Шоу биз

Шарлиз Терон сака да глуми во геј верзија на филмот „Умри машки“

Јужноафриканската актерка Шарлиз Терон одговори на предлогот на следбеник на Твитер за новиот филм, а на изненадување на обожавателите, ѝ се допаднала неговата идеја.

„Лезбејските божиќни филмови се сѐ подобри и подобри, но она што навистина сакам да го видам е верзијата „Умри машки“ каде Шарлиз Терон дивее за да ја спаси својата сопруга“, напишала една нејзина обожавателка на Твитер минатата година која сигурно не очекувала дека на актерката ќе ѝ се допадне нејзиниот предлог..

„Каде да потпишам?“ и одговори Терон.

Сега во големото интервју за Vanity Fair, убавата актерка потврди дека тоа била одлична идеја и изјавила дека е подготвена да прифати таква улога и дека едноставно ѝ недостига студио кое би било спремно да го сними тој филм.

„Да, би, затоа веднаш одговорив на Твитер, бидејќи тогаш мислев, а и сега, дека тоа е одлично. Помислив: „Оваа личност треба да почне да предлага работи“. Тоа е одлична идеја. А фактот дека ќе има две жени, веднаш помислив: „Да, пријавете ме за тоа“, рече Терон.

Where do I sign https://t.co/nO47Bj28CN
— Charlize Theron (@CharlizeAfrica) December 8, 2020

Во акционите хитови The Old Guard, Atomic Blonde и Mad Max: Fury Road, Терон покажа исклучителен талент во бројни жестоки сцени. За очекување е дека би се снашла добро во женската верзија на легендарниот Џон Меклејн, но засега нема конкретни договори за сличен филм.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност.

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Ертракторите“ цел дел гаснат над Рамни Габер, активни пожари има на осум места

Состојбата со пожари на отворен простор денеска е подобра во однос на вчера, но повторно досега има дваесетина пожари, од кои 8 се активни во овој момент, соопшти попладнево директорот на дирекцијата за заштита и спасување, Стојанче Ангелов.

Како најкомплексен пожар за гаснење останува пожарот во Студеничани, над селото Рамни Габер. Цел ден дејствуваат етракторите, значително е намален поголем дел од горните краци, но потребно е уште многу работа за истиот да биде изгаснат – вели Ангелов.

Пожар попладнево избил и во атарот на село Борино и село Житоше, во Крушево. Ангелов вели дека се работи за тешко пристапен терен и таму ќе биде упатен еден полициски хеликоптер кој набргу треба да започне со дејство, бидејќи во близина има непосреден извор за полнење на вода.

Сериозен пожар попладневo избил и во велешко – во селото Салм. Ангелов вели дека пожарникарите водат битка да го заштитат селото, но посочи дека верува во нив и очекува уште денеска да биде изгаснат.

Ангелов соопшти дека вчера имало и иницент во прилепско, каде што двајца пожарникари биле физички нападнати.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.