Селин Дион најави враќање на сцената во Париз со десет концерти од септември - Канал 5

Шоу биз

Селин Дион најави враќање на сцената во Париз со десет концерти од септември

Канадската пејачка Селин Дион, вчера на денот на својот 58 роденден, преку видеопорака снимена пред Ајфеловата кула, најави враќање на сцената во Франција по повеќе од шест години отсуство, пренесе француската телевизија БФМ (BFM TV).

Селин Дион најави враќање на сцената во Париз со десет концерти од септември

Враќањето на сцената доаѓа две години откако Дион настапи на церемонијата на отворањето на летни олимписки игри 2024, и покрај тоа што се соочува со синдром на вкочането тело – неизлечива невролошка болест која предизвикува мускулни спазми и го ограничува движењето. Болеста беше јавно откриена во 2022 година, по што Дион беше принудена да ги откаже завршните настапи од својата светска турнеја „Светска турнеја Храброст“ („Courage World Tour)“.

Концертите ќе се одржат во арената Париз ла Дефанс (Paris La Défense Arena) – најголемата затворена сала во Европа, со капацитет од околу 40.000 места. Со годините, Дион отворено го прикажуваше влијанието на болеста врз нејзиното секојдневие и кариера, раскажано и преку документарниот филм „Јас сум Селин Дион“. Француските медиуми известија дека Ајфeловата кула во неделата навечер беше осветлена со посебни бои, прикажувајќи ги зборовите „Селин Дион“, „Париз“ и „подготвена сум“ – во знак на почит кон враќањето на пејачката на француската сцена. Светлосната реклама предизвика големо внимание од жителите и посетителите на Париз. Последниот концерт на Дион во Франција се одржа во 2017 година, што го прави ова враќање значаен настан за нејзините обожаватели и музичката сцена во Париз.

Тагови: Селин Дион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Редовна есенска дератизација во Центар, опфатени 2.000 шахти

Општина Центар спроведува редовна есенска дератизација на целата територија на локалната самоуправа, со која се опфатени околу 2 000 шахти.

Герасимовски: Редовна есенска дератизација во Центар, опфатени 2.000 шахти

Дератизацијата се спроведува со цел сузбивање на штетните глодари и спречување на ширење заразни болести, како дел од континуираните мерки за заштита на здравјето на граѓаните.

„Ова е редовна дератизација што ја спроведуваме на целото подрачје на општината. Пред неколку недели реализиравме и вонредна дератизација за сузбивање на глодарите и спречување на потенцијални извори на зарази“, истакна градоначалникот на Општина Центар, Горан Герасимовски.

Препаратот што се користи е сертифициран и одобрен од Министерството за здравство, а наменет е за контрола на штетниците, без да претставува ризик за другите животински видови. Системската дератизацијата е дел од редовнитепревентивни активности за одржување на хигиената и заштита на јавното здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасено мече фатено во стапица на планината Јакупица

На планината Јакупица во велешко спасено е мече фатено во нелегално поставена стапица. 

Спасено мече фатено во стапица на планината Јакупица

Животното го пронашле ловџии од Ловечкото друштво „Руен“ од Велес.

Тие слушнале силно рикање и го забележале мечето заробено во сајла.

Во близина била и неговата мајка, која го набљудувала настанот. Во акцијата учествувале инспектори, ловџии, еколози, полицајци и ветеринар.

Мечето било пронајдено на локалитетот Чеплес, во близина на рибник Нежилово.

Ветеринар од Скопската зоолошка градина го успал животното за да го прегледа.Стапицата била отстранета, а мечето немало видливи повреди.станува збор за мажјак стар околу три години и тежок 70 килограми.По прегледот, мечето било пуштено назад во природата.за случајот бил известен јавен обвинител од велес.Полицијата ја запленила стапицата за вештачење и поведување кривична постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата  за лечење на пациентите за наредните две години.

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години ова беше истакнато на прес-конференција и едукативен симпозиум „Мисли на ретки: препознај и упати“ на здружението на граѓани за ретки болести „живот со предизвици“ Битола, националната алијанса за ретки болести на македонија и здружението на лекари по општа,семејна медицина.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер