Сега не е време за диети – со зеленчук, овошје, чаеви, супи, јогурт и пилешко против коронавирусот - Канал 5

Живот

Сега не е време за диети – со зеленчук, овошје, чаеви, супи, јогурт и пилешко против коронавирусот

Имајќи предвид дека сé уште не е достапна вакцина за вирсуот КОВИД-19, правилната исхрана која игра важна улога во превенцијата од заразни болести, посебно е битна сега, во овој случај. 

Сега не е време за диети – со зеленчук, овошје, чаеви, супи, јогурт и пилешко против коронавирусот

Според нутриционистите, во овој момент не е време за диети со висок процент на масти и протеини, а со мала застапеност на јагленихидрати во оброците.

Треба да се јаде овошје барем двапати дневно (најмногу цитруси и црвени бобичасти плодови), да се пијат чаеви и други течности, да се консумираат супи (пилешка или зеленчукова). Притоа, не смее да се заборави и порција салата (за ручек и вечера), особено зелен лиснат зеленчук.

Како што вели за МИА д-р Драгица Зенделовска, виш научен соработник, од животински протеини може да се користат пилешко и мисиркино месо, риба, обезмастени млечни производи, посебно јогурт со пробиотски култури, додека од растителните – грав, грашок, леќа во комбинација со ориз или парче интегрален леб со семки со цел да се внесат полни протеини.

Зенделовска апелира да се избегнуваат конзервираните производи, комерцијалните индустриски производи особено виршли, паштети, салами, намалете ја употребата на маргарин и рафинирани масла, грицки, торти,…

Препорачува и лицата кои се на пост или веганската популација да бидат внимателни поради несоодветниот внес на протеини.

-Преку внимателен избор на намирници можеме да влијаеме во насока на подобрување на имунитетот чија функција е одлучувачки фактор и во случај да се заразиме – болеста да тече со подобра клиничка слика. Зголемениот внес на масти негативно влијае на имунолошкиот систем во споредба со диети кои се со висока содржина на јаглехидрати. Нормално, треба да се обезбеди доволен внес на полинезаситени масни киселини како што се Омега-3. Од друга страна, пак, внимателни треба да бидат лицата кои се на пост или веганската популација, поради несоодветниот внес на протеини што може да влијае на Т-клеточниот систем резултирајќи со зголемена инциденца на опортунистички инфекции и најчесто недоволен внес на витамин Б12 и фолна киселина кои се неопходни за синтеза на нуклеински киселини и нормална продукција на црвени и бели крвни зрнца, како и цинк кој е есенцијален за развој на имунолошкиот систем и на повеќе од 100 металоензими. Јаглехидратите, особено гликозата, е важно гориво за клетките на имунолошкиот систем вклучувајќи ги лимфоцитите, неутрофилите и макрофагите, ја намалуваат концентрацијата на стрес хормоните како што е кортизолот кој има имуносупресивен ефект вклучувајќи супресија на продукција на антитела, лимфоцитна пролиферација, објаснува д-р Зенделовска.

Нагласува и дека сокот од овошје, чаевите и другите течности во текот на денот ќе ни помогнат да го одржиме нормалниот проток на плунка, бидејќи таа содржи неколку протеини кои имаат антимикробни својства (имуноглобулин А, лизозим, бета-амилаза).

-Многу е важно да останете добро хидрирани во текот на денот. Од чаеви користете цвет од липа, лист од бреза, бел слез, семе од анасон, а особено важен е чајот од сладок корен кој долго години се користи за превенција и третман на респираторни вирални инфекции поради содржината на неураминидаза инхибитори. Да не ги заборавиме супите (пилешка или зеленчукова) во кои можете да додадете ѓумбир, куркума, бибер. Време е да бидеме малку креативни во нашите кујни и да пробаме да направиме француска супа од кромид или чешка супа од лук. Во дневното мени особено за ручек и вечера потребна е поголема порција салата особено зелен лиснат зеленчук, не само поради витамините, минералите и растителните влакна, туку и за да ја намалиме енергетската густина на оброците за да превенираме зголемување на телесната тежина поради намалената физичка активност. Овошјето и зеленчукот треба добро да се измијат и покрај тоа што досега не е утврдена трансмисија на вирусот преку храна, но истата може да биде контаминирана, потенцира Зенделовска.

Од додатоци во исхрана би било добро, вели, да се користи мултивитаминска и мултиминерална формула, витамин Ц, витамин Д, пробиотик и пребиотик, а лицата со компромитиран имунолшки систем може да користат бета глукан за кој се уште недостасуваат хумани студии за имуномодулација и колострум кој содржи антитела, фактори на раст, ензими, ганглиозиди.

-Според мене, најдобра заштита е да се остане дома, одржувајте ја социјалната дистанца и хигиената, хранете се добро. Само со позитивна мисла, нема простор за паника и да бидеме општествено одговорни за да им помогнеме на луѓето во бели мантили кои безрезервно се даваат во овој момент. И секако, за време на пандемијата треба да се следат препораките на СЗО со цел да се спречи натамошното ширење на вирусот, подвлекува д-р Зенделовска./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петгодишно дете загина, откако врз него падна огромен екран во училиште на Флорида

Петгодишно момче почина откако голем видеоекран падна врз него вчера во основно училиште во Флорида. 

Петгодишно дете загина, откако врз него падна огромен екран во училиште на Флорида

Несреќата се случи во училиштето „Ривиера“ во Палм Беј. И покрај брзата интервенција на училишниот персонал и службите за итни случаи, момчето им подлегна на повредите во болницата подоцна истиот ден, пишува „Пипл“.

Заменик-шефот на полицијата во Палм Беј, Ник Шчепански, потврди на прес-конференција дека вработените во училиштето веднаш се јавиле на 911 и почнале сами да му помагаат на момчето додека не пристигнале болничарите. Семејството го идентификувало момчето како Белами Докинс-Морис.

„Според првичните информации, се чини дека станува збор за трагична несреќа. Сепак, нашите истражители од Одделот за специјални жртви и сериозни кривични дела, заедно со форензичарките, спроведуваат детална истрага“, објасни Шчепански.

„Очекувавме да биде безбеден во училиштето“

Полицијата и училишниот округ Бревард сè уште не објавија точно како паднал екранот. Семејството на детето им кажа на локалните медиуми дека им било кажано дека Белами го нишал екранот пред структурата да се преврти врз него. Поради ова, тие се прашуваат дали екранот бил правилно обезбеден и дали момчето било надгледувано.

„Очекувавме да биде безбеден во училиште, но не се врати кај нас“, рече тетката на Белами, Миријам Родригез. „Тагата се претвори во гнев. Бараме одговори, и тоа сега“, додаде таа.

Надзорникот на училишниот округ, Марк Рендел, го опиша вчерашниот ден како „неверојатно тежок ден“ за целата училишна заедница. „Денес изгубивме скапоцен млад живот и нема зборови со кои би се опишала таа загуба“, рече тој на прес-конференција. „Се сретнав со семејството пред малку. Се занимавам со оваа работа повеќе од 30 години и навистина не знаев што да кажам за да ја пренесам мојата болка и тага што сите ја чувствуваме“, рече тој.

Рендел им се заблагодари на службите за итни случаи за нивниот брз одговор и на болничкиот персонал за нивните напори да го спасат момчето. Тој нагласи дека негов приоритет сега е да им пружи поддршка на учениците, наставниците и на сите во училишната заедница. „Постои празнина во срцата на членовите на семејството и јас го чувствувам истото. Загубата е неопислива“, рече тој и ја замоли јавноста да биде со семејството на момчето и со училишната заедница на Ривиера во нивните мисли и молитви.

Тагови: дете училиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Селин Дион падна среде концерт во Франција (ВИДЕО)

Селин Дион падна на сцената за време на концерт во Франција, но брзо се опорави и продолжи да настапува како ништо да не се случило.

Селин Дион падна среде концерт во Франција (ВИДЕО)

Несреќата се случи во среда вечерта во Нантер, каде што пејачката одржува концерти како дел од серијата настапи „Селин Дион Париз 2026 - 2027“. За време на изведбата на една од песните, Дион отскокна на едната нога, потоа ја изгуби рамнотежата и падна. Падна на задникот и успеа да го ублажи падот со раката. Веднаш стана, крена палец нагоре за да ѝ покаже на публиката дека е добро и продолжи да пее.

YouTube video

Видеото од падот привлече внимание

Гари Франк, кој ја сними несреќата, за Storyful изјави дека падот на пејачката го изненадил и го загрижил. Сепак, тој бил воодушевен од тоа колку брзо таа се навикнала и продолжила да настапува. Тој додаде дека несреќата воопшто не влијаела на остатокот од концертот.

Враќање на сцената по повеќегодишна пауза

Селин Дион се повлече од концертните сцени во последните години поради синдром на вкочанета личност, ретко невролошко нарушување кое предизвикува мускулна вкочанетост и болни грчеви. И покрај здравствените проблеми, пејачката се врати во јавноста во 2024 година со настап на отворањето на Олимписките игри во Париз, а со нова серија концерти се враќа на редовните настапи.

Тагови: Селин Дион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Убиена е докторката на британското кралско семејство- телото е пронајдено додека децата биле дома

Докторката Хана Кејн (45), позната и како Хана Тери, која беше дел од медицинскиот тим на британското кралско семејство, е пронајдена мртва во семејниот дом во Дерсингам, Норфолк, недалеку од имотот Сандрингам, една од кралските резиденции. 

Убиена е докторката на британското кралско семејство- телото е пронајдено додека децата биле дома

Нејзиниот сопруг Марк Кејн (45) е обвинет за нејзиното убиство и се појави на суд во Норвич во среда, објавува „Гардијан“.

Амбулантни возила беа повикани во полиција околу 2:25 часот наутро на 4 октомври откако докторката беше пронајдена во спална соба на горниот кат. Обвинителството му рече на судот дека таа била во несвест и не дишела. Деца исто така имало во куќата во времето кога била пронајдена.

Аутопсијата откри траума од тап предмет на десната страна од главата, како и повреда што може да укажува на притисок врз вратот. Причината за смртта сè уште не е дефинитивно утврдена, а истрагата е во тек.

Кејн беше уапсен откако беше пронајдено телото на неговата сопруга, а потоа беше формално обвинет за убиство на 6 октомври. Тој не се изјасни на рочиштето во среда, туку само го потврди своето име, датум на раѓање и адреса. Судот нареди негово притворање, а следното појавување е закажано за Крунскиот суд Кингс Лин.

Хана Кејн работела како општ лекар во Медицинскиот центар Гримстон, а според британските медиуми, таа била дел од група лекари кои им биле достапни на членовите на кралското семејство за време на нивниот престој во блискиот Сандрингам. Британските медиуми, исто така, објавуваат дека таа лекувала некои членови на кралското семејство, вклучувајќи ја и кралицата Камила, но овој дел од нејзината кариера не е официјално потврден од полицијата или Бакингемската палата.

Докторот била мајка на три деца. Според британските медиуми, ноќта кога била пронајдена мртва, во куќата бил организиран детски собир. Нејзиното семејство објави емотивна порака во која ја опишале како „љубезна, дарежлива и грижлива“ личност, мајка, ќерка, сестра и пријателка, барајќи од јавноста да ја почитува нивната приватност.

Медицинскиот центар каде што работела бил привремено затворен по нејзината смрт поради, како што наведуваат, „исклучително тешки околности“ што влијаеле врз персоналот. Нејзините колеги ја почитувале како посветена лекарка која се грижела за нејзините пациенти.

Куќата каде што е пронајдена се наоѓа на нешто повеќе од еден километар од куќата Сандрингам, поради што случајот привлече посебно внимание од британската јавност. Полицијата ја продолжува истрагата, додека фактите за околностите на нејзината смрт ќе бидат утврдени во текот на кривичната постапка.

Тагови: докторка кралско семејство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер