Седницата за Предлог-законот за попис ќе продолжи утре на пладне

Пратениците попладнево во рамки на продолжението на 29. седница расправаа за Предлог-законот за попис на населението, домаќинствата и становите, по скратена постапка. Седницата ќе продолжи утре во 12 часот.

Пратениците од ВМРО-ДПМНЕ се согласни дека треба попис и се за спроведување попис, но, како што велат, според европски регулативи. Според нив, процесот се води скандалозно, без ВМРО-ДПМНЕ, и нема да даде точни податоци и имаат сомнеж за резултатите од пописот. Прашаа дали ќе се попишуваат државјани на земјава или резиденти, што ќе се случи со двојните државјани, дали ќе се добијат реални податоци и дали тие понатаму ќе се класифицираат, што е целта со податоците што ќе се добијат… Со вака предложениот закон, според нив, му се даваат преголеми овластувања на едно лице, тоа е директорот на Државниот завод за статистика, кој ја пропишува методологијата за пописот.

Сметаат дека за пописот нема национален и општествен консензус и оти поднесените 40 амандмани на опозицијата не биле прифатени од владејачкото мнозинство. Посочија дека поради КОВИД-19 многу поразвиени држави го одложиле пописот, како Германија, Шкотска, Ирска, Србија, Хрватска…

-Овој закон треба да го повлечете ако имате доблест. Да не го злоупотребувате европското знаменце, изјави пратеникот Бојан Стојаноски. Тој повика да се отвори дебата меѓу релевантните ентитети во земјава, да се постигне консензус, а ако тоа не се случи најави дека ВМРО-ДПМНЕ ќе се мобилизира и ќе поднесе иницијатива за собирање потписи за поништување на овој Предлог-закон.

Пратеникот Дајанчо Ефтимов од ВМРО-ДПМНЕ рече дека пописот е една статистичка операција од која зависи иднината на државата. -Од оваа статистичка операција, која треба да биде статистичка, а не политичка, зависи развојот и на економијата, на образованието, на земјоделството…, истакна Ефтимов, додавајќи дека се се сведува на еден политички договор.

Пратениците, пак, од СДСМ истакнаа дека со овој закон се прави попис, а не се спроведуваат избори и не се прави избирачки список. Прашаа зошто ВМРО-ДПМНЕ во минатото и сега бега од попишување на населението и домаќинствата. Нагласија дека мораме да имаме попис и мораме да знаеме со што располагаме, со кои човечки и други ресурси и во која насока да се креираат идните политики на државата. Според нив, една сложена статистичка операција пратениците од опозицијата на говорница ја претвораат во, како што велат, лакрдија и политичко надмудрување. /МИА

Македонско –бугарската комисија не постигна никаков договор, не се расправало за Гоце Делчев

Денеска заврши дводневната средба на  Комисијата – Скопје/Софија. 

Изминатите два дена Комисијата ја одржа 12. средба. Според предложениот дневен ред за работа, тема на дискусија беа прашањата поврзани со содржината на Записникот од 10. Средба, изготвување на препораки за учебниците по историја со цел надминување на споровите кои произлегуваат од различните и силно исполитизирани толкувања на минатото и усогласување на текст препорака за заедничко чествување на Гоце Делчев.

Во однос на прашањата со записникот, членовите на Комисијата го усвоија записникот и беше утврдено во текот на месец март членовите на Комисијата да работат на усвојување на записникот од 11. средба и Годишниот извештај на Комисијата.

Во однос на дискусијата за учебниците по историја, како и на претходната средба, не беше постигнат напредок. И покрај конструктивната дискусија и желбата да се постигне напредок, не беше постигната согласност во однос на прашањата поврзани со средновековието. Остануваат големите разлики во пристапите и разбирањето на улогата на историското образование и образовните политики. Со оглед на продолжената на дискусијата за учебниците по историја, на оваа средба, Комисијата не го отвори прашањето за Гоце Делчев и негово евентуално заедничко чествување, иако беше на дневен ред.

Дискусијата по овие теми ќе продолжи на следната средба на Комисијата, која треба се одржи на 22 и 23 април 2021 година, соопшти МНР.

Заев : Денеска ја доставив мојата кандидатура за претседател на СДСМ

Денеска ја доставив мојата кандидатура за претседател на СДСМ - Социјалдемократски сојуз на Македонија, напиша на својот Фејсбук профил премиерот Зоран Заев.

Пред членовите на партијата излегувам сo Програма: Нова политика – СДСМ прв во промените!

Ја барам поддршка за нов мандат како претседател, на првите директни внатрепартиски избори што ќе се одржат на 21 март.

Доколку ја добијам довербата, со мојот нов мандат, најавувам досега најголема политичка акција за промена на начинот на функционирање и менталитетот на политичките партии во нашата земја, почнувајќи токму од СДСМ.

Нова политика – Пролетна офанзива за нов пресврт во политичкото делување на #СДСМ и Македонија.

Страшен пожар во Калифорнија, горат индустриски објекти и автобуси (ВИДЕО)

Утрово, индустриската област на калифорнискиот град Комптон бил зафатен од огромен пожар што зафати неколку згради и голем број автобуси.

Огнот прво ја зафатил депонијата за палети, а потоа се проширил на блиската автобуска станица. Уништени се неколку згради и автобуси. Чадот се гледал од неколку километри, пишува ABC7.

На терен има повеќе пожарникари кои се обидуваат да го спречат ширењето на пожарот.

Засега нема извештаи за повредени и не е познато што го предизвикало пожарот.

притисни ентер