Шеваљ Муареми уапсен во Дубаи, па ослободен поради нерелевантни докази? - Канал 5

Македонија

Шеваљ Муареми уапсен во Дубаи, па ослободен поради нерелевантни докази?

Ниту еден од македонските надлежни органи нема добиено потврда ниту известување од Обединетите Арапски Емирати дека осомничниот предводник на нарко групата од Грчец, Шеваљ Муареми, бил уапсен во Дубаи, па пуштен на слобода.

Шеваљ Муареми уапсен во Дубаи, па ослободен поради нерелевантни докази?

Ниту еден од македонските надлежни органи нема добиено потврда ниту известување од Обединетите Арапски Емирати дека осомничниот предводник на нарко групата од Грчец, Шеваљ Муареми, бил уапсен во Дубаи, па пуштен на слобода, како што објавија дел од македонските медиуми.

Од министерството за правда, МВР, како и обвинителството за гонење на организиран криминал за Канал 5 велат дека до нив не е стигната никаква официјална информација дека Шеваљ вчера неколку часа ги поминал во полициска станица во Дубаи, но подоцна бил пуштен поради невалидни докази.

Откако дел од медиумите објавија дека македонските власти наводно доставиле докази од апликацијата Sky, кои за истражните органи во Дубаи не се релевантни, од обвинителството за гонење организиран криминал негираат дека какви било докази воопшто се испратени за превод до министерството за правда. Појаснуваат дека, согласно процедурата, чекаат известување од Обединетите Арапски Емирати дека Шеваљ воопшто е уапсен.

За лидерот на кланот од Грчец пред нецел месец министерот за правда Кренар Лога ги потпиша барањата за негова екстрадиција, откако претходно МВР распиша и меѓународна потерница.

Како што тогаш појаснија од Правда, барањата, откако ќе бидат преведени, ќе бидат проследени до Министерството за надворешни работи на натамошно постапување до Обединетите Арапски Емирати.

Муареми е осомничен како предводник на групата од Грчец која убивала и пренесувала дрога, а беше откриена преку акција потпомогната и од меѓународните истражни институции.

Во јануари, годинава, беа поднесени кривични пријави против 16 лица кои се сомничат за неовластено производство и пуштање во промет наркотични дроги, убиства и обиди за убиства. Сите биле членови на меѓународна организирана криминална група, која ја предводел 46-годишниот Муареми.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Новинар известувал за поплава, кога зад себе видел човек како тоне во џипот- тогаш почна драмата (ВИДЕО)

Австралискиот телевизиски репортер Вил Мареј и случаен минувач спасија маж од потопен џип во поплавните води во Квинсленд, северно од Бризбејн, објави Ројтерс.

Новинар известувал за поплава, кога зад себе видел човек како тоне во џипот- тогаш почна драмата (ВИДЕО)

Мареј, новинар за јавниот радиодифузен сервис АБЦ, известуваше за поплавите кога возилото на мажот падна во водата, застана и почна да тоне.

Репортерот и друг маж допливаа до возилото и го извлекоа возачот, неколку моменти пред автомобилот целосно да исчезне под водата.

„Тие дефинитивно му го спасија животот на човекот. Нема сомнение за тоа“, рече снимателката на АБЦ, Лиз Пикеринг, која беше сведок на инцидентот.

Околу 170 милиметри дожд паднаа во австралискиот град Морајфилд во среда, според АБЦ.

Тагови: новинар ПОПЛАВА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ заплени рекордно количество фалсификувана стока- над 40% доаѓа од Кина

Во ЕУ во текот на 2025 година беа запленети повеќе од 196 милиони парчиња фалсификувана стока, што е најголемата количина досега. 

ЕУ заплени рекордно количество фалсификувана стока- над 40% доаѓа од Кина

Ова е дури за 67 проценти повеќе од претходната година, според извештајот на Канцеларијата на Европската унија за интелектуална сопственост (EUIPO), со седиште во Аликанте, Шпанија.

Проценетата вредност на конфискуваната стока е исто така рекордна, изнесувајќи 6,3 милијарди евра. За споредба, во 2024 година, која дотогаш го држеше рекордот, беа запленети стоки во вредност од 3,9 милијарди евра. Поголемиот дел од запленетата стока се ЦД-а и ДВД-а, компјутерски програми, играчки, етикети и налепници. Цигарите и облеката исто така сочинуваат голем дел.

Поголемиот дел од фалсификуваната стока доаѓа од Кина, повеќе од 40 проценти, додека Турција е на второ место со 18 проценти. Големото зголемување на заплените се припишува на засилената борба против шверцерските групи и почестите и поуспешни контроли.

Онлајн купувањето ја отежнува борбата против фалсификувањето

EUIPO предупредува дека борбата против фалсификувањето е отежната од зголемениот број на различни правци по кои се транспортираат стоките, како и од ограничените капацитети на надлежните служби.

Дополнителен проблем е растот на онлајн трговијата, бидејќи стоките сè повеќе се доставуваат по пошта и преку бројни компании за достава, што ја отежнува контролата.

Во извештајот се заклучува дека подобрата заштита на интелектуалната сопственост и европската економија бараат нови мерки, подобра соработка меѓу надлежните служби и посовремени алатки и технологии.

Тагови: фалсификувана стока

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Тргнала кон болница, но бебето не чекало- жена за две минути се породила во воз во Холандија

Бремена жена се породила во воз во холандскиот град Гронинген откако ѝ пукнале водењакот додека патувала кон болница на преглед.

Тргнала кон болница, но бебето не чекало- жена за две минути се породила во воз во Холандија

Локалните медиуми објавија дека мајката и новороденото бебе се добро.

Жената се качила на воз „Арива“ на станицата „Еуропапарк“ и добила породилни болки кратко по поаѓањето, објави „NL Times“.

Според еден патник, целиот инцидент се случил за околу две минути. Патниците повикале брза помош и прашале дали има лекар во возот.

Медицинските сестри се качиле на возот на станицата „Гронинген“ за да им помогнат на мајката и бебето.

Железничката компанија „Арива“ потврди дека породувањето се случило во возот, но одби да даде дополнителни детали поради загриженост за приватноста.

Тагови: бебе воз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер