

„Свесни сме дека продаваме производ за разонода“, вели Азнар во Сарагоса. "Но, тој производ носи возбуда и надеж. И луѓето во толку тешки времиња, особено во божиќната атмосфера, веруваат дека ливчето може да им го промени животот".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Комунална хигиена: Во текот на минатата недела се отстранети 915 кубни метри отпад од диви депонии

Во текот на изминатата седмица, екипите на ЈП Комунална хигиена-Скопје отстранија 915 кубни метри непрописно одложен отпад од јавни и сообраќајни површини во сите скопски општини.

Најголемо количество отпад од диви депонии е подигнат во општината Центар, каде што се расчистени вкупно 185 кубни метри непрописно одложен отпад.

Еко-патролата на ЈП Комунална хигиена-Скопје минатата недела изготви 15 записници за лица и правни субјекти затекнати при кршење на Законот за јавна чистота. Најголем број на записници беа врачени на територијата на скопската општина Чаир.

ЈП Комунална хигиена-Скопје продолжува на жителите на градот Скопје да им ја нуди можноста својот кабаст отпад, во којшто спаѓаат стариот мебел, електронските и електричните апарати, без плаќање паричен надоместок да го одложат во Центарот за селекција на отпадот во Карпош, секој ден во неделата, во терминот од 07 до 19 часот.

Доколку граѓаните имаат потреба ЈП Комунална хигиена-Скопје со специјални комунални возила да го преземе и транспортира кабастиот отпад од нивните домови, оваа услуга можат да ја нарачаат од понеделник до петок, во периодот од 07 до 15 часот, на следните телефонски броеви: 0800 222 33 и 3216644.

Услугата се наплатува според однапред утврден Ценовник објавен на веб-страницата на Претпријатието (https://khigiena.com.mk/grid/?id=22).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Над 90 милиони евра вложени во образовната инфраструктура

Над 90 милиони евра вложени во образовната инфраструктура, продолжува реконструкцијата на училиштата и студентските домови.

Претседателот на Владата на Република Македонија, Христијан Мицкоски, денеска, одговарајќи на новинарско прашање во однос на критиките во делот на образовната инфраструктура, што направи Владата во изминативе две години и три месеци за подобрување на условите за учениците и студентите, изјави:

„Што се однесува до образовната инфраструктура, во овој момент можам да кажам дека Владата има инвестирано повеќе од 90 милиони евра за овие 26-27 месеци. Од коишто половина се директно од Министерството за образование, во делот на студентските домови. Еве, утре еден таков нов, реконструиран, модерен, современ студентски дом ќе биде пуштен, тоа е студентскиот дом „Стив Наумов“. Многу скоро ќе биде и вториот студентски дом „Кузман“, но исто така и сите студентски и ученички домови ќе бидат и веќе почнат е тој процес на нивна реконструкција и обновување. Нешто што со децении не било направено. Има многу работи коишто треба да се направат. Приоритет по приоритет, еден по еден, тие приоритети ги решаваме. И отприлика уште 45 милиони евра преку АА програмата, односно преку оној проект на децентрализирање средства од централниот буџет кон општините се наменети за проекти во образованието, реконструкција на основни и средни училишта.

Така што, инвестициите се огромни и тоа можам да кажам дека претставува еден приоритет на оваа Влада и ве поканувам еве утре заедно да, мислам дека утре е потврден настанот, во рамките на „Стив Наумов“ студентскиот дом, да можеме заедно да го отвориме, да прошетаме, да видиме како сето тоа изгледа и какви услови ќе имаат нашите студенти.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Медведев: „Единствена Русија“ ќе ја формира најголемата пратеничка група во историјата на Думата

Руската партија „Единствена Русија“ ќе ја формира најголемата пратеничка група во историјата на Државната дума, изјави во понеделникот претседателот на партијата, Дмитриј Медведев.

„Партијата ‚Единствена Русија‘ навистина доби поддршка без преседан – над 58 отсто од гласовите – и имајќи ги предвид овие резултати, ќе ја формираме најголемата пратеничка група во нашата историја“, изјави Медведев по средбата на рускиот претседател Владимир Путин со лидерите на партиите што, според изборните резултати, влегоа во новиот состав на парламентот, пренесува „РИА Новости“.

Според конечните резултати од изборите за Државната дума од деветтиот состав, „Единствена Русија“ освои 349 од вкупно 450 пратенички места.

Изборите за рускиот парламент се одржаа од 18 до 20 септември, а новиот состав ги вклучуваше претставниците на пет политички партии – „Единствена Русија“, Комунистичката партија на Руската Федерација, Либерално-демократската партија на Русија, „Нови луѓе“ и „Праведна Русија – За вистината“, како и претставник на партијата „Родина“ и четворица независни кандидати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.