Морнарицата на САД сега се обидува да го извлече од длабочините. Станува збор за исклучително сложена операција, за која аналитичарите велат дека ќе биде под специјален надзор на Кина, пренесува CNN.
Ф-35Ц, последниот борбен авион што и се придружи на американската морнарица, беше принуден да слета на носачот на авиони УСС Карл Винстон за време на рутинска операција спроведена во понеделникот, соопшти морнарицата. За време на принудното слетување, авионот вреден 100 милиони долари се лизнал и паднал во морето, а пилотот се спасил исфрлајќи го седиштето, соопштија поморските власти. Во инцидентот се повредени пилотот и неколку членови на екипажот на американскиот носач на авиони.
Штетата за Карл Винсон е минимална и носачот на авиони и сите други авиони продолжиле да функционираат нормално, но американската морнарица сега се соочува со огромен предизвик - извлекување на F-35 од дното на океанот во водите кои се во центарот на вниманието некое време .
Воената морнарица на САД засега не објавила никакви планови за извлекување на авионот. „Американската морнарица работи на планови за извлекување на авион Ф-35Ц кој учествуваше во падот од палубата на УСС Карл Винсон“, изјави денеска за Си-Ен-Ен поручник Николас Лонго, портпарол на седмата флота на САД.
Иако морнарицата не соопшти точно каде се случила катастрофата во Јужното Кинеско Море, Пекинг тврди дека целото Јужно Кинеско Море (околу 3,3 милиони квадратни километри) припаѓа на кинеска територија, а нивните тврдења ги потврдиле со изградба на серија воени бази на островите. Покрај тоа, кинеската морнарица и крајбрежната стража неуморно патролираат во водите на Јужното Кинеско Море.
Соединетите Држави не се согласуваат со тврдењата на Кина за територијалноста на Јужното Кинеско Море и користат маневри и операции како што е она што го вклучува носачот на авиони Карл Винсон за да ја промовира сопствената теза за „слободна и отворена индо-пацифичка област“.
Кинеската влада официјално не ја коментира несреќата, а државните медиуми јавуваат за неа, повикувајќи се на странски медиуми. Но, аналитичарите интервјуирани од CNN се уверени дека Кинезите ќе сакаат да го погледнат потонатиот F-35.
„Кина ќе се обиде да го лоцира и прегледа авионот со помош на подморници кои се специјализирани за длабоки нуркања“, изјави за Си-Ен-Ен, Карл Шустер, поранешен началник на операции во американскиот Команден разузнавачки центар на Пацификот.
Шустер, исто така поранешен капетан на американската морнарица, вели дека е можно Кина да тврди дека има право да го извлече авионот од дното на океанот, наведувајќи ја неговата теза дека Јужното Кинеско Море му припаѓа на Кина.
„Извлекувањето авиони со помош на комерцијални средства или средства на крајбрежната стража може да му овозможи на Пекинг едноставно да каже дека ги отстранува потенцијалните еколошки опасности или ја отстранува странската воена опрема од нејзините територијални води“, рече Шустер. Но, други аналитичари веруваат дека таквата операција би претставувала преголем политички ризик за Кина.
„Со отворено влегување во таква операција, Кина би ризикувала ескалација на тензиите со САД. Не верувам дека Пекинг има стомак за тоа“, рече Колин Кох од Сингапурската школа за меѓународни односи. „Но, можеме да очекуваме Кинезите внимателно да го следат секој обид на Американците да го извлечат авионот на површина“, додаде тој.
Со оглед на фактот дека операцијата за извлекување на авионот Ф35 на површина би можела да трае со месеци, за очекување е дека американската морнарица ќе задржи неколку бродови во близина на местото на несреќата. Не е познато колку долго ќе трае, со оглед на непознатата длабочина на океанот на местото на несреќата.