Села: Албанците со години веруваа, но секогаш беа разочарани од албанските политички партии

Државата досега беше еднострана, така што е време да се создаде држава за сите, каде што сите ќе се чувствуваат еднакви.

Денот на гласање е ден кога граѓаните имаат моќ да ја направат промената, изјави претседателот на Алијансата за Албанците, Зиадин Села на средба со жителите на кумановското село Черкези.

– Ние се соочуваме со ситуација што доаѓа еднаш на четири години и затоа треба да се зборува за тоа. Има многу партиски функционери кои доаѓаат и се обидуваат да ја загрозат политичката волја на граѓаните, волјата што тие сакаат да ја изразат. Денот на гласањето е ваша симболика, тие „пет минути" кога чекориш кон гласачката кутија. Во седум часот наутро, лидерите на партиите, да немате дилеми, не вредат ни нула. Бидејќи политичката моќ се мери во девет часот навечер и ние ќе бидеме толку силни колку вие ќе ни дадете политичка моќ, еден по еден со еден глас, истакна Села претставувајќи ги целите на програмата „Држава за сите" на коалицијата „Сега е време".

Тој, исто така, повика да не биде исклучен ниту еден Албанец, туку сите заедно да разговараат меѓусебно за политичката понуда што ја нудат Алијансата за Албанците и Алтернатива.

Лидерот на Алијансата за Албанците истакна дека Албанците со години верувале, но секогаш биле разочарани од албанските политички партии и како резултат за малку нова надеж го насочиле својот глас кон македонски субјект.

– Каде сме денес? Пред неколку месеци пред да започне пандемиската криза, го посетивме секое место, секое маало, секое село и секоја населба. Ние сме биле и тука во Куманово. И го видов третманот што СДСМ им го прави на Албанците. Тоа го имате видено и од медиумите. Тие велат општество за сите, но нема училиште за Албанците во Идризово, општество за сите, но нема училиште за Албанците во Чашка. Има илјадници албански деца кои учат на македонски, а не на албански јазик, нешто што е загарантирано и со човековите права дека секој може да се образува на својот мајчин јазик. Е ова не е заедничко општество за сите, потенцираше меѓу другото Села. /МИА

Монструми киднапирале дури 150 деца во Тенеси, конечно се фатени (ВИДЕО)

Повеќемесечната полициска истрага довела до зачудувачко откритие во американската држава Тенеси.

Околу 150 деца на возраст од три до 17 години биле пронајдени низ целата земја како дел од ненадејните рации.

Пет деца биле жртви на криумчарење, а едно дете е пронајдено како дел од истрагата за киднапирање, а уапсен е и еден осомничен, соопштија истражителите.

Откритијата во Тенеси претставуваат најголем успех од сите неодамнешни акции на американските држави во мисијата за пронаоѓање исчезнати деца.

Полицијата исто така извести дека неколку лица биле уапсени.

„Се надевам дека оваа операција ќе го смени текот на животот на 150 деца и ќе им даде можност што секое дете го заслужува“, рече Тајрис Милер, американски шериф за западниот округ Тенеси.

Операцијата започнала есента 2020 година. Вкупно 240 исчезнати деца биле идентификувани низ целата држава. Конечната акција започнала во јануари, а за два месеци успеале да пронајдат 150 деца.

Околностите на исчезнување на децата се различни, некои деца избегале од дома, други живеат со други членови на семејства, а некои за жал биле злоупотребени и експлоатирани.

Конгресменот во Тенеси, Тим Бурчет ги нарече резултатите чудесни.

Во текот на 2020 година биле пронајдени вкупно 387 деца со помош на американските маршали. Некои други држави, како што се Охајо, Вирџинија, Индијана и Џорџија, исто така започнале акции насочени кон пронаоѓање на исчезнати деца.

Ванда Икарди се соблече за да испрати важна порака (ФОТО)

Аргентинката Ванда Икарди, позната како Ванда Нара пред бракот со Мауро Икарди, е фудбалски менаџер која раководи со кариерата на нејзиниот сопруг.

Икарди е една од најголемите sвезди на богатиот ПСЖ, а Ванда со години се грижи за неговата кариера. Освен со својата менаџерска кариера, Ванда е светски позната и по својот профил на Инстаграм.

Ванда на Инстаграм ја следат скоро седум и пол милиони луѓе кои ги привлекла објавувајќи претежно голи фотографии.

Во неодамнешната објава, Ванда се фотографира во провокативно издание за да привлече внимание на тоа што ќе напише во описот на таа фотографија.

„Останете дома“, напиша таа и на необичен начин ги повика своите следбеници на придржување кон мерките против коронавирусот.

СЗО: Нема да ги објавиме прелиминарните резултати од истражувањето во Вухан

Светската здравствена организација (СЗО) се откажа од плановите за објавување на првични резултати од истрагата за потеклото на коронавирусот во Кина и дека ќе објави целосен извештај во втората половина на март.

Наместо прелиминарен извештај, целиот извештај ќе биде презентиран во следната недела на 14 март, рече водачот на тимот Питер Бен Ембарек денеска во Женева.

Ембарек ја предводеше групата од десетина други научници избрани од Светската здравствена организација (СЗО) за да ги посетат болниците и истражувачките институти во Вухан во централна Кина, каде што за прв пат беше идентификуван новиот коронавирус, за да го откријат потеклото на ковид-19.

СЗО денеска не ги наведе причините за промена на планот за објавување на резултатите.

Мисијата на експерти на СЗО во Кина беше изведена по повеќемесечни преговори со кинеските власти кои сакале да спречат да бидат обвинети за пандемијата.

Резултатите презентирани на првата прес-конференција по патувањето во Кина беа нејасни. Ембарек се чини ја отфрлил можноста дека вирусот избегал од лабораторијата во Вухан, наместо да тврди дека вирусот бил пренесен на луѓето од лилјаци преку посредник, како што претходно се претпоставувало.

Мисијата се најде на удар на критичарите и СЗО е обвинета дека многу се потпира на премногу политички компромитирани кинески податоци и теренска работа.

притисни ентер