Шкотланѓанец освоил џекпот и потрошил 45 милиони евра, си правел и луксузни погребни забави

Шкотланѓанецот Колин Вир и неговата сопруга Кристин Вир освоиле повеќе од 182 милиони евра на лотарија во 2011 година и потрошиле луди 45 милиони евра за осум години.

Колин починал во 2019 година и во тие осум години, како што пишува The Sun, добро ги искористил своите пари. Купувал луксузни автомобили, пумпал пари во неговиот омилен фудбалски клуб и имал удел во Грегс и Ирн-Бру.

Во своето портфолио имал акции вредни 12 милиони фунти, а помал дел инвестирал во француската мултинационална компанија Moët Hennessy Louis Vuitton, како и во синџирот продавници Теско. Своето огромно богатство го поделил со семејството, сопругата Кристин и децата Карли и Џејми, а дел донирал во хуманитарни цели.

Вир починал од сепса на 71-годишна возраст, а во тоа време поседувал накит и уметнички дела во вредност од дури 240 илјади евра. Имал импресивна колекција на автомобили, меѓу кои и Мерцедес бенц V класа вреден 40.000 евра.

Тој бил страствен обожавател на коњски трки и поседувал три чистокрвни коњи. Имал и имот вреден четири милиони евра во даночниот рај на Островот, како и удел од 450 илјади евра во Enterprise Investment Schemes и максимални 56 илјади евра вложени во обврзници за национални заштеди и инвестициска премија.

За жал, Вир се разделил од сопругата една година пред да почине, но ѝ ја оставил вилата во која живееле вредна четири милиони евра и си купил стан вреден 1,2 милиони евра.

Тој бил дарежлив и по неговата смрт. Кога дознал дека ќе умре, однапред организирал погребни свечености и на нив потрошил повеќе од милион евра. На свеченостите биле послужени јастози, шампањ од 385 евра и деликатеси како супа од тартуфи вредна повеќе од 45 евра по чинија.

По неговата смрт, фудбалскиот клуб Патрик Тистл преименувал дел од трибината во негова чест, а огромен број навивачи на клубот дошле на неговиот погреб и му оддале почит.

Aлбанско - бугарска нарко група e уапсена во Белгија, запленети 50 килограми кокаин и хероин

Белгиската полиција разбила албанско-бугарска нарко група која била активна на територијата на оваа земја. 

-Во акцијата уапсени се 11 лица, извршена е котрола во нивните домови во повеќе градови во Белгија, при што запленети се четириесет килограми кокаин и тринаесет килограми хероин, 100 илјади евра, за кои постојат основи на сомнение дека се стекнати од продажба на дрога, 12 парчиња огнено оружје, повеќе палети со тутунски производи и неколку возила, јави Ора њуз.

Нарко бандата користела возила опремени со скриени прегради за транспорт на дрога што доаѓала од Холандија, дистрибуирајќи ја во Белгија и Обединетото Кралство.

Најмалку тројца загинати во серија лавини во Австрија

Најмалку три лица загинаа од вчера во серијата лавини во западна Австрија, соопшти полицијата.

Портпаролот на тиролската полиција изјави дека љубител на зимски спортови денеска загинал во лавина во Калтенбах. Според АПА, тој бил 17-годишен државјанин на Нов Зеланд.

Вчера 32-годишен Кинез загинал во ски-центарот Зелден. И двајцата биле надвор од падините.

Во соседниот регион Форарлберг утрово е пронајден мртов скијач. Тој е 50-годишен маж, а загинал во лавина во долината Клајнвалсертал, која граничи со Германија, јави АПА.

КОЗЕРИЈА: Порака до Владата - како да нѐ подготвите за Илинден, 2 август 2023 год.

Текстот е авторски, претставува козерија , за оние кои не знаат - козерија е термин во журналистиката која означува сатиричен текст базиран на актуелни случувања. Секоја сличност со одредени лица и настани е намерна!

Премиере Димитар Ковачевски, пошто оваа година не не' пуштивте да влеземе во Св. Спас, иако имавме уредни акредитации ( не само Канал 5 ТВ туку сите медиуми, освен државната МИА и МРТ )...велам не не' пуштивте, затоа што полицијата не не' спречи - туку вашиот протокол, од понеделник ќе видиме кои лица ја спречиле нашата работа и ќе следува соодветен поднесок за насилно прекршување на уставно загарантирано право.

Нејсе, денес што не влеговме во Св. Спас - не влеговме, па претпоставувам не ќе можете да се видите на телевизија пошто немаме камера внатре - снимател без новинар е како младоженец без невеста на свадба.

Туку да ве замолам за една услуга - ајде на 2ри Август, кога ќе биде исто така настан од „мега голем ризик“, да „ни учините“ - да не' пуштите до Мечкин Камен, новинар и снимател ( а не како денес ), и таму да не сместите околу споменикот, да организирате едно 30 батки од некое приватно обезбедување ...за да не подберат и истепаат убаво сите медиумски екипи, да ни искршат и нозе и особено раце.

Не за друго - кога од Влада ќе пратите следен пат акредитација за некој настан, за да не ни текне да се пријавиме, башка со скршени раце не се пополнува акредитација, нели?

И уште една идеја - предлог. Дајте предлог да се смени името на земјава...да повторно, но и овојпат ќе може да се крати во С. Македонија - СМЕШНА МАКЕДОНИЈА.

*Текстот е козерија / фикција базиран на вистински случувања. Секоја сличност со одредени лица и настани е намерна!

Автор: Иван С. Мирчевски

притисни ентер