Автомобилизам

Шкотланѓанец добил оригинална судска пресуда поради пребрзо возење

Шкотланѓанецот Фрејзер Џонстон се соочил со оригинална судска пресуда , откако повеќе пати морал да плати казна за пребрзо возење.

Фрејзер Џонстон (39) од Муселбург, во близина на Единбург, Шкотска, е горд сопственик на чудовиштето од Форд, Mustang GT. И, секако, Фрејзер неколку пати ја испробал моќта на Мустангот,а последен пат бил снимен како вози со 175 километри на час.

Тој се обиде да се одбрани со емоции пред судот. Неговиот адвокат се обиде да објасни како Мустангот буквално го заведувал, односно не можел да одолее да не притисне на педалата за гас. Потсвесно, на моменти, тој возел брзо и не бил свесен за тоа. Адвокатот дури истакна дека Фрејзер понекогаш се сепнувал кога ќе видел како вози премногу брзо, па дури тогаш прикочувал.

Шегата настрана, но фактите кажуваат поинаку. Фрејзер бил фатен неколку пати за пребрзо возење од 2017 година и неправино паркирање. Тој дури бил казнуван двапати во еден ден, така што неговата возачка дозвола му била привремено одземена.

Судијата немал друг избор освен да донесе единствена можна одлука. После сослушувањето, Фрејзер се согласил да го продаде својот Mustang GT, а потоа да купи значително побавен Peugeot Partner како замена. Секако, тој доби и шест негативни поени и ќе мора да плати казна од 420 фунти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Редовна есенска дератизација во Центар, опфатени 2.000 шахти

Општина Центар спроведува редовна есенска дератизација на целата територија на локалната самоуправа, со која се опфатени околу 2 000 шахти.

Дератизацијата се спроведува со цел сузбивање на штетните глодари и спречување на ширење заразни болести, како дел од континуираните мерки за заштита на здравјето на граѓаните.

„Ова е редовна дератизација што ја спроведуваме на целото подрачје на општината. Пред неколку недели реализиравме и вонредна дератизација за сузбивање на глодарите и спречување на потенцијални извори на зарази“, истакна градоначалникот на Општина Центар, Горан Герасимовски.

Препаратот што се користи е сертифициран и одобрен од Министерството за здравство, а наменет е за контрола на штетниците, без да претставува ризик за другите животински видови. Системската дератизацијата е дел од редовнитепревентивни активности за одржување на хигиената и заштита на јавното здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасено мече фатено во стапица на планината Јакупица

На планината Јакупица во велешко спасено е мече фатено во нелегално поставена стапица.

Животното го пронашле ловџии од Ловечкото друштво „Руен“ од Велес.

Тие слушнале силно рикање и го забележале мечето заробено во сајла.

Во близина била и неговата мајка, која го набљудувала настанот. Во акцијата учествувале инспектори, ловџии, еколози, полицајци и ветеринар.

Мечето било пронајдено на локалитетот Чеплес, во близина на рибник Нежилово.

Ветеринар од Скопската зоолошка градина го успал животното за да го прегледа.Стапицата била отстранета, а мечето немало видливи повреди.станува збор за мажјак стар околу три години и тежок 70 килограми.По прегледот, мечето било пуштено назад во природата.за случајот бил известен јавен обвинител од велес.Полицијата ја запленила стапицата за вештачење и поведување кривична постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години.

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години ова беше истакнато на прес-конференција и едукативен симпозиум „Мисли на ретки: препознај и упати“ на здружението на граѓани за ретки болести „живот со предизвици“ Битола, националната алијанса за ретки болести на македонија и здружението на лекари по општа,семејна медицина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.