Шакира проговори за врската со Том Круз (фото + видео) - Канал 5

Шакира проговори за врската со Том Круз (фото + видео)

Потоа заврши на луксузна јахта со возачот на Формула 1, Луис Хамилтон! 

Шакира проговори за врската со Том Круз (фото + видео)

Познатата пејачка Шакира (46) и холивудскиот заводник и актер Том Круз (60) биле забележани како се забавуваат на трките во Формула 1 во Мајами. Според американските медиуми, од тој момент, Круз наводно ја опсипувал пејачката со подароци и цвеќиња со надеж дека ќе ја освои.

Во меѓувреме, таа е фотографирана како се качува на луксузната јахта на возачот на Формула 1 Луис Хамилтон (38), пред нејзината вила на брегот на Мајами вредна 20 милиони долари.

Освен нив двајца, на пловилото биле видени и блиски пријатели на возачот на Формула 1.

Според пријателите на Шакира, таа не е заинтересирана за холивудската ѕвезда, ниту за каква било врска:

- Том е навистина фин и таа уживаше во негово друштво, но во моментов таа не е фокусирана да излегува и да се забавува со него, ниту со кого било друг. Таа во моментов е посветена на многу обврски, а синовите и кариерата ѝ се на прво место. Шакира видела дека на социјалните мрежи се појавила веста за нивната наводна љубов, но сето тоа ѝ беше смешно бидејќи не е вистина - изјавил близок пријател на познатата пејачка.

Шакира и Круз се состанале минатиот викенд на трките во Формула 1 во Мајами, и наводно меѓу нив летале искри. Сепак, нејзините обожаватели се поделени. Некои веруваат дека Шакира и Том би биле совршен пар, додека други сметаат дека таа треба да бега од него со оглед на неговите религиозни убедувања и припадноста на скиентолошката црква.

Од друга страна, според наводите, на колумбиската пејачка повеќе ѝ се допаѓа Хамилтон со кого беше на крстарење. Дали на повидок е нова љубов или само пријателско дружење, засега не е јасно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Најдобрите фудбалери против Кипар за опстанок во Б дивизијата од Лигата на нации

Македонија оспатанокот во Б сегментот од Лигата на нации ќе се обиде да го избори во два меча против селекцијата на Кипар. 

Најдобрите фудбалери против Кипар за опстанок во Б дивизијата од Лигата на нации

Најдобрата фудбалска репрезентација на Македонија попладнево денешната ждрепка во седиштето на УЕФА во Нион го дозна противникот во баражот за опстанок во Б-Лигата на нации.

„Црвено-жолтите“ по катастрофалниот настап и шесте порази на исто толку натпревари, за опстанок во овој сегмент за противник ќе ја имаат репрезентацијата на Кипар.

Нашите најдобри фудбалери осптанокот во Б дизивијата ќе се обидат да го изборат на домашен терен, бидејќи првиот натпревар избраниците на Седлоски го играат на 25 март следната година на Кипар, а реваншот е закажан за 28 истиот месец во Скопје.

БАРАЖ ПАРОВИ:

КИПАР – МАКЕДОНИЈА

ЕСТОНИЈА – РОМАНИЈА

ФАРСКИ ОСТРОВИ – ГРУЗИЈА

БЕЛОРУСИЈА – ИЗРАЕЛ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Министерот за здравство Сашо Клековски и ректорот на Универзитетот Тракија од Едрене, проф. д-р Мустафа Хатиплер, денеска во Скопје потпишаа протокол за соработка во областа на здравството, со важност од пет години.

МЗ: Потпишан петгодишен протокол за соработка со Универзитетот Тракија: обука за македонските здравствени работници во Едрене

Протоколот е потпишан во рамки на проектот „Мостови на братството“ — балканска соработка во здравството и обука во текот на работата, што Универзитетот Тракија го спроведува со поддршка на Министерството за здравство на Република Турција. Македонија е третата земја вклучена во проектот, по Косово и Бугарија.

Соработката предвидува:

стручни престои и практична обука на македонски здравствени работници на Медицинскиот факултет и во Универзитетската болница во Едрене;

размена на знаење и клиничко искуство меѓу стручните тимови;

заеднички научни истражувања и стручни настани;

институционална соработка што, покрај медицината, ги опфаќа и стоматологијата, фармацијата и здравствените науки.

Протоколот е продолжение на меморандумот за разбирање во областа на здравството што министерот Клековски го потпиша со министерот за здравство на Република Турција, проф. д-р Кемал Мемишоглу, во октомври годинава во Истанбул, каде што стручната размена и специјалистичката едукација беа определени како приоритетни области.

Во делегацијата на Универзитетот Тракија беа и проректорот и декан на Медицинскиот факултет проф. д-р Седат Устундаг, деканот на Факултетот за стоматологија проф. д-р Али Јилмаз и директорот на Универзитетската болница проф. д-р Алкин Чолак.

„Договорите вредат онолку колку што од нив ќе почувствува корист еден пациент. Со овој протокол нашите здравствени работници добиваат место каде ќе се доусовршуваат, а знаењето што ќе го донесат останува тука“, изјави министерот Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пожар на ортопедија во ГОБ 8 Септември

Пожар избувнал утрово во Градската општа болница „8-ми Септември“ во Скопје, на Одделот за ортопедија, поради што дел од пациетите морале да бидат евакуирани.

Пожар на ортопедија во ГОБ 8 Септември

Засега нема официјални информации каде точно избувнал пожарот, ниту која е причината за неговото настанување.

Пожарот е локализиран и, според информациите од надлежните служби, нема опасност од негово понатамошно ширење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер